മാക്കൂട്ടം ചുരത്തിൽ ബാഗിൽ കിട്ടിയ മൃതദേഹം; ഇരുട്ടിൽ തപ്പി അന്വേഷണം

ഇ​രി​ട്ടി: നാ​ലു​മാ​സം മു​മ്പ് മാ​ക്കൂ​ട്ടം ചു​ര​ത്തി​ൽ ഓ​ട്ട​കൊ​ല്ലി​യി​ൽ ട്രോ​ളി ബാ​ഗി​ൽ ക​ണ്ടെ​ത്തി​യ സ്ത്രീ​യു​ടെ മൃ​ത​ദേ​ഹം സം​ബ​ന്ധി​ച്ച അ​ന്വേ​ഷ​ണം എ​ങ്ങു​മെ​ത്താ​തെ അ​ധി​കൃ​ത​ർ ഇ​രു​ട്ടി​ൽ ത​പ്പു​ന്നു. ഏ​ക​ദേ​ശം ര​ണ്ടാ​ഴ്ച പ​ഴ​ക്കം ചെ​ന്ന മൃ​ത​ദേ​ഹം ചു​ര​ത്തി​ലെ പ്ലാ​സ്റ്റി​ക് ഉ​ൾ​പ്പെ​ടെ നീ​ക്കം ചെ​യ്യാ​ൻ എ​ത്തി​യ വ​നം വ​കു​പ്പ് ജീ​വ​ന​ക്കാ​രാ​യി​രു​ന്നു ക​ണ്ടെ​ത്തി​യ​ത്. വീ​രാ​ജ്പേ​ട്ട സി.​ഐ ശി​വ​രു​ദ്ര​യു​ടെ നേ​തൃ​ത്വ​ത്തി​ലു​ള്ള സം​ഘം ആ​ദ്യ ഘ​ട്ട​ത്തി​ൽ ശ​ക്ത​മാ​യ അ​ന്വേ​ഷ​ണ​മാ​ണ് ന​ട​ത്തി​യ​ത്.

പോ​സ്റ്റു​മോ​ർ​ട്ടം റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ൽ 20നും30​നു​മി​ട​യി​ലു​ള്ള സ്ത്രീ​യു​ടെ മൃ​ത​ദേ​ഹ​മാ​ണെ​ന്ന് തി​രി​ച്ച​റി​ഞ്ഞ​തോ​ടെ ക​ണ്ണ​വ​ത്തു​നി​ന്നും കാ​ണാ​താ​യ സ്ത്രീ​യെ കേ​ന്ദ്രീ​ക​രി​ച്ചാ​യി​രു​ന്നു​ആ​ദ്യ അ​ന്വേ​ഷ​ണം. വീ​ട്ടു​കാ​ർ​ക്ക് മൃ​ത​ദേ​ഹം തി​രി​ച്ച​റി​യാ​ൻ ക​ഴി​യാ​ത്ത​തി​നാ​ൽ അ​മ്മ​യു​ടെ ര​ക്ത സാ​മ്പി​ൾ ഡി.​എ​ൻ.​എ ടെ​സ്റ്റി​ന് എ​ടു​ക്കാ​ൻ കോ​ട​തി ഉ​ത്ത​ര​വി​ട്ടി​രു​ന്നു. ഇ​തി​നി​ട​യി​ലാ​ണ് കാ​ണാ​താ​യ സ്ത്രീ​യെ പേ​രാ​വൂ​രി​ൽ നി​ന്നും ക​ണ്ടെ​ത്തി​യ​ത്. കു​ട​കി​ൽ നി​ന്നും കാ​ണാ​താ​യ നാ​ലു യു​വ​തി​ക​ളെ കു​റി​ച്ചു​ള്ള അ​ന്വേ​ഷ​ണ​വും എ​ങ്ങു​മെ​ത്താ​യ​യോ​ടെ അ​ന്വേ​ഷ​ണ​ത്തി​ന്റെ വേ​ഗ​ം കു​റ​ഞ്ഞു.

മൃ​ത​ദേ​ഹ​ത്തി​ൽ നി​ന്നും ല​ഭി​ച്ച വ​സ്ത്ര​വും ത​ല​മു​ടി​യും ട്രോ​ളി ബാ​ഗും മാ​ത്ര​മാ​യി​രു​ന്നു അ​ന്വേ​ഷ​ണ സം​ഘ​ത്തി​ന് ല​ഭി​ച്ച തെ​ളി​വ്. വ​സ്ത്രം ഉ​പ​യോ​ഗി​ച്ച് തി​രി​ച്ച​റി​യാ​നു​ള്ള ശ്ര​മ​വും പ​രാ​ജ​യ​പ്പെ​ട്ട​തോ​ടെ ത​ല​യോ​ട്ടി ശാ​സ്ത്രീ​യ പ​രി​ശോ​ധ​ന​ക്ക് വി​ധേ​യ​മാ​ക്കി​യെ​ങ്കി​ലും അ​ന്വേ​ഷ​ണ​ത്തി​ന് കാ​ര്യ​മാ​യ പു​രോ​ഗ​തി ഉ​ണ്ട​യി​ല്ല. ചു​രം മേ​ഖ​ല​യി​ൽ മൊ​ബൈ​ൽ നെ​റ്റ് വ​ർ​ക്ക് ഇ​ല്ലാ​തെ വ​ന്ന​ത് ഫോ​ൺ കേ​ന്ദ്രീ​ക​രി​ച്ചു​ള്ള ശാ​സ്ത്രീ​യ അ​ന്വേ​ഷ​ണ​വും മു​ട​ങ്ങി.

രാ​ത്രി​യി​ലും പ​ക​ലും യാ​ത്ര​ചെ​യ്യാ​ൻ അ​നു​മ​തി​യു​ള്ള ബ്ര​ഹ്മ​ഗി​രി വ​ന്യ​ജീ​വി സ​ങ്കേ​ത​ത്തി​നു​ള്ളി​ലെ മാ​ക്കൂ​ട്ടം ചു​രം റോ​ഡി​ലു​ണ്ടാ​യ സം​ഭ​വം പൊ​ലീ​സ് ഗൗ​ര​വ​ത്തോ​ടെ​യാ​ണ് ക​ണ്ടി​രു​ന്ന​ത്. തെ​ളി​വു​ക​ളു​ടെ അ​ഭാ​വം പൊ​ലീ​സി​ന്റെ അ​ന്വേ​ഷ​ണ​ത്തെ കാ​ര്യ​മാ​യി ബാ​ധി​ച്ചു. പ്ര​ത്യേ​ക അ​ന്വേ​ഷ​ണ സം​ഘം രൂ​പ​വ​ത്ക​രി​ച്ച് അ​ന്വേ​ഷ​ണം ന​ട​ത്തി​യെ​ങ്കി​ലും വ്യ​ക്ത​മാ​യ സൂ​ച​ന​യി​ലേ​ക്ക് പൊ​ലീ​സി​ന് എ​ത്തി​ച്ചേ​രാ​ൻ സാ​ധി​ച്ചി​ല്ല.