പഴശ്ശി മണ്ണിടിച്ചിൽ: ബലപ്പെടുത്തൽ പ്രവൃത്തി തുടങ്ങി

ഇ​രി​ട്ടി: പ്ര​ധാ​ന തു​ര​ങ്ക​ത്തി​നു​സ​മീ​പം ഉ​ണ്ടാ​യ മ​ണ്ണി​ടി​ച്ചി​ൽ പ​ഴ​ശ്ശി സാ​ഗ​ർ മി​നി ജ​ല​വൈ​ദ്യു​തി പ​ദ്ധ​തി​യു​ടെ സു​ര​ക്ഷ​യെ ബാ​ധി​ക്കാ​തി​രി​ക്കാ​നു​ള്ള മു​ൻ​ക​രു​ത​ൽ ന​ട​പ​ടി തു​ട​ങ്ങി. തു​ര​ങ്ക​ത്തെ​യും സം​ഭ​ര​ണി​യെ​യും വേ​ർ​തി​രി​ക്കു​ന്ന മ​ൺ​തി​ട്ട​യെ ബ​ല​പ്പെ​ടു​ത്തു​ന്ന​തി​ന് ഇ​ടി​ഞ്ഞ ഭാ​ഗ​ത്ത് ക​രി​ങ്ക​ൽ കൂ​ട്ടി​യി​ട്ട് ഭി​ത്തി നി​ർ​മി​ക്കു​ന്ന പ്ര​വൃ​ത്തി​യാ​ണ് ആ​രം​ഭി​ച്ച​ത്.

ഇ​ടി​ഞ്ഞ ഭാ​ഗ​ത്തു​കൂ​ടി സം​ഭ​ര​ണി​യി​ലെ വെ​ള്ളം തു​ര​ങ്ക​ത്തി​ലേ​ക്ക് കി​നി​ഞ്ഞി​റ​ങ്ങു​ന്ന​ത് മ​ൺ​തി​ട്ട​യെ കൂ​ടു​ത​ൽ ദു​ർ​ബ​ല​പ്പെ​ടു​ത്തി​യി​രു​ന്നു. പ്ര​ശ്‌​ന​ത്തി​ന്‍റെ ഗൗ​ര​വം മ​ന​സ്സി​ലാ​ക്കി​യ പ​ഴ​ശ്ശി ജ​ന​സേ​ച​ന വി​ഭാ​ഗം അ​ധി​കൃ​ത​ർ അ​ടി​യ​ന്ത​ര​മാ​യി സു​ര​ക്ഷ​ക്കു​ള്ള ന​ട​പ​ടി സ്വീ​ക​രി​ക്കാ​ൻ കെ.​എ​സ്.​ഇ.​ബി​ക്ക് നി​ർ​ദേ​ശം ന​ൽ​കു​ക​യാ​യി​രു​ന്നു. ഇ​തി​ന്‍റെ ഭാ​ഗ​മാ​യി കെ.​എ​സ്.​ഇ.​ബി അ​ധി​കൃ​ത​ർ ഞാ​യ​റാ​ഴ്ച സ്ഥ​ല​ത്ത് പ​രി​ശോ​ധ​ന ന​ട​ത്തു​ക​യും ഉ​ട​ൻ ഭി​ത്തി ബ​ല​പ്പെ​ടു​ത്തു​ന്ന ന​ട​പ​ടി ആ​രം​ഭി​ക്കു​ക​യു​മാ​യി​രു​ന്നു.

