ഹൈടെക് കോപ്പിയടി; സൈബർ അ​ന്വേഷണം തുടങ്ങി

ക​ണ്ണൂ​ർ: പി.​എ​സ്.​സി പ​രീ​ക്ഷ​ക്കി​ടെ മൈ​ക്രോ കാ​മ​റ ഉ​പ​യോ​ഗി​ച്ച് കോ​പ്പി​യ​ടി ന​ട​ത്തി​യ സം​ഭ​വ​ത്തി​ൽ അ​ന്വേ​ഷ​ണം ഊ​ർ​ജി​ത​മാ​ക്കി പൊ​ലീ​സ്. പ​യ്യാ​മ്പ​ലം ഗ​വ. ഗേ​ള്‍സ് ഹ​യ​ര്‍ സെ​ക്ക​ന്‍ഡ​റി സ്‌​കൂ​ളി​ല്‍ ശ​നി​യാ​ഴ്ച ന​ട​ന്ന സെ​ക്ര​ട്ടേ​റി​യ​റ്റ് അ​സി​സ്റ്റ​ന്റ് പ​രീ​ക്ഷ​യി​ലാ​ണ് കോ​പ്പി​യ​ടി ന​ട​ന്ന​ത്. സം​ഭ​വ​ത്തി​ൽ അ​റ​സ്റ്റി​ലാ​യ ഉ​ദ്യോ​ഗാ​ര്‍ഥി പെ​ര​ള​ശ്ശേ​രി സ്വ​ദേ​ശി പി. ​മു​ഹ​മ്മ​ദ് സ​ഹ​ദി​നൈ (27) കോ​ട​തി റി​മാ​ൻ​ഡ് ചെ​യ്തു.

ഷ​ര്‍ട്ടി​ല്‍ ഘ​ടി​പ്പി​ച്ച മൈ​ക്രോ കാ​മ​റ വ​ഴി ഇ​യാ​ൾ ചോ​ദ്യ പേ​പ്പ​റി​ലെ ചോ​ദ്യ​ങ്ങ​ൾ മ​റ്റൊ​രാ​ൾ​ക്ക് അ​യ​ച്ചു കൊ​ടു​ത്തു. തു​ട​ർ​ന്ന് പു​റ​മെ​യു​ള്ള​യാ​ൾ ഗൂ​ഗ്ൾ നോ​ക്കി ഉ​ത്ത​രം ക​ണ്ടെ​ത്തി പ​റ​ഞ്ഞു​കൊ​ടു​ക്കു​ക​യാ​യി​രു​ന്നു. ചെ​വി​യി​ൽ തി​രു​കി​വെ​ച്ച ബ്ലൂ​ടൂ​ത്ത് വ​ഴി ഉ​ത്ത​ര​ങ്ങ​ൾ കേ​ട്ട് മു​ഹ​മ്മ​ദ് സ​ഹ​ദ് എ​ഴു​തു​ന്ന​തി​നി​ടെ​യാ​ണ് പി.​എ​സ്.​സി വി​ജി​ല​ൻ​സ് സ്ക്വാ​ഡ് പ​രി​​ശോ​ധ​ന​ക്കെ​ത്തി​യ​ത്. പൊ​ലീ​സ് പി​ടി​ച്ചെ​ടു​ത്ത ഇ​യാ​ളു​ടെ മൊ​ബൈ​ൽ ഫോ​ൺ, ക്യാ​മ​റ, ഇ​യ​ർ​ഫോ​ൺ എ​ന്നി​വ​യെ​ല്ലാം സൈ​ബ​ർ പ​രി​ശോ​ധ​ന​ക്ക് വി​ധേ​യ​മാ​ക്കി​യി​ട്ടു​ണ്ട്.

പ്ര​തി​ക്ക് ഉ​ത്ത​ര​ങ്ങ​ൾ പു​റ​മെ നി​ന്ന് പ​റ​ഞ്ഞു​കൊ​ടു​ത്ത​യാ​ളെ ക​ണ്ടെ​ത്താ​നു​ള്ള അ​ന്വേ​ഷ​ണ​വും തു​ട​ങ്ങി​യി​ട്ടു​ണ്ട്. വ​ലി​യ വി​ല വ​രു​ന്ന ഉ​പ​ക​ര​ണ​ങ്ങ​ൾ വാ​ങ്ങി​യാ​ണ് കോ​പ്പി​യ​ടി ന​ട​ത്തി​യി​ട്ടു​ള്ള​ത്. ഇ​ക്കാ​ര്യം പ്ര​തി സ​മ്മ​തി​ച്ചെ​ങ്കി​ലും സ​ഹാ​യി​യെ​പ​റ്റി പ​റ​യാ​ൻ ത​യാ​റാ​യി​ല്ല. ക​ഴി​ഞ്ഞ ആ​ഗ​സ്റ്റ് 30 ന് ​ഇ​യാ​ൾ എ​ഴു​തി​യ എ​സ്.​ഐ പ​രീ​ക്ഷ​യി​ലും ഹൈ​ടെ​ക് കോ​പ്പി​യ​ടി ന​ട​ത്തി​യി​ട്ടു​ണ്ട്. മു​ഹ​മ്മ​ദ് സ​ഹ​ദ് എ​ഴു​തി​യ നാ​ലു പ​രീ​ക്ഷ​ക​ളു​ടെ​യും ഉ​ത്ത​രക്ക​ട​ലാ​സു​ക​ൾ പി.​എ​സ്.​സി പ്ര​​ത്യേ​കം പ​രി​ശോ​ധി​ക്കും.

അ​ടു​ത്ത ദി​വ​സം ത​ന്നെ ഇ​യാ​ൾ​ക്ക് പി.​എ​സ്.​സി പ​രീ​ക്ഷ​യെ​ഴു​തു​ന്ന​തി​ൽ ആ​ജീ​വ​നാ​ന്ത വി​ല​ക്കേ​ർ​പ്പെ​ടു​ത്താ​നും തീ​രു​മാ​നി​ച്ചി​ട്ടു​ണ്ട്. ഹൈ​ടെ​ക് കോ​പ്പി​യ​ടി ന​ട​ന്ന ദി​വ​സം പ​രീ​ക്ഷാ ചു​മ​ത​ല​യി​ലു​ണ്ടാ​യി​രു​ന്ന അ​ധ്യാ​പ​ക​ർ​ക്കെ​തി​രെ വ​കു​പ്പു​ത​ല ന​ട​പ​ടി​ക്ക് ശി​പാ​ർ​ശ ന​ൽ​കു​മെ​ന്നും പി.​എ​സ്.​സി അ​ധി​കൃ​ത​ർ പ​റ​ഞ്ഞു. സി​റ്റി പൊ​ലീ​സ് ക​മീ​ഷ​ണ​ർ പി. ​നി​ധി​ൻ​രാ​ജി​ന്റെ മേ​ൽ നോ​ട്ട​ത്തി​ൽ പ്ര​ത്യേ​ക അ​ന്വേ​ഷ​ണ സം​ഘ​മാ​ണ് തു​ട​ര​ന്വേ​ഷ​ണം ന​ട​ത്തു​ക. ടൗ​ൺ ഇ​ൻ​സ്പെ​ക്ട​ർ ശ്രീ​ജി​ത്ത് കൊ​ടേ​രി​ക്കാ​ണ് നി​ല​വി​ൽ അ​ന്വേ​ഷ​ണ ചു​മ​ത​ല.