ഇരിക്കൂർ പാലം വിണ്ടുകീറി

ഇരിക്കൂർ: ശക്തമായ ജനകീയ പ്രതിഷേധങ്ങൾക്കും മുറവിളികൾക്കും ശേഷം ഉപരിതല പ്രവർത്തനങ്ങൾ നടത്തിയ ഇരിക്കൂർ പാലത്തിന്റെ മധ്യഭാഗം വിണ്ടുകീറി. വെള്ളിയാഴ്ച ഉച്ചയോടുകൂടിയാണ് പാലത്തിന്റെ മധ്യഭാഗത്ത്വിവിധ കുഴികൾ രൂപപ്പെട്ടത്. രണ്ട് പാളികളായി കൂടിച്ചേരുന്ന ഭാഗത്താണ് വിള്ളൽ രൂപപ്പെട്ടിരിക്കുന്നത്.

ഉപരിതല പ്രവർത്തനങ്ങൾ നടത്തിയത് ശാസ്ത്രീയമായിട്ടല്ലെന്നും കൃത്യമായി ഗ്യാപ്പ് ഫില്ല് ചെയ്യാതെ ജില്ലികൾ താഴേക്ക് ഊർന്നുപോയതാണ് വിണ്ടു കീറാൻ കാരണമെന്നും നാട്ടുകാർ ആരോപിക്കുന്നു.