കടബാധ്യത; കണ്ണൂരിൽ കര്‍ഷകന്‍ ജീവനൊടുക്കി

കണ്ണൂർ: കടബാധ്യതയെ തുടര്‍ന്ന് കണ്ണൂര്‍ നടുവില്‍ പഞ്ചായത്തില്‍ കര്‍ഷകന്‍ ജീവനൊടുക്കി. നൂലിട്ടാമല ഇടപ്പാറയ്ക്കല്‍ ജോസാണ് (64) മരിച്ചത്. വാഴ കര്‍ഷകനായിരുന്ന ജോസ് സ്വാശ്രയസംഘത്തില്‍ നിന്നും വായ്പയെടുത്തിരുന്നു.

ഈ വായ്പയുടെ അടവ് മുടങ്ങിയതിനെ തുടര്‍ന്ന് വീടിനുള്ളില്‍ ജീവനൊടുക്കുകയായിരുന്നുവെന്ന് പറയുന്നു. കുടുംബാംഗങ്ങള്‍ കണ്ട ഉടന്‍ തന്നെ ആശുപത്രിയിലെത്തിച്ചെങ്കിലും ജോസിന്‍റെ ജീവന്‍ രക്ഷിക്കാനായില്ല.