മാവോവാദികൾക്കായി മൂന്നാം ദിനവും തിരച്ചിൽ

ഇ​രി​ട്ടി: മാ​വോ​വാ​ദി​ക​ൾ​ക്കാ​യു​ള്ള തിര​ച്ചി​ൽ പൊ​ലീ​സി​ന്റെ​യും ത​ണ്ട​ർ​ബോ​ൾ​ട്ടി​ന്റെ​യും ആ​ഭി​മു​ഖ്യ​ത്തി​ൽ ഉ​രു​പ്പും​കു​റ്റി ഞെ​ട്ടി​ത്തോ​ട് വ​ന​മേ​ഖ​ല​യി​ൽ മൂ​ന്നാം ദി​ന​വും തു​ട​ർ​ന്നു. എ​ന്നാ​ൽ ആ​രെ​യും ക​ണ്ടെ​ത്താ​നാ​യി​ല്ല. ഇ​ന്ന​ലെ രാ​വി​ലെ മൂ​ന്ന് ബ​റ്റാ​ലി​യ​ൻ ത​ണ്ട​ർ​ബോ​ൾ​ട്ട് അം​ഗ​ങ്ങ​ളാ​ണ് വ​ന​മേ​ഖ​ല​യി​ൽ തിര​ച്ചി​ൽ ന​ട​ത്തി​യ​തെ​ന്ന് നാ​ട്ടു​കാ​ർ പ​റ​ഞ്ഞു.

ടൗ​ണി​ലട​ക്കം പൊ​ലീ​സ് സാ​ന്നി​ധ്യം ഉ​ണ്ടെ​ങ്കി​ലും പ​രി​ശോ​ധ​ന​യി​ൽ അ​യ​വ് വ​രു​ത്തി​യി​ട്ടു​ണ്ട്. ഇ​തോ​ടെ ര​ണ്ടു ദി​വ​സ​മാ​യി പ​രി​ഭ്രാ​ന്തി​യി​ലാ​യി​രു​ന്ന ജ​ന​ങ്ങ​ൾ പ​തി​യെ സാ​ധാ​ര​ണ നി​ല​യി​ലേ​ക്ക് എ​ത്തി​യി​ട്ടു​ണ്ട്.

പൊ​ലീ​സി​നെ നേ​രി​ട്ട സം​ഘ​ത്തി​ൽ എ​ട്ടി​ൽ കൂ​ടു​ത​ൽ മാ​വോ​വാ​ദി അം​ഗ​ങ്ങ​ൾ ഉ​ണ്ടാ​യി​രു​ന്നു​വെ​ന്നാ​ണ് സം​ശ​യം. 24ന് ​ന​ട​ക്കാ​നി​രു​ന്ന മാ​വോ​വാ​ദി​ക​ളു​ടെ ര​ഹ​സ്യ യോ​ഗ​ത്തി​ന് വി​വി​ധ ദ​ള​ങ്ങ​ളി​ൽ​നി​ന്ന് എ​ത്തി​യ​വ​രും ഏ​റ്റു​മു​ട്ട​ലി​ൽ ഉ​ൾ​പ്പെ​ട്ടി​ട്ടു​ണ്ടെ​ന്നാ​ണ് സൂ​ച​ന.

കു​പ്പു ദേ​വ​രാ​ജും അ​ജി​ത​യും കൊ​ല്ല​പ്പെ​ട്ട ദി​ന​മാ​യ ന​വം​ബ​ർ 24ന് ​ഞെ​ട്ടി​ത്തോ​ട് വ​ന​മേ​ഖ​ല​യി​ൽ മാ​വോ​വാ​ദി​ക​ളു​ടെ ര​ഹ​സ്യ യോ​ഗം ന​ട​ത്താ​ൻ പ​ദ്ധ​തി​യി​ട്ടി​രു​ന്ന​താ​യാ​ണ് പൊ​ലീ​സി​ന് ല​ഭി​ച്ച ര​ഹ​സ്യ വി​വ​രം. ഇ​ത​നു​സ​രി​ച്ച് മാ​വോ​വാ​ദി​ക​ളു​ടെ നീ​ക്കം പൊ​ലീ​സ് ര​ഹ​സ്യ​മാ​യി നീ​രീ​ക്ഷി​ച്ചു​വ​രു​ക​യാ​യി​രു​ന്നു.

