അധികൃതർ അറിയാൻ... മേൽക്കൂര നോക്കി അന്തിയുറങ്ങുന്നത് നാലംഗ കുടുംബം

ഇ​രി​ട്ടി: മു​ഴ​ക്കു​ന്ന് പ​ഞ്ചാ​യ​ത്തി​ലെ വാ​ർ​ഡ് 15ൽ ​വി​ള​ക്കോ​ടി​ന് അ​ടു​ത്ത വെ​ണ്ടേ​ക്കും​ചാ​ലി​ൽ പൊ​ളി​ഞ്ഞു വീ​ഴാ​റാ​യ ചോ​ർ​ന്നൊ​ലി​ക്കു​ന്ന വീ​ട്ടി​ൽ അ​ന്തി​യു​റ​ങ്ങു​ന്ന​ത് ക​ല്ലു​അ​മ്മ​യും മ​ക​ളും കു​ട്ടി​ക​ളു​മ​ട​ക്കം നാ​ലം​ഗ കു​ടും​ബം. വ​യോ​ധി​ക​യാ​യ 80കാ​രി ക​ല്ലു​അ​മ്മ​ക്ക് കൂ​ട്ട് മ​ക​ളും ര​ണ്ട് ചെ​റു​മ​ക്ക​ളു​മാ​ണ്. 50 വ​ർ​ഷ​ത്തി​ലേ​റെ പ​ഴ​ക്ക​മു​ള​ള വീ​ട് ഏ​തു​നി​മി​ഷ​വും നി​ലം പൊ​ത്തി​യേ​ക്കാ​വു​ന്ന അ​വ​സ്ഥ​യി​ലാ​ണ്. ഇ​ടി​ഞ്ഞു​വീ​ഴാ​റാ​യ വീ​ടി​നു​പ​ക​രം പു​തി​യ വീ​ടി​നാ​യി മ​ക​ൾ ര​ജ​നി ക​യ​റിയി​റ​ങ്ങാ​ത്ത ഓ​ഫി​സു​ക​ളി​ല്ല.

ക​ല്ലു​അ​മ്മ​ക്ക് ഒ​പ്പ​മു​ണ്ടാ​യി​രു​ന്ന മ​ക​ൻ ര​ഞ്ജി​ത്ത് (40) കോ​വി​ഡ് ബാ​ധി​ച്ചു മ​രി​ച്ച​തോ​ടെ​യാ​ണ് മ​ക​ളും കു​ടും​ബ​വും സ​ഹാ​യ​ത്തി​ന് എ​ത്തി​യ​ത്. ഏ​തു​നി​മി​ഷ​വും അ​പ​ക​ടം സം​ഭ​വി​ക്കാ​വു​ന്ന വീ​ട്ടി​ൽ പ​ഠി​ക്കു​ന്ന ര​ണ്ടു​കു​ട്ടി​ക​ളു​മാ​യി അ​മ്മ​ക്ക് കൂ​ട്ടി​രി​ക്കു​ക​യാ​ണ് മ​ക​ൾ. ക​ല്ലു​അ​മ്മ​യു​ടെ ഭ​ർ​ത്താ​വും ഏ​ഴു മ​ക്ക​ളി​ൽ നാ​ലു​പേ​രും ഒ​ടു​വി​ൽ മ​ക​ൻ കൂ​ടി മ​ര​ണ​പ്പെ​ട്ട​തോ​ടെ ത​നി​ച്ചാ​യ അ​മ്മ​ക്ക് സു​ര​ക്ഷി​ത​മാ​യ ഒ​രു വീ​ടി​നു​വേ​ണ്ടി​യാ​ണ് മ​ക​ളു​ടെ പോ​രാ​ട്ടം. വ​ർ​ഷ​ങ്ങ​ൾ പ​ഴ​ക്ക​മു​ള​ള ഇ​ടി​ഞ്ഞു​വീ​ഴാ​റാ​യ ത​റ​വാ​ട് വീ​ടും 24 സെ​ന്റ് സ്ഥ​ല​വും ഉ​പേ​ക്ഷി​ച്ച് ക​ല്ലു അ​മ്മ എ​വി​ടേ​ക്കും പോ​കാ​ൻ ത​യാ​റാ​കാ​തെ വ​ന്ന​തോ​ടെ മ​ക​ൾ ര​ജ​നി​യും കു​ടും​ബ​വും ക​ഴി​ഞ്ഞ ര​ണ്ട് വ​ർ​ഷ​മാ​യി അ​മ്മ​ക്ക് ഒ​പ്പ​മാ​ണ്. ചോ​ർ​ച്ച ത​ട​യാ​ൻ ഓ​ടി​ന് മു​ക​ളി​ൽ പ്ലാ​സ്റ്റി​ക് ഷീ​റ്റ് വ​ലി​ച്ചു​കെ​ട്ടി​യ വീ​ട്ടി​ലാ​ണ് താ​മ​സം. ചി​ത​ൽ ക​യ​റി മേ​ൽ​ക്കൂ​ര അ​ട​ർ​ന്നു​വീ​ണു തു​ട​ങ്ങി​യ നി​ല​യി​ലാ​ണ്.

പ​ഞ്ചാ​യ​ത്തി​ൽ ക​യ​റി ഇ​റ​ങ്ങി​യി​ട്ടും യാ​തൊ​രു തീ​രു​മാ​ന​വും ല​ഭി​ക്കാ​തെ വ​ന്ന​തോ​ടെ മു​ഖ്യ​മ​ന്ത്രി​ക്ക് പ​രാ​തി ന​ൽ​കി​യി​രു​ന്നു. മു​ഖ്യ​മ​ന്ത്രി​യു​ടെ ഓ​ഫി​സി​ൽനി​ന്ന് ബ​ന്ധ​പ്പെ​ട്ട പ​ഞ്ചാ​യ​ത്തി​ലേ​ക്ക് അ​പേ​ക്ഷ കൈ​മാ​റി​യെ​ന്ന അ​റി​യി​പ്പ് മാ​ത്ര​മാ​ണ് ല​ഭി​ച്ച​ത്. തു​ട​ർ​ന്ന് വ​നി​ത ക​മീ​ഷ​നി​ൽ പ​രാ​തി ന​ൽ​കി​യി​ട്ടും ഇ​തു​വ​രെ മ​റു​പ​ടി ല​ഭി​ച്ചി​ട്ടി​ല്ല.

ഇ​തി​ന് ചി​ല നി​യ​മ കു​രു​ക്കു​ക​ൾ ഉ​ണ്ടെ​ന്നാ​ണ് പ​ഞ്ചാ​യ​ത്ത് അ​ധി​കൃ​ത​രു​ടെ വാ​ദം. ര​ഞ്ജി​ത്തി​ന്റെ പേ​രി​ലു​ള്ള 24 സെ​ന്റി​ൽ ക​ല്ലു​അ​മ്മ​ക്ക് എ​ങ്ങ​നെ വീ​ട് അ​നു​വ​ദി​ക്കു​മെ​ന്ന​താ​ണ് പ​ഞ്ചാ​യ​ത്തി​ന്റെ നി​യ​മ​പ്ര​ശ്നം.

സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന കു​ടും​ബ​ത്തി​ന്റെ ശോ​ച​നീ​യാ​വ​സ്ഥ പ​റ​ഞ്ഞ​റി​യി​ക്കാ​ൻ ക​ഴി​യി​ല്ല. മ​ഴ പെ​യ്താ​ൽ ഇ​വി​ടെ ചോ​ർ​ന്നൊ​ലി​ക്കും.