ട്രെയിൻ കയറി കുതിരകളെത്തി

ക​ണ്ണൂ​ർ: വെ​ള്ളി​യാ​ഴ്ച രാ​വി​ലെ സൗ​ത്ത് ബം​ഗ​ളൂ​രു സി​റ്റി-​ക​ണ്ണൂ​ർ എ​ക്സ്പ്ര​സി​ൽ ക​ണ്ണൂ​രി​ൽ വ​ന്നി​റ​ങ്ങി​യ മൂ​ന്ന് ഉ​ശി​ര​ൻ യാ​ത്ര​ക്കാ​ർ​ക്ക് പി​ന്നാ​ലെ​യാ​യി​രു​ന്നു എ​ല്ലാ​വ​രും.

ഏ​ഴി​മ​ല ഇ​ന്ത്യ​ൻ നാ​വി​ക അ​ക്കാ​ദ​മി​യി​ലേ​ക്ക് എ​ത്തി​ച്ച മൂ​ന്ന് കു​തി​ര​ക​ളാ​യി​രു​ന്നു വി.​ഐ.​പി യാ​ത്രി​ക​ർ. ആ​ൾ​ക്കൂ​ട്ട ബ​ഹ​ള​മൊ​ന്നും ശ്ര​ദ്ധി​ക്കാ​തെ ന​ട​പ​ടി​ക​ൾ പൂ​ർ​ത്തി​യാ​ക്കി സു​ര​ക്ഷ ജീ​വ​ന​ക്കാ​ർ​ക്കൊ​പ്പം താ​ര​ജാ​ഡ​യി​ൽ മൂ​വ​രും ലോ​റി​യി​ലേ​റി സ്റ്റേ​ഷ​ൻ വി​ട്ടു. ഡ​ൽ​ഹി വ​ഴി അ​മ്പാ​ല​യി​ൽ​നി​ന്നാ​ണ് കു​തി​ര​ക​ളെ ​ട്രെയി​ൻ മാ​ർ​ഗം എ​ത്തി​ച്ച​ത്.

ബം​ഗ​ളൂ​രു​വി​ൽ​നി​ന്ന് ക​ണ്ണൂ​ർ എ​ക്സ്പ്ര​സി​ലെ റെ​യി​ൽ​വേ പാ​ർ​സ​ൽ വാ​നി​ൽ മാ​റ്റി​ക്കയ​റ്റി​യാ​ണ് യാ​ത്ര. ക​ണ്ണൂ​രി​ലെ​ത്തി​യ ശേ​ഷം നാ​വി​ക​സേ​ന​യു​ടെ ലോ​റി​യി​ൽ ഏ​ഴി​മ​ല​യി​ലേ​ക്ക് കൊ​ണ്ടു​പോ​യി.

കു​തി​ര​ക​ളെ കേ​ണ​ൽ എ​ൻ. ബാ​ബു ഗാ​ർ​ഹ് സ്റ്റേ​ഷ​നി​ലെ​ത്തി സ്വീ​ക​രി​ച്ചു. തീ​റ്റ​വും വെ​ള്ള​വും പ​രി​ചാ​ര​ക​രും അ​ട​ക്ക​മാ​ണ് പാ​ർ​സ​ൽ വാ​നി​ൽ കു​തി​ര​ക​ളു​ടെ യാ​ത്ര.