മാ​വോ​വാ​ദി​ക​ൾ​ക്ക് നേ​രെ ന​ട​ത്തി​യ ഓ​പ​റേ​ഷ​ൻ അ​തിവ ര​ഹ​സ്യ​മാ​യി​രു​ന്നു. ലോ​ക്ക​ൽ പൊ​ലീ​സ് സ്റ്റേ​ഷ​ൻ പ​രി​ധി​യി​ൽ ഒ​രു വി​വ​ര​ങ്ങ​ളും കൈ​മാ​റാ​തെ​യാ​യി​രു​ന്നു ഭീ​ക​ര​വാ​ദ വി​രു​ദ്ധ സേ​ന​യു​ടെ നീ​ക്കം. വെ​ടി​വെ​പ്പ് ന​ട​ന്ന ഉ​രു​പ്പും​കു​റ്റി മേ​ഖ​ല​യി​ലെ പ​രി​ശോ​ധ​ന​ക്കും നി​യ​ന്ത്ര​ണ​ത്തി​നും ലോ​ക്ക​ൽ പൊ​ലീ​സി​നെ ഒ​ഴി​വാ​ക്കി​യാ​യി​രു​ന്നു സ്പെ​ഷ​ൽ ഓ​പ​റേ​ഷ​ൻ ന​ട​ത്തി​യ​ത്.

ആ​ദ്യ​ദി​വ​സം വെ​ടി​വെ​പ്പ് ന​ട​ന്ന സ്ഥ​ല​ത്തേ​ക്ക് എ​ത്താ​ൻ കു​റ​ഞ്ഞ​ത് മൂ​ന്ന് മ​ണി​ക്കൂ​ർ കാ​ൽ​ന​ട​യാ​യി യാ​ത്ര ചെ​യ്യ​ണ്ട​തു​ണ്ട്. എ​ന്നാ​ൽ ചൊ​വ്വാ​ഴ്ച വെ​ടി​വെ​പ്പ് ന​ട​ന്ന സ്ഥ​ല​ത്തെ​ത്താ​ൻ ഒ​രു മ​ണി​ക്കൂ​ർ യാ​ത്ര ചെ​യ്താ​ൽ മ​തി​യെ​ന്നാ​ണ് ല​ഭി​ക്കു​ന്ന വി​വ​രം. ത​ണ്ട​ർ​ബോ​ൾ​ട്ട് അം​ഗ​ങ്ങ​ൾ മ​ട​ങ്ങി​യെ​ന്ന ധാ​ര​ണ​യി​ൽ തി​രി​ച്ചെ​ത്തി​യ മാ​വോ​വാ​ദി​ക​ളു​മാ​യാ​ണ് വീ​ണ്ടും ഏ​റ്റു​മു​ട്ട​ൽ ന​ട​ന്ന​ത്.

