കു​ടി​വെ​ള്ള​ത്തി​നാ​യി കു​ഴി​ച്ച​ത് മ​ര​ണ​ക്കു​ഴി​ക​ളോ...?

ഇ​രി​ട്ടി: പേ​ര​ട്ട ക​ല്ല​ൻ​തോ​ട് യു.​പി സ്കൂ​ളി​ന് സ​മീ​പം ജ​ല​ജീ​വ​ൻ മി​ഷ​നി വേ​ണ്ടി കു​ഴി​ച്ച കു​ഴി​ക​ൾ മൂ​ലം വി​ദ്യാ​ർ​ഥി​ക​ൾ ഉ​ൾ​പ്പെ​ടെ ദു​രി​ത​ത്തി​ൽ. കാ​ൽ​ന​ട യാ​ത്ര​ക്കാ​ർ​ക്കുപോ​ലും സ​ഞ്ച​രി​ക്കാ​ൻ ക​ഴി​യാ​ത്ത വി​ധ​മാ​ണ് സ്കൂ​ളി​ന് സ​മീ​പ​ത്തെ റോ​ഡി​ന്റെ സാ​ഹ​ച​ര്യം. റോ​ഡി​ന്റെ ഇ​രു​വ​ശ​ത്തെ​യും മ​ണ്ണ് ഒ​ഴു​കി​പ്പോ​യ​തോ​ടെ റോ​ഡി​ൽ ടാ​റി​ങ്ങ് മാ​ത്ര​മാ​ണ് അ​വ​ശേ​ഷി​ക്കു​ന്ന​ത്.

നി​ര​വ​ധി ക്വാ​റി​ക​ൾ പ്ര​വ​ർ​ത്തി​ക്കു​ന്ന മേ​ഖ​ല​യി​ൽ വ​ലി​യ വാ​ഹ​ന​ങ്ങ​ൾ ഉ​ൾ​പ്പെ​ടെ ക​ട​ന്നു​പോ​കു​മ്പോ​ൾ വി​ദ്യാ​ർ​ഥി​ക​ൾ​ക്ക് കാ​ൽ​ന​ട പോ​ലും ദുസ്സ​ഹ​മാ​യി​രിക്കു​ക​യാ​ണ്. കു​ന്നി​ൻ പ്ര​ദേ​ശ​ത്തു​നി​ന്നും റോ​ഡി​ലെ ഇ​രു​വ​ശ​ത്തു​നി​ന്നും ഒ​ഴു​കി​യെ​ത്തി​യ മ​ണ്ണ് സ്കൂ​ളി​ന് മു​ന്നി​ലാ​ണ് അ​ടി​ഞ്ഞു​കൂ​ടി​യി​രി​ക്കു​ന്ന​ത്. റോ​ഡി​ൽ മ​ണ്ണ​ടി​ഞ്ഞ​തോ​ടെ സ​മീ​പ​ത്തെ വീ​ടു​ക​ളി​ലും വെ​ള്ളം ക​യ​റി.

നാ​ട്ടു​കാ​രു​ടെ ശ്ര​മ​ഫ​ല​മാ​യി എക്സ്കവേറ്റർ ഉ​പ​യോ​ഗി​ച്ച​ണ് മ​ണ്ണ് നീ​ക്കം ചെ​യ്ത​ത്. മ​ഴ തു​ട​ങ്ങു​ന്ന​തി​ന് മു​മ്പുതന്നെ പ്ര​ദേ​ശ​വാ​സി​ക​ൾ വാ​ട്ട​ർ അ​തോ​റി​റ്റി ഉ​ദ്യോ​ഗ​സ്ഥ​ർ​ക്കും ക​രാ​റു​കാ​ര​നും മു​ന്ന​റി​യി​പ്പ് ന​ൽ​കി​യി​രു​ന്നെ​ങ്കി​ലും ഇ​വ​രു​ടെ അ​നാ​സ്ഥ​യാ​ണ് ദു​രി​ത​ത്തി​ന് കാ​ര​ണ​മെ​ന്ന് പ്ര​ദേ​ശ​വാ​സി​ക​ൾ പ​റ​ഞ്ഞു. സ്കൂ​ൾ അ​ധ്യാ​പ​ക​ര​ട​ക്കം അ​ധി​കൃ​ത​രോ​ട് ആ​വ​ശ്യ​പ്പെ​ട്ടി​ട്ടും യാ​തൊ​രു ന​ട​പ​ടി​യും സ്വീ​ക​രി​ക്കു​ന്നി​ല്ലെ​ന്നും നാ​ട്ടു​കാ​ർ ആ​രോ​പി​ച്ചു.