കാട്ടാന ഭീതി; കൃഷിയിടങ്ങളിലിറങ്ങാൻ കഴിയുന്നില്ല; തൊട്ടിപ്പാലത്ത് കുടുംബങ്ങൾ പലായനം തുടങ്ങി

ഇ​രി​ട്ടി: സ്വ​ന്ത​മാ​യി ഒ​ന്നോ ര​ണ്ടോ ഏ​ക്ക​ർ ഭൂ​മി​യു​ണ്ട്, എ​ന്നാ​ൽ ജീ​വി​ക്കാ​ൻ വ​രു​മാ​ന​മി​ല്ല. ജീ​വി​ക്ക​ണോ മ​രി​ക്ക​ണോ എ​ന്ന​റി​യാ​ത്ത അ​വ​സ്ഥ​യി​ലാ​ണ് ഉ​ളി​ക്ക​ൽ പ​ഞ്ചാ​യ​ത്തി​ലെ അ​തി​ർ​ത്തി ഗ്രാ​മ​ങ്ങ​ളി​ലൊ​ന്നാ​യ തൊ​ട്ടി​പ്പാ​ലം കു​ണ്ടേ​രി ഉ​പ​ദേ​ശി​ക്കു​ന്ന് നി​വാ​സി​ക​ൾ. കാ​ട്ടാ​ന​ക്കൂ​ട്ട​മു​ൾ​പ്പെ​ടെ​യു​ള്ള വ​ന്യ​മൃ​ഗ​ങ്ങ​ളു​ടെ വി​ഹാ​ര​കേ​ന്ദ്ര​മാ​ണ് ഇ​വി​ടെ. ജീ​വി​ത സ​മ്പാ​ദ്യ​മെ​ല്ലാം കാ​ട്ടു​മൃ​ഗ​ങ്ങ​ൾ​ക്ക് മു​ന്നി​ൽ ഉ​പേ​ക്ഷി​ച്ച് പ​ലാ​യ​നം ചെ​യ്യേ​ണ്ട ഗ​തി​കേ​ടി​ലാ​ണ് തൊ​ട്ടി​പ്പാ​ലം നി​വാ​സി​ക​ൾ.

ക​ഴി​ഞ്ഞ ഒ​രാ​ഴ്ച​യാ​യി കു​ട്ടി​യാ​ന ഉ​ൾ​പ്പെ​ടെ ആ​റ് ആന​ക​ൾ അ​ട​ങ്ങു​ന്ന ആ​ന​ക്കൂട്ടം ഭീ​ക​രാ​ന്ത​രീ​ക്ഷം സൃ​ഷ്ഠി​ക്കാ​ൻ തു​ട​ങ്ങി​യി​ട്ട്. ആ​ക്ര​മ​ണ​കാ​രി​യാ​യ ഒ​ന്ന​ര​ക്കൊ​മ്പ​ൻ ആ​ന​യും പ​ക​ൽ സ​മ​യ​ങ്ങ​ളി​ൽ പോ​ലും ചി​ന്നം വി​ളി​ച്ച് എ​ത്തു​ന്ന​താ​യി നാ​ട്ടു​കാ​ർ പ​റ​യു​ന്നു. കൃ​ഷി​യി​ട​ത്തി​ൽ ഇ​റ​ങ്ങു​ന്ന ആ​ന​ക്കൂട്ടം ക​ശു​മാ​വ്, വാ​ഴ, പ്ലാ​വ്, ക​ട​പ്ലാ​വ്‌, മാ​വ് തു​ട​ങ്ങി​യ​വ ന​ശി​പ്പി​ക്കു​ന്നു. ക​ർ​ണാ​ട​ക വ​ന​ത്തി​ൽ നി​ന്നി​റ​ങ്ങു​ന്ന​താ​ണ് ആ​ന​ക്കൂ​ട്ടം. ക​ശു​വ​ണ്ടി ക​ർ​ഷ​ക​രാ​യ ഇ​വ​ർ​ക്ക് വി​ള​വെ​ടു​ക്കാ​ൻ ക​ഴി​യാ​ത്ത​ത് സാ​മ്പ​ത്തി​ക ന​ഷ്ട​ത്തി​നി​ട​യാ​ക്കു​ന്നു. കു​ടി​യേ​റ്റ മേ​ഖ​ല​യാ​യ ഇ​വി​ടെ നി​ന്നും മു​പ്പ​തോ​ളം കു​ടും​ബ​ങ്ങ​ളാ​ണ് ഇ​തു​വ​രെ വ​ന്യ​മൃ​ഗ​ങ്ങ​ളെ ഭ​യ​ന്ന് ഏ​ക്ക​റു​ക​ളോ​ളം ഭൂ​മി ഉ​പേ​ക്ഷി​ച്ച് വാ​ട​ക​വീ​ടു​ക​ളി​ലും മ​റ്റു​മാ​യി ക​ഴി​യു​ന്ന​ത്.

