നിക്ഷേപ പദ്ധതി തട്ടിപ്പ്; 14 ലക്ഷം രൂപ തട്ടിയതായി പരാതി

ക​ണ്ണൂ​ർ: ലാ​ഭ​വി​ഹി​തം വാ​ഗ്ദാ​നം ന​ൽ​കി നി​ക്ഷേ​പ പ​ദ്ധ​തി​യി​ൽ പ​ണം ത​ട്ടി​യ​താ​യി പ​രാ​തി. 14 ല​ക്ഷം രൂ​പ ത​ട്ടി​യ​താ​യി ക​ണി​ച്ചാ​ർ സ്വ​ദേ​ശി പി.​കെ. കൃ​ഷ്ണ​ൻ ന​ൽ​കി​യ പ​രാ​തി​യി​ലാ​ണ് വി​ശ്വാ​സ​വ​ഞ്ച​ന ന​ട​ത്തി​യ നാ​ലു​പേ​ർ​ക്കെ​തി​രെ ക​ണ്ണൂ​ർ ടൗ​ൺ പൊ​ലീ​സ് കേ​സെ​ടു​ത്ത​ത്. ക​ണി​ച്ചാ​റി​ൽ പ്ര​വ​ർ​ത്തി​ച്ചി​രു​ന്ന യൂ​സ്യ​ർ അ​സോ​സി​യേ​റ്റ് സ്ഥാ​പ​ന​ത്തി​ലെ ക​ണ്ണൂ​ർ പാ​റ​ക്ക​ണ്ടി സ്വ​ദേ​ശി ന​ഫീ​സ മ​ൻ​സി​ലി​ൽ മു​സാ​ഫി മു​സ​മ്മ​ൽ, സൗ​ത്ത് ബ​സാ​റി​ലെ പി.​പി. ഹ​ബീ​ബ്, പ​ള്ളി​ക്കു​ന്ന് ചെ​ട്ടി​പ്പീ​ടി​ക​യി​ലെ ന​സീ​ർ മീ​ത്ത​ല​ക​ത്ത്, ക​ണ്ണൂ​ർ ചൊ​വ്വ ത​യ്യ​മ്പ​ള്ളി റോ​ഡി​ലെ സി.​എം. ശ്രീ​ജി​ത്ത് എ​ന്നി​വ​ർ​ക്കെ​തി​രെ​യാ​ണ് വി​ശ്വാ​സ​വ​ഞ്ച​ന​ക്ക് കേ​സെ​ടു​ത്ത​ത്. സ്ഥാ​പ​ന​ത്തി​ന്റെ 15 ഡ​യ​റ​ക്ട​ർ​മാ​രി​ൽ ഒ​രാ​ളാ​ണ് പ​രാ​തി​ക്കാ​ര​ൻ. റൂ​റ​ൽ പൊ​ലീ​സ് മേ​ധാ​വി​ക്ക് ന​ൽ​കി​യ പ​രാ​തി​യി​ൽ നേ​ര​ത്തേ ഇ​വ​ർ​ക്കെ​തി​രെ കേ​സെ​ടു​ത്തി​രു​ന്നെ​ങ്കി​ലും ക​ണ്ണൂ​ർ സി​റ്റി പൊ​ലീ​സി​ന് കൈ​മാ​റു​​ക​യാ​യി​രു​ന്നു. 2018-19 കാ​ല​യ​ള​വി​ൽ ക​ണി​ച്ചാ​റി​ൽ പ്ര​വ​ർ​ത്തി​ച്ചി​രു​ന്ന സ്ഥാ​പ​ന​ത്തി​ലേ​ക്ക് പ​രാ​തി​ക്കാ​ര​നി​ൽ​നി​ന്നും നി​ക്ഷേ​പം സ്വീ​ക​രി​ച്ച് മു​ത​ലോ ലാ​ഭ​വി​ഹി​ത​മോ ന​ൽ​കാ​തെ വ​ഞ്ചി​ച്ചു​വെ​ന്നാ​ണ് കേ​സ്.