ഇരിട്ടിയുടെ ചരിത്രം തുന്നാൻ ഇനി ചന്തൂട്ടി മേസ്ത്രിയില്ല

ഇ​രി​ട്ടി: ത​ല​മു​റ​ക​ളു​ടെ ഉ​ട​യാ​ട​ക​ൾ​ക്ക് ഇ​ഴ​പാ​കി​യ ച​ന്തൂ​ട്ടി മേ​സ്ത്രി ച​രി​ത്രം തു​ന്നി​യ സൂ​ചി​യും നൂ​ലും ബാ​ക്കി​യാ​ക്കി വി​ട​വാ​ങ്ങി. ഇ​രി​ട്ടി​യു​ടെ ച​രി​ത്ര​ത്തി​നൊ​പ്പം ന​ട​ന്ന പ്രി​യ​പ്പെ​ട്ട മേ​സ്ത്രി 95ാം വ​യ​സ്സി​ൽ വി​ട​പ​റ​യു​മ്പോ​ൾ ഓ​ർ​മ​യാ​കു​ന്ന​ത് ഒ​രു നാ​ടി​ന്റെ സ്പ​ന്ദ​ന​മ​റി​ഞ്ഞ നാ​ട്ടു​കാ​രു​ടെ സ്വ​ന്ത​മാ​യ തു​ന്ന​ൽ​ക്കാ​ര​നാ​ണ്.

ഒ​പ്പം വ​ന്ന​വ​രും മു​മ്പേ ന​ട​ന്ന​വ​രും പി​റ​കെ വ​ന്ന​വ​രും ജോ​ലി ഉ​പേ​ക്ഷി​ക്കു​ക​യോ ജീ​വി​ത​യാ​ത്ര​യി​ൽ കാ​ലി​ട​റി വീ​ഴു​ക​യോ ചെ​യ്തി​ട്ടും തു​ന്ന​ൽ പ​ണി ഉ​പേ​ക്ഷി​ക്കാ​തെ 85 വ​യ​സ്സു​വ​രെ ക​ർ​മ മേ​ഖ​ല​യി​ൽ അ​ദ്ദേ​ഹം സ​ജീ​വ​മാ​യി​രു​ന്നു.

കേ​ര​ളം പി​റ​ന്ന 1956ൽ ​തു​ട​ങ്ങി പ്രാ​യ​ത്തെ വെ​ല്ലു​ന്ന ക​രു​ത്തും ച​രി​ത്ര​വു​മാ​യി ത​ന്റെ ജീ​വി​ത​ത്തെ അ​ട​യാ​ള​പ്പെ​ടു​ത്തി​യാ​ണ് ത​ന്തോ​ട് മു​ക്ക​ട്ടി​യി​ലെ ച​ന്തൂ​ട്ടി മേ​സ്ത്രി എ​ന്ന പാ​റ​ക്ക​ണ്ടി ച​ന്തു​ക്കു​ട്ടി ടൈ​ല​ർ തി​ങ്ക​ളാ​ഴ്ച വൈ​കീ​ട്ട് മ​ര​ണ​ത്തി​ന് കീ​ഴ​ട​ങ്ങി​യ​ത്. ഇ​രി​ട്ടി​യു​ടെ വാ​ണി​ജ്യ ച​രി​ത്ര​ത്തോ​ളം പ​ഴ​ക്ക​മു​ണ്ട് ച​ന്തൂ​ട്ടി മേ​സ്ത്രി​യു​ടെ തു​ന്ന​ൽ പ​ണി​ക്കും. ക​ണ്ണൂ​ർ ചാ​ലാ​ട് സ്വ​ദേ​ശി​യാ​യ ച​ന്തൂ​ട്ടി മേ​സ്ത്രി ചെ​റു​പ്രാ​യ​ത്തി​ൽ ത​ന്നെ മു​ക്ക​ട്ടി​യി​ൽ കു​ടി​യേ​റു​ക​യാ​യി​രു​ന്നു.

ജു​ബ്ബ ത​യ്ക്കു​ന്ന​തി​ൽ അ​പാ​ര ക​ഴി​വാ​യി​രു​ന്നു മേ​സ്ത്രി​ക്ക്. നി​ര​വ​ധി ശി​ഷ്യ​ന്മാ​രു​മു​ണ്ട്. രാ​വി​ലെ അ​ഞ്ചി​ന് ഉ​ണ​രു​ന്ന ച​ന്തൂ​ട്ടി മേ​സ്ത്രി ഏ​ഴി​ന് ക​ട​യി​ലെ​ത്തും. മ​ട​ക്കം രാ​ത്രി 11 നും. ​തു​ന്ന​ൽ​പ​ണി​ക്കി​ടെ സാ​മൂ​ഹി​ക സേ​വ​ന​വും ഉ​ണ്ടാ​യി​രു​ന്നു. ഇ​രി​ട്ടി പ​ഴ​യ പാ​ല​ത്തി​ലെ വെ​ള്ളം ഒ​ഴു​കി​പ്പോ​കാ​നു​ള്ള കു​ഴി​ക​ളി​ൽ മ​ണ്ണും മാ​ലി​ന്യ​ങ്ങ​ളും നി​റ​യു​മ്പോ​ൾ അ​ത് നീ​ക്കം ചെ​യ്ത് വെ​ള്ളം തു​റ​ന്നു​വി​ട്ട് ഗ​താ​ഗ​തം പു​നഃ​സ്ഥാ​പി​ക്കാ​ൻ ച​ന്തൂ​ട്ടി മേ​സ്ത്രി​യെ​ത്തും. എ​ത്ര കോ​രി​ച്ചൊ​രി​യു​ന്ന മ​ഴ​യാ​യാ​ലും ഈ ​പ​തി​വ് അ​ദ്ദേ​ഹം തെ​റ്റി​ച്ചി​രു​ന്നി​ല്ല.