ബു​ധ​നാ​ഴ്ച തി​ര​ച്ചി​ലി​നാ​യി വ​ന​മേ​ഖ​ല​യി​ലേ​ക്ക് പോ​യ സേ​ന വൈ​കീ​ട്ടോ​ടെ കാ​ടി​റ​ങ്ങി. ത​ണ്ട​ർ​ബോ​ൾ​ട്ട്, പൊ​ലീ​സ് സേ​ന​യോ​ടൊ​പ്പം ക​ർ​ണാ​ട​ക​യു​ടെ ഒ​രു സം​ഘം എ.​എ​ൻ.​എ​ഫ് സേ​ന​യും വെ​ടി​വെ​പ്പ് ന​ട​ന്ന നെ​ട്ടി​ത്തോ​ട് വ​ന​മേ​ഖ​ല​യി​ൽ എ​ത്തി​യി​രു​ന്നു. സം​ഭ​വ സ്ഥ​ല​ത്ത് ഉ​ന്ന​ത പോ​ലീ​സ് സേ​നാം​ഗ​ങ്ങ​ൾ ക്യാ​മ്പ് ചെ​യ്യു​ന്നു​ണ്ട്. ബോം​ബ് സ്‌​ക്വാ​ഡ്, ഫോ​റ​ൻ​സി​ക് സം​ഘ​വും പ​രി​ശോ​ധ​ന​ക്കാ​യി സം​ഭ​വ സ്ഥ​ല​ത്ത് എ​ത്തി​യി​രു​ന്നു.

മാഹിയിലും തലശ്ശേരിയിലും വ്യാപക പരിശോധന

മാ​ഹി: വ​യ​നാ​ട് പേ​ര്യ​യി​ൽ ത​ണ്ട​ർ​ബോ​ൾ​ട്ടു​മാ​യി ന​ട​ന്ന ഏ​റ്റു​മു​ട്ട​ലി​ൽ ര​ക്ഷ​പ്പെ​ട്ട മാ​വോ​വാ​ദി​ക​ൾ​ക്കാ​യി മാ​ഹി​യി​ലും അ​ന്വേ​ഷ​ണം. മാ​വോ​വാ​ദി സം​ഘാം​ഗ​ങ്ങ​ളാ​യ സു​ന്ദ​രി, ല​ത എ​ന്നി​വ​ർ ത​ല​ശ്ശേ​രി​യി​ൽ എ​ത്തി​യെ​ന്ന സം​ശ​യ​ത്തെ തു​ട​ർ​ന്ന് ക​ണ്ണൂ​ർ സി​റ്റി ജി​ല്ല പൊ​ലീ​സ് ലു​ക്കൗ​ട്ട് നോ​ട്ടീ​സ് പു​റ​ത്തി​റ​ക്കി​യ​തി​നെ തു​ട​ർ​ന്നാ​ണ് തി​ര​ച്ചി​ൽ. ക​ണ്ണൂ​ർ പൊ​ലീ​സി​ന്റെ ആ​വ​ശ്യ​ത്തെ തു​ട​ർ​ന്ന് പു​തു​ച്ചേ​രി പൊ​ലീ​സ് മാ​ഹി​യി​ലെ ലോ​ഡ്ജു​ക​ൾ, ബാ​റു​ക​ൾ, ഹോം ​സ്റ്റേ​ക​ൾ, ഒ​ളി​ച്ച് താ​മ​സി​ക്കാ​ൻ സാ​ധ്യ​ത​യു​ള്ള മ​റ്റി​ട​ങ്ങ​ൾ എ​ന്നി​വി​ട​ങ്ങ​ളി​ലാ​ണ് അ​ന്വേ​ഷ​ണം ന​ട​ത്തി​യ​ത്.