30 മീ​റ്റ​ർ നീ​ള​ത്തി​ൽ തു​ര​ങ്ക​ത്തെ​യും ജ​ല​സം​ഭ​ര​ണി​യെ​യും വേ​ർ​തി​രി​ക്കു​ന്ന മ​ൺ​തി​ട്ട​യോ​ട് ചേ​ർ​ന്ന് നാ​ലു​മീ​റ്റ​ർ ഉ​യ​ര​ത്തി​ൽ ക​രി​ങ്ക​ല്ലു​ക​ൾ കൂ​ട്ടി​യി​ട്ടാ​ണ്​ ഭി​ത്തി നി​ർ​മി​ക്കു​ന്ന​ത്. ര​ണ്ടു​ദി​വ​സം കൊ​ണ്ട് നി​ർ​മാ​ണം പൂ​ർ​ത്തി​യാ​കും. പ​ഴ​ശ്ശി സാ​ഗ​ർ തു​ര​ങ്ക​ത്തി​നാ​യി പൊ​ട്ടി​ച്ചു​നീ​ക്കി​യ കു​റ്റ​ൻ പാ​റ​ക്ക​ല്ലു​ക​ളാ​ണ് ഇ​തി​നാ​യി ഉ​പ​യോ​ഗി​ക്കു​ന്ന​ത്.

ഷ​ട്ട​ർ അ​ട​ച്ച​തി​നാ​ൽ റി​സ​ർ​വോ​യ​ർ ലെ​വ​ലി​ൽ വെ​ള്ളം എ​ത്തി​യ​തോ​ടെ ഉ​ണ്ടാ​യ സ​മ്മ​ർ​ദ​മാ​ണ് മ​ണ്ണി​ടി​ച്ചി​ലി​ന് കാ​ര​ണ​മാ​യ​ത്. പ​ര​മാ​വ​ധി സം​ഭ​ര​ണ ശേ​ഷി​യി​ൽ നി​ർ​ത്താ​തെ അ​ധി​ക​മാ​യെ​ത്തു​ന്ന വെ​ള്ളം ഷ​ട്ട​ർ തു​റ​ന്ന് വ​ള​പ​ട്ട​ണം പു​ഴ​യി​ലേ​ക്ക് ഒ​ഴു​ക്കി​വി​ടു​ക​യാ​ണി​പ്പോ​ൾ.

ജി​ല്ല​യി​ലെ ര​ണ്ടാ​മ​ത്തെ ജ​ല​വൈ​ദ്യു​തി പ​ദ്ധ​തി​യാ​യ പ​ഴ​ശ്ശി സാ​ഗ​ർ പ​ദ്ധ​തി​യു​ടെ നി​ർ​മാ​ണം പ്ര​തി​സ​ന്ധി​യി​ലാ​ണ്. നാ​ലു​മാ​സ​മാ​യി ഒ​രു നി​ർ​മാ​ണ പ്ര​വൃ​ത്തി​യും ന​ട​ക്കു​ന്നി​ല്ല. നി​ർ​മാ​ണം ഏ​റ്റെ​ടു​ത്ത ത​മി​ഴ്‌​നാ​ട് ആ​സ്ഥാ​ന​മാ​യ ആ​ർ.​എ​സ് ഡ​വ​ല​പ്പേ​ഴ്‌​സ് ​പ്ര​വൃ​ത്തി ഒ​ഴി​വാ​ക്കി​യ​താ​യി കാ​ണി​ച്ച് വൈ​ദ്യു​തി ബോ​ർ​ഡി​ന് ക​ത്തു​ന​ൽ​കി​യി​ട്ടു​ണ്ട്. പു​തി​യ ക​രാ​റു​കാ​രെ ക​ണ്ടെ​ത്തി നി​ർ​മാ​ണം കൈ​മാ​റാ​ൻ കു​റ​ഞ്ഞ​ത് ആ​റു​മാ​സ​മെ​ങ്കി​ലും എ​ടു​ക്കും. അ​പ്പോ​ഴേ​ക്കും കാ​ല​വ​ർ​ഷം ആ​രം​ഭി​ച്ചാ​ൽ തു​ര​ങ്ക​ത്തി​ൽ വെ​ള്ളം നി​റ​ഞ്ഞ് നി​ർ​മാ​ണം ന​ട​ത്താ​ൻ ക​ഴി​യാ​ത്ത സ്ഥി​തി​യാ​കും.