ജലസേചന വകുപ്പ് കനിയണം; വികസനം കാത്ത് എടക്കാനം റിവർ വ്യൂ പോയന്റ്

ഇ​രി​ട്ടി: ജി​ല്ല​യി​ലെ എ​ണ്ണ​പ്പെ​ട്ട വി​നോ​ദ സ​ഞ്ചാ​ര കേ​ന്ദ്ര​മാ​യി മാ​റാ​നു​ള്ള ഭൗ​തി​ക പ​ശ്ചാ​ത്ത​ല​മു​ള്ള എ​ട​ക്കാ​നം റി​വ​ർ​വ്യൂ പോ​യ​ന്റ് ഇ​റി​ഗേ​ഷ​ൻ വ​കു​പ്പി​ന്റെ ക​നി​വി​ൽ വി​ക​സ​ന​ത്തി​നാ​യി കാ​ത്തി​രി​ക്കു​ന്നു. ഇ​രി​ട്ടി പു​ഴ​യും അ​കം​തു​രു​ത്തി ദ്വീ​പും പു​ൽ​ത്ത​കി​ടി​ക​ളും ധാ​രാ​ളം മ​ര​ങ്ങ​ളും ചെ​ടി​ക​ളും പ​ട​ർ​ന്ന്‌ പ​ന്ത​ലി​ച്ച പ​ഴ​ശ്ശി പ​ദ്ധ​തി​യു​ടെ തീ​ര​ങ്ങ​ളും ഉ​ൾ​പ്പെ​ട്ട പ​ത്തേ​ക്ക​റി​ലാ​ണ് ഇ​രി​ട്ടി ന​ഗ​ര​സ​ഭ​യു​ടെ ഭാ​ഗ​മാ​യ എ​ട​ക്കാ​നം റി​വ​ർ വ്യൂ ​പോ​യ​ന്റ്.

കോ​ട​മ​ഞ്ഞി​ന്റെ പു​ത​പ്പ​ണി​ഞ്ഞ മ​ട്ടി​ലാ​ണ്‌ ഈ ​പ​രി​സ​ര​ത്തെ പു​ഴ​യും പ​രി​സ​ര​ങ്ങ​ളും. പ്ര​കൃ​തി നി​രീ​ക്ഷ​ക​ർ ധാ​രാ​ള മെ​ത്തു​ന്ന സ്ഥ​ല​മാ ണി​ത്. ദേ​ശാ​ട​ന പ​ക്ഷി​ക​ൾ അ​ട​ക്കം നി​ര​വ​ധി​യി​നം പ​ക്ഷി​ക​ളു​ടെ താ​വ​ള​മാ​ണ് അ​കം തു​രു​ത്തി. റി​വ​ർ​വ്യൂ പോ​യ​ന്റ് വി​ക​സ​ന​ത്തി​ന് ഇ​രി​ട്ടി ന​ഗ​ര​സ​ഭ​യും ഹ​രി​ത കേ​ര​ള മി​ഷ​നും ജി​ല്ല ശു​ചി​ത്വ മി​ഷ​നും ഡി.​ടി.​പി.​സി​യും വി​വി​ധ സ​ന്ന​ദ്ധ സം​ഘ​ട​ന​ക​ളു​ടെ സ​ഹാ​യ​ത്തോ​ടെ അ​തി​വി​പു​ല​മാ​യ ടൂ​റി​സം പ​ദ്ധ​തി​ക്കാ​യി രൂ​പ​രേ​ഖ​യു​ണ്ടാ​ക്കി ക​ഴി​ഞ്ഞ വ​ർ​ഷം സ​ർ​ക്കാ​റി​ലും ടൂ​റി​സം വ​കു​പ്പി​ലും സ​മ​ർ​പ്പി​ച്ചു.

പ​ഴ​ശ്ശി പ​ദ്ധ​തി​യു​ടെ ഭാ​ഗ​മാ​യ ജ​ല​സേ​ച​ന പ​ദ്ധ​തി വി​ഭാ​ഗ​ത്തി​ന്റേ​താ​ണ്‌ നി​ർ​ദി​ഷ്ട വ്യൂ ​പോ​യ​ന്റ്‌ സ്ഥ​ലം. പ​ഴ​ശ്ശി ജ​ല​സേ​ച​ന വി​ഭാ​ഗം അ​നു​മ​തി ന​ൽ​കി​യാ​ലേ പ​ദ്ധ​തി ന​ട​പ്പാ​ക്കാ​നാ​വൂ. മ​ന്ത്രി റോ​ഷി അ​ഗ​സ്​റ്റി​ൻ മു​മ്പാ​കെ​യാ​ണ്‌ ന​ഗ​ര​സ​ഭ രൂ​പ​രേ​ഖ സ​മ​ർ​പ്പി​ച്ച​ത്. വി​നോ​ദ സ​ഞ്ചാ​ര മേ​ഖ​ല​യാ​ക്കി പ​ദ്ധ​തി പ്ര​ദേ​ശ​ത്തി​ന്റെ ഭാ​ഗ​മാ​യി പ്ര​കൃ​തി ര​മ​ണീ​യ​മാ​യ ഈ ​സ്ഥ​ലം​ന​ട​ത്തി​പ്പി​നാ​യി അ​നു​മ​തി​ക്കു​ള്ള കാ​ത്തി​രി​പ്പി​ലാ​ണ് ഇ​രി​ട്ടി ന​ഗ​ര​സ​ഭ അ​ധി​കൃ​ത​ർ.

നി​ത്യേ​ന നൂ​റു​ക​ണ​ക്കി​ന്‌ സ​ഞ്ചാ​രി​ക​ൾ എ​ത്തു​ന്ന മേ​ഖ​ല​യി​ൽ മാ​ലി​ന്യം ത​ള്ള​ൽ, പു​ഴ​യി​ൽ ഇ​റ​ങ്ങി​യു​ള്ള അ​പ​ക​ടം എ​ന്നി​വ നാ​ട്ടു​കാ​ർ​ക്കും ന​ഗ​ര​സ​ഭ​യ്ക്കും ഒ​രു​പോ​ലെ പ്ര​യാ​സ​മു​ണ്ടാ​ക്കു​ന്നു​ണ്ട്. സു​ര​ക്ഷാ സം​വി​ധാ​ന​മോ അ​ടി​സ്ഥാ​ന സൗ​ക​ര്യ വി​ക​സ​ന​മോ ന​ട​പ്പാ​ക്കാ​ൻ അ​നു​മ​തി​യി​ല്ല. ര​ണ്ടു​പേ​ർ ഇ​തി​ന​കം മു​ങ്ങി മ​രി​ച്ചു. ഔ​ദ്യോ​ഗി​ക സം​വി​ധാ​ന​ത്തി​ന്‌ കീ​ഴി​ൽ വ​രാ​ത്തി​ടത്തോ​ളം ഇ​വി​ടേ​ക്ക്‌ എ​ത്തു​ന്ന ആ​ളു​ക​ളെ നി​യ​ന്ത്രി​ക്കാ​നാ​വി​ല്ല.