തെങ്ങിൻ തൈകൾവെട്ടി നശിപ്പിച്ച സംഭവം: പൊലീസ് അന്വേഷണം തുടങ്ങി

മാ​ഹി: അ​ഴി​യൂ​രി​ൽ കൃ​ഷി​യി​ട​ത്തി​ലെ 64 തെ​ങ്ങി​ൻ തൈ​ക​ൾ വെ​ട്ടി ന​ശി​പ്പി​ച്ച സം​ഭ​വ​ത്തി​ൽ ചോ​മ്പാ​ല പൊ​ലീ​സ് കേ​സെ​ടു​ത്തു. കോ​റോ​ത്ത് റോ​ഡി​ലെ കു​ന്ന​ത്ത് താ​ഴെ മാ​ത നി​വാ​സി​ൽ പ്ര​കാ​ശ​ന്റെ ഉ​ട​മ​സ്ഥ​ത​യി​ലു​ള്ള അ​ഴി​യൂ​ർ ഇ​ൻഡ​സ്ട്രി​യ​ൽ എ​സ്റ്റേ​റ്റി​ന് പി​റ​ക് വ​ശ​ത്തെ ഭൂ​മി​യി​ലെ തെ​ങ്ങി​ൻ തൈ​ക​ളാ​ണ് വ്യാ​പ​ക​മാ​യി വെ​ട്ടി ന​ശി​പ്പി​ച്ച​ത്. കു​ല​ച്ച​തും കു​ല​ക്കാ​റാ​യ​തു​മാ​യി അ​ഞ്ച് വ​ർ​ഷം പ്രാ​യ​മാ​യ പു​തി​യ ത​രം കു​ള്ള​ൻ തെ​ങ്ങി​ൻ തൈ​ക​ളാ​ണ് വെ​ട്ടി വീ​ഴ്ത്തി​യ​ത്. പു​തി​യ ഇ​നം കു​ള്ള​ൻ തെ​ങ്ങു​ക​ളാ​ണ് ക​ട്ടി​ങ് യ​ന്ത്രം ഉ​പ​യോ​ഗി​ച്ച് മു​റി​ച്ചി​ട്ട​ത്. ആ​ർ.​എം.​പി നേ​താ​വ് മോ​നാ​ച്ചി ഭാ​സ്ക​ര​ന്റെ മ​രു​മ​ക​നാ​ണ് പ്ര​കാ​ശ​ൻ.

രാ​ഷ്ട്രീ​യ വൈ​രാ​ഗ്യ​മാ​ണ് കാ​ര​ണ​മെ​ന്ന് ഭാ​സ്ക​ര​ൻ പ​റ​ഞ്ഞു. കി​ഴ​ക്ക​ൻ മ​ല​യോ​ര മേ​ഖ​ല​ക​ളി​ൽ രാ​ഷ്ട്രീ​യ വൈ​രാ​ഗ്യ​ത്തി​ന്റെ പേ​രി​ൽ വി​ള​ക​ൾ ന​ശി​പ്പി​ക്കു​ന്ന​ത് നി​ത്യ സം​ഭ​വ​മാ​ണ്. എ​ന്നാ​ൽ ഇ​ത്ത​രം രീ​തി അ​ഴി​യൂ​ർ മേ​ഖ​ല​യി​ലും എ​ത്തി​യ​ത് ക​ർ​ഷ​ക​രെ ആ​ശ​ങ്ക​യി​ലാ​ഴ്ത്തി​യി​രി​ക്കു​ക​യാ​ണ്. തി​ങ്ക​ളാ​ഴ്ച രാ​വി​ലെ​യാ​ണ് പ​റ​മ്പി​ലെ തെ​ങ്ങി​ൻ തൈ​ക​ൾ ന​ശി​പ്പി​ച്ച വി​വ​രം അ​റി​യു​ന്ന​ത്. വീ​ടി​ന് കു​റ​ച്ച് അ​ക​ലെ​യാ​യി മ​യ്യ​ഴി​പ്പുഴ​യു​ടെ ഭാ​ഗ​ത്താ​ണ് കൃ​ഷി​യി​ടം സ്ഥി​തി ചെ​യ്യു​ന്ന​ത്. പ്ര​ദേ​ശ​ത്ത് രാ​ത്രി​കാ​ല​ങ്ങ​ളി​ൽ മ​ദ്യ​പ​സം​ഘ​ങ്ങ​ൾ ത​മ്പ​ടി​ക്കു​ന്ന​താ​യും വി​വ​ര​മു​ണ്ട്. സം​ഭ​വ​ത്തി​ൽ സ​മ​ഗ്രാ​ന്വേ​ഷ​ണം ന​ട​ത്തി കു​റ്റ​ക്കാ​ർ​ക്കെ​തി​രെ ന​ട​പ​ടി​യെ​ടു​ക്ക​ണ​മെ​ന്ന് മ​ണ്ഡ​ലം കോ​ൺ​ഗ്ര​സ് പ്ര​സി​ഡ​ന്റ് പി. ​ബാ​ബു​രാ​ജ്, താ​ലൂ​ക്ക് വി​ക​സ​ന സ​മി​തി​യം​ഗം പ്ര​ദീ​പ് ചോ​മ്പാ​ല എ​ന്നി​വ​ർ ആ​വ​ശ്യ​പ്പെ​ട്ടു.