യുവാവ് മരത്തിൽ തൂങ്ങി മരിച്ച നിലയിൽ

ഇരിക്കൂർ: യുവാവിനെ മരത്തിൽ തൂങ്ങിമരിച്ച നിലയിൽ കണ്ടെത്തി. കല്യാട് സ്വദേശി കൂനൻ വീട്ടിൽ ബിജുവാണ് (36) കല്യാട് പൂവം റോഡിലെ ഏറെ ഉയരമുള്ള മരത്തിൽ തൂങ്ങിമരിച്ചത്. ടൈൽസ് പണിക്കാരനായ ബിജു തനിച്ചാണ് താമസം.

ഇന്നലെ വൈകുന്നേരം മുതൽ ബിജുവിനെ കാണാതായിരുന്നു. മരത്തിന് കീഴെ ഇയാളുടെ ബൈക്ക് കാണപ്പെട്ടതിനെ തുടർന്ന് സംശയം തോന്നിയ ഒരാൾ മുകളിലേക്ക് നോക്കിയപ്പോഴാണ് ബിജുവിനെ ജീവനൊടുക്കിയ നിലയിൽ കണ്ടെത്തിയത്. പിതാവ്: കൃഷ്ണൻ.