വീട് കുത്തിത്തുറന്ന് സ്വർണം കവർന്നു; അന്വേഷണം തുടങ്ങി

ഇ​രി​ട്ടി: പ​ട്ടാ​പ്പ​ക​ൽ വീ​ട് കു​ത്തി​ത്തുറ​ന്ന് ര​ണ്ടേ​മു​ക്കാ​ൽ പ​വ​ൻ തൂ​ക്കം വ​രു​ന്ന മൂ​ന്നു സ്വ​ർ​ണ​വ​ള​ക​ൾ ക​വ​ർ​ന്ന​താ​യി പ​രാ​തി. സം​ഭ​വ​ത്തി​ൽ പൊ​ലീ​സ് പ​രി​ശോ​ധ​ന ആ​രം​ഭി​ച്ചു. വി​ള​മ​ന ഗു​രു​മ​ന്ദി​ര​ത്തി​ന് സ​മീ​പം കൈ​പ്പ​ങ്ങാ​ട്ട് ക​രി​മ്പ​നോ​ഴി​യി​ൽ കെ.​കെ സാ​വി​ത്രി​യു​ടെ വീ​ട്ടി​ലാ​ണ് മോ​ഷ​ണം. ഇ​ക്ക​ഴി​ഞ്ഞ 11 നാ​യി​രു​ന്നു സം​ഭ​വം. ത​നി​ച്ചു താ​മ​സി​ക്കു​ന്ന വ​യോ​ധി​ക​യാ​യ സാ​വി​ത്രി സ​മീ​പം തൊ​ഴി​ലു​റ​പ്പു ജോ​ലി​ക്കാ​യി പോ​യ സ​മ​യ​ത്താ​ണ് മോ​ഷ​ണം. മൂ​ന്നു സ്വ​ർ​ണ​വ​ള​ക​ളും ചി​ല്ല​റ നാ​ണ​യ​ത്തു​ട്ടു​ക​ളും അ​ട​ക്കം അ​ടു​ക്ക​ള​യി​ൽ ഡ​പ്പി​യി​ൽ ഇ​ട്ട് മ​റ്റ് പാ​ത്ര​ങ്ങ​ൾ​ക്കു​ള്ളി​ൽ സൂ​ക്ഷി​ച്ച​താ​യി​രു​ന്നു.

അ​ടു​ക്ക​ള​യി​ലേ​ക്ക് ക​യ​റു​ന്ന ഭാ​ഗ​ത്തെ ഗ്രി​ൽ പൂ​ട്ടി താ​ക്കോ​ൽ ര​ഹ​സ്യ​മാ​യി വീ​ടി​ന്റെ ഒ​രു ഭാ​ഗ​ത്ത് സൂ​ക്ഷി​ച്ച​തു​മാ​യി​രു​ന്നു. ഈ ​താ​ക്കോ​ൽ ക​വ​ർ​ന്നാ​ണ് മോ​ഷ്ടാ​വ് ഗ്രി​ൽ തു​റ​ന്ന് അ​ടു​ക്ക​ള​യി​ൽ ക​യ​റി ഡ​പ്പി​യി​ൽ സൂ​ക്ഷി​ച്ച വ​ള​ക​ൾ ക​വ​ർ​ന്ന​ത്. ജോ​ലി ക​ഴി​ഞ്ഞ് വീ​ട്ടി​ലെ​ത്തി​യ​പ്പോ​ഴാ​ണ് ഗ്രി​ൽ തു​റ​ന്ന നി​ല​യി​ൽ ക​ണ്ട​ത് സം​ശ​യം തോ​ന്നി ഡ​പ്പി പ​രി​ശോ​ധി​ച്ച​പ്പോ​ഴാ​ണ് മോ​ഷ​ണം ശ്ര​ദ്ധ​യി​ൽ​പ്പെ​ട്ട​ത്. ഇ​രി​ട്ടി പൊ​ലീ​സ് ഇ​ൻ​സ്പെ​ക്ട​ർ കെ.​ജെ. വി​നോ​യി​ക്ക് ന​ൽ​കി​യ പ​രാ​തി​യെ തു​ട​ർ​ന്ന് പൊ​ലീ​സ് സം​ഘം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി ക​ണ്ണൂ​രി​ൽ​നി​ന്ന് ഡോ​ഗ് സ്ക്വാ​ഡും വി​ര​ല​ട​യാ​ള വി​ദ​ഗ്ധ​രും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി​യ​താ​യും പ്ര​തി​യെ ഉ​ട​ൻ പി​ടി​കൂ​ടു​മെ​ന്നും ഇ​രി​ട്ടി എ​സ്എ​ച്ച് ഒ ​കെ.​ജെ വി​നോ​യി പ​റ​ഞ്ഞു.