മലബാർ സമര പോരാളിപ്പട്ടിക സ്ഥാപിച്ചു
text_fields
പെടയങ്ങോടിൽ സ്ഥാപിച്ച മലബാർ സമര പോരാളിപ്പട്ടിക
ഇരിക്കൂർ: ബ്രിട്ടീഷുകാർക്കെതിരെ പടപൊരുതിയ മലബാർ സമര രക്തസാക്ഷികളെ അവഹേളിക്കുന്ന മോഡി സർക്കാറിന്‍റെ ചരിത്ര നിരാകരണത്തിനെതിരെ പെടയങ്ങോട് ടൗണിൽ മുസ് ലിം യൂത്ത് ലീഗ് പെടയങ്ങോട് ശാഖാ കമ്മിറ്റി പ്രതിഷേധ സംഗമം നടത്തുകയും 1921ലെ സ്വാതന്ത്ര സമരത്തിൽ പങ്കെടുത്ത പോരാളികളുടെ പട്ടിക സ്ഥാപിക്കുകയും ചെയ്തു.
യൂത്ത് ലീഗ് ശാഖാ ഉപാധ്യക്ഷൻ എം.പി അനസിന്‍റെ അധ്യക്ഷതയിൽ മുസ് ലിം യൂത്ത് ലീഗ് മട്ടന്നൂർ നിയോജക മണ്ഡലം ഉപാധ്യക്ഷൻ എൻ.വി ഹുസ്സൈൻ ഹാജി പരിപാടി ഉദ്ഘാടനം ചെയ്തു. എം.പി അഷ്‌റഫ്, വാർഡ് മെമ്പർ അബൂബക്കർ സി.വി.എൻ, എസ്.ടി.യു ജില്ലാ കമ്മിറ്റി അംഗം സി.സിറാജ് എന്നിവർ സംസാരിച്ചു.
അഫ്സൽ മിനിക്കൻ സ്വാഗതവും ഹുസൈൻ പി നന്ദിയും പറഞ്ഞു. കെ.പി സകരിയ, കെ.വി റഹീസ് , അസ്‌ലം, നൗഫൽ, അസൈനാർ, സിനാൻ, മുഹമ്മദ് തുടങ്ങിയവർ പങ്കെടുത്തു.