ഇ​രി​ട്ടിയിൽ മാവോവാദികളെ നേരിടാൻ ബുള്ളറ്റ് പ്രൂഫ് വാഹനമെത്തി

ഇ​രി​ട്ടി: മ​ല​യോ​ര മേ​ഖ​ല​യി​ലെ വ​നാ​ന്ത​ര​ങ്ങ​ളി​ൽ ത​മ്പ​ടി​ച്ച മാ​വോവാദി​ക​ൾ​ക്കാ​യി തി​ര​ച്ചി​ൽ ന​ട​ത്തു​ന്ന​തി​നും നേ​രി​ടു​ന്ന​തി​നു​മാ​യി ത​ണ്ട​ർ​ബോ​ൾ​ട്ടി​ന് ബു​ള്ള​റ്റ് പ്രൂ​ഫ് വാ​ഹ​ന​മെ​ത്തി. മാ​വോവാദി​ക​ൾ​ക്കെ​തി​രെ പൊ​ലീ​സ് ന​ട​പ​ടി ശ​ക്ത​മാ​ക്കി​യ​തി​ന് പി​ന്നാ​ലെ​ തി​ര​ച്ചി​ൽ ഊ​ർ​ജി​ത​മാ​ക്കു​ന്ന​തി​നാ​യാ​ണ് വാ​ഹ​നം ക​രി​ക്കോ​ട്ട​ക്ക​രി സ്റ്റേ​ഷ​നി​ലെ​ത്തി​യ​ത്. അ​ടു​ത്തു ത​ന്നെ ഇ​ത് ത​ണ്ട​ർ ബോ​ൾ​ട്ടി​ന്റെ ഭാ​ഗ​മാ​വും.

ദു​ർ​ഘ​ട​മാ​യ വ​ഴി​യി​ലൂ​ടെ എ​ളു​പ്പ​ത്തി​ൽ ക​യ​റിപ്പോ​കാ​ൻ ക​ഴി​യു​ന്ന​തും വാ​ഹ​ന​ത്തി​നു​ള്ളി​ൽനി​ന്നുകൊ​ണ്ട് മാ​വോ​വാ​ദി​ക​ളു​ടെ അ​ക്ര​മ​ണ​ത്തെ പ്ര​തി​രോ​ധി​ക്കാ​നും വെ​ടി​യു​തി​ർ​ക്കാ​നും പു​തി​യ സം​വി​ധാ​ന​ത്തി​ലൂ​ടെ ക​ഴി​യും. വ​യ​നാ​ട്ടി​ൽ നി​ന്നും പൊ​ലീ​സു​മാ​യു​ള്ള വെ​ടി​വെ​പ്പി​നി​ട​യി​ൽ ര​ക്ഷ​പ്പെ​ട്ട അ​ഞ്ചം​ഗ മാ​വോ​വാ​ദി സം​ഘ​ത്തി​ലെ മൂ​ന്ന് പേ​രെ ക​ണ്ടെ​ത്താ​നു​ള്ള അ​ന്വേ​ഷ​ണം ശ​ക്ത​മാ​ക്കി.

ക​ർ​ണാ​ട​ക ആ​ന്റി ന​ക്സ​ൽ​ഫോ​ഴ്സ് (എ.​എ​ൻ.​എ​ഫ്), ത​മി​ഴ്നാ​ട് ക്യൂ ​ബ്രാ​ഞ്ച് എ​ന്നി​വ​രു​ടെ സ​ഹാ​യ​ത്തോ​ടെ കേ​ര​ളം, ക​ർ​ണാ​ട​ക, ത​മി​ഴ്നാ​ട് അ​തി​ർ​ത്തി​ക​ളി​ലെ വ​ന​മേ​ഖ​ല​യി​ൽ തി​ര​ച്ചി​ൽ ശ​ക്ത​മാ​ക്കി. വ​യ​നാ​ട്ടി​ൽ നി​ന്നും ആ​യു​ധ​ങ്ങ​ൾ സ​ഹി​തം പി​ടി​യി​ലാ​യ മാ​വോ​വാ​ദി ബാ​ണാ​സു​ര ഗ്രൂ​പ്പി​ൽ​പ്പെ​ട്ട ച​ന്ദ്രു, ഉ​ണ്ണി​മാ​യ എ​ന്നി​വ​രെ കൂ​ടു​ത​ൽ ചോ​ദ്യം ചെ​യ്താ​ൽ മാ​വോ​വാ​ദി​ക​ളു​ടെ സ​ഞ്ചാ​ര​പാ​ത​യും ഇ​വ​ർ​ക്ക് സ​ഹാ​യം ന​ൽ​കു​ന്ന​വ​രെ​ക്കു​റി​ച്ചും വ്യ​ക്ത​മാ​യ ചി​ത്രം ല​ഭി​ക്കു​മെ​ന്ന വി​ശ്വാ​സ​ത്തി​ലാ​ണ് അ​ന്വേ​ഷ​ണ സം​ഘം.

ആ​റ​ളം, കൊ​ട്ടി​യൂ​ർ, ക​ണ്ണ​വം വ​ന​മേ​ഖ​ല​ക​ളും ക​ർ​ണാ​ട​ക​യു​ടെ ബ്ര​ഹ്മ​ഗി​രി വ​ന്യ​ജീ​വി സ​ങ്കേ​ത​വും പൊ​ലീ​സി​ന്റെ​യും വ​നം​വ​കു​പ്പി​ന്റെ​യും നി​രീ​ക്ഷ​ണ​ത്തി​ലാ​ണ്. മ​ല​യോ​ര​ത്തെ വ​ന​മേ​ഖ​ല​യോ​ട് ചേ​ർ​ന്ന ഗ്രാ​മ​ങ്ങ​ളിലും ഇ​വ​ർ സ്ഥി​ര​മാ​യി സാ​ധ​ന​ങ്ങ​ളും മ​റ്റും വാ​ങ്ങാ​ൻ എ​ത്താ​റു​ള്ള പ്ര​ദേ​ശ​ങ്ങ​ളി​ലും ത​ണ്ട​ർ​ബോ​ൾ​ട്ട് സാ​ന്നി​ധ്യം ഉ​റ​പ്പാ​ക്കി​യി​ട്ടു​ണ്ട്.