ത​ല​ശ്ശേ​രി: ഇ​രി​ട്ടി ഉ​രു​പ്പും​കു​റ്റി​യി​ൽ പൊ​ലീ​സു​മാ​യി ഏ​റ്റു​മു​ട്ടി​യ മാ​വോ​വാ​ദി സം​ഘ​ത്തി​ലെ ര​ണ്ട് സ്ത്രീ​ക​ൾ ത​ല​ശ്ശേ​രി​യി​ൽ എ​ത്തി​യ​താ​യു​ള്ള വി​വ​ര​ത്തി​ന്റെ അ​ടി​സ്ഥാ​ന​ത്തി​ൽ ന​ഗ​ര​ത്തി​ലും പ​രി​സ​ര​ങ്ങ​ളി​ലും പൊ​ലീ​സ് പ​രി​ശോ​ധ​ന ന​ട​ത്തി. ബു​ധ​നാ​ഴ്ച രാ​വി​ലെ ഒ​മ്പ​തോ​ടെ​യാ​ണ് ചു​രി​ദാ​ർ ധ​രി​ച്ച ര​ണ്ടു മാ​വോ​വാദിക​ൾ ത​ല​ശ്ശേ​രി ന​ഗ​ര​ത്തി​ൽ ഇ​റ​ങ്ങി​യ​താ​യി പൊ​ലീ​സി​ന് വി​വ​രം ല​ഭി​ച്ച​ത്. വെ​ടി​വെ​പ്പി​ൽ പ​രി​ക്കേ​റ്റെ​ന്ന് ക​രു​തു​ന്ന സ്ത്രീ​യാ​ണ് ര​ണ്ടു പേ​രി​ൽ ഒ​രാ​ളെ​ന്ന പ്ര​ചാ​ര​ണ​വു​മു​ണ്ടാ​യി. നെ​ടും​പൊ​യി​ലിൽ നി​ന്ന് സ്വ​കാ​ര്യ ബ​സി​ൽ ക​യ​റി​യ ഇ​രു​വ​രും പു​തി​യ ബ​സ് സ്റ്റാ​ൻ​ഡി​ന് തൊ​ട്ടു മു​മ്പു​ള്ള എ​ൻ.​സി.​സി റോ​ഡ് ക​വ​ല​യി​ൽ ഇ​റ​ങ്ങി​യ​താ​യാ​ണ് വി​വ​രം.

ഒ​രു ബ​സ് യാ​ത്ര​ക്കാ​ര​നി​ൽ നി​ന്ന് ല​ഭി​ച്ച ര​ഹ​സ്യ സ​ന്ദേ​ശ​ത്തി​ലാ​ണ് പൊ​ലീ​സ് പ​രി​ശോ​ധ​ന​ക്കി​റ​ങ്ങി​യ​ത്. സം​ശ​യ​ക​ര​മാ​യ സാ​ഹ​ച​ര്യ​ത്തി​ൽ സ​മാ​ന വ​സ്ത്രം ധ​രി​ച്ച സ്ത്രീ​ക​ളെ​യെ​ല്ലാം പൊ​ലീ​സ് നി​രീ​ക്ഷി​ക്കു​ക​യും ചി​ല​രെ ക​സ്റ്റ​ഡി​യി​ലെ​ടു​ത്ത് ചോ​ദ്യം ചെ​യ്തു. ത​ല​ശ്ശേ​രി ജ​ന​റ​ൽ ആ​ശു​പ​ത്രി ഉ​ൾ​പ്പെ​ടെ​യു​ള്ള സ്ഥ​ല​ങ്ങ​ളി​ൽ പ​രി​ശോ​ധ​ന ന​ട​ത്തി. പു​തി​യ ബ​സ് സ്റ്റാ​ൻ​ഡി​ലും പ​ഴ​യ ബ​സ് സ്റ്റാ​ൻ​ഡി​ലും ബ​സു​ക​ളി​ലും വ്യാ​പ​ക പ​രി​ശോ​ധ​ന​യാ​ണ് പൊ​ലീ​സ് ന​ട​ത്തി​യ​ത്.

എ​ന്നാ​ൽ ആ​രെ​യും പി​ടി​കൂ​ടാ​ൻ ക​ഴി​ഞ്ഞി​ല്ലെ​ന്ന് പൊ​ലീ​സ് പ​റ​ഞ്ഞു. പ്രി​ൻ​സി​പ്പ​ൽ എ​സ്.​ഐ വി.​വി. ദീ​പ്തി​യു​ടെ നേ​തൃ​ത്വ​ത്തി​ലാ​ണ് പ​രി​ശോ​ധ​ന ന​ട​ത്തി​യ​ത്.