ഇ​വി​ടെ​ത​ന്നെ ക​ഴി​യു​ന്ന​ത് ക​റു​ക​പ്പ​ള്ളി​ൽ ജെ​യിം​സും കു​ടും​ബ​വും മാ​ത്ര​മാ​ണ്. ഇ​ന്ന​ലെ രാ​ത്രി ഇ​വ​രു​ടെ വീ​ടി​ന് പി​ന്നി​ലെ​ത്തി​യ ഒ​റ്റ​ക്കൊ​മ്പ​നും സം​ഘ​വും ഭീ​തി സൃ​ഷി​ടി​ച്ചാ​ണ് തി​രി​ച്ചുപോ​യ​തെ​ന്ന് ജെ​യിം​സ് പ​റ​യു​ന്നു. പ​രീ​ക്ഷ​ക്കാ​ല​മായ​തോ​ടെ കു​ട്ടി​ക​ളു​ടെ പ​ഠ​ന​ത്തെ​യും ആ​ന ഭീ​തി ബാ​ധി​ക്കു​ന്നു. ജോ​ളി ഏ​ര​ത്ത്കു​ന്ന്, പീ​താം​ബ​ര​ൻ കു​റു​പ്പ​ശേ​രി, വ​ട്ട​മ​റ്റം ഔ​സേ​പ്പ്, കൊ​ച്ചൗ​സേ​പ്പ് കീ​ഴ്വാ​റ്റി​ൽ എ​ന്നി​വ​രു​ടെ കൃ​ഷി​യി​ട​ത്തി​ലാ​ണ് ക​ഴി​ഞ്ഞ ഒ​രാ​ഴ്ച​യാ​യി ആ​ന​ക്കൂ​ട്ടം നാ​ശം വി​ത​ക്കു​ന്ന​ത്.

ക​ഴി​ഞ്ഞ ദി​വ​സം ടാ​പ്പി​ങി​നും ക​ശു​വ​ണ്ടി ശേ​ഖ​രി​ക്കാ​നും പോ​യ സ്ഥ​ല​മു​ട​മ​ക​ളാ​യ ക​ർ​ഷ​ക​രു​ടെ പി​ന്നാ​ലെ ആ​ന​ക്കൂ​ട്ടം ഓ​ടി​യ​ടു​ത്തെ​ങ്കി​ലും ത​ല​നാ​രി​ഴ​ക്കാ​ണ് ര​ക്ഷ​പ്പെ​ട്ടു. വ​ന​പാ​ല​ക​രെ വി​വ​രം അ​റി​യി​ച്ചാ​ൽ പോ​ലും കി​ലോ​മീ​റ്റ​ർ ദൂ​ര​മു​ള്ള പാ​ടാം​ക​വ​ല​യി​ൽ നി​ന്നും ഉ​ദ്യോ​ഗ​സ്ഥ​ർ എ​ത്തി വേ​ണം ആ​ന​യെ ഓ​ടി​ക്കാ​ൻ. യാ​തൊ​രു സം​വി​ധാ​ന​ങ്ങ​ളും വാ​ഹ​ന സൗ​ക​ര്യ​ങ്ങ​ളും ഇ​ല്ലാ​ത്ത വ​നം വ​കു​പ്പ് ഉ​ദ്യോ​ഗ​സ്ഥ​ർ എ​ത്തു​മ്പോ​ഴേ​ക്കും ആ​ന​ക്കൂ​ട്ടം എ​ല്ലാം ന​ശി​പ്പി​ച്ച് കാ​ടു​ക​യ​റി​യി​രി​ക്കും.

നാ​ലു​വ​ർ​ഷം മു​മ്പ് സ്ഥാ​പി​ച്ച വൈ​ദ്യു​തി വേ​ലി ചു​രു​ങ്ങി​യ മാ​സ​ങ്ങ​ൾ മാ​ത്ര​മാ​ണ് പ്ര​വ​ർ​ത്തി​ച്ച​ത്. മ​ര​ങ്ങ​ൾ വീ​ണും മ​റ്റും ത​ക​രു​ന്ന വേ​ലി പു​ന​ർ​നി​ർ​മി​ക്കാ​ൻ വ​നം വ​കു​പ്പി​ന് ക​ഴി​യാ​ത്ത​താ​ണ് വ​ന്യമൃ​ഗ​ശ​ല്യം കൂ​ടാ​ൻ കാ​ര​ണം. പു​തു​താ​യി 12 കി​ലോ​മീ​റ്റ​ർ വൈ​ദ്യു​തി വേ​ലി അ​നു​വ​ദി​ച്ചി​ട്ടു​ണ്ടെ​ന്ന് വ​നം വ​കു​പ്പ് പ​റ​യു​ന്നു​ണ്ടെ​ങ്കി​ലും സ്ഥാ​പി​ച്ച വേ​ലി പോ​ലും സം​ര​ക്ഷി​ക്കാ​ൻ ക​ഴി​യാ​ത്ത അ​വ​സ്ഥ​യി​ലാ​ണ് വ​നം വ​കു​പ്പ്. എം.​എ​ൽ.​എ സ​ജീ​വ് ജോ​സ​ഫ്, പ​ഞ്ചാ​യ​ത്ത് പ്ര​സി​ഡ​ന്റ് പി.​സി. ഷാ​ജി, പ​ഞ്ചാ​യ​ത്തം​ഗം അ​ഷ​റ​ഫ് പാ​ലി​ശ്ശേ​രി എ​ന്നി​വ​ർ ഇ​ട​പെ​ട്ട​തി​നാ​ൽ വ​നം വ​കു​പ്പും ഉ​ളി​ക്ക​ൽ പോ​ലീ​സും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.