അഴീക്കലില്‍ ഗ്രീ​ന്‍ഫീ​ല്‍ഡ് തുറമുഖം: തയാറാകുന്നത്​ 'സൂപ്പർ' ഡിസൈന്‍

ക​ണ്ണൂ​ർ: അ​ഴീ​ക്ക​ലി​ല്‍ ഗ്രീ​ന്‍ഫീ​ല്‍ഡ് തു​റ​മു​ഖം നി​ര്‍മി​ക്കു​ന്ന​തി​നു​ള്ള വി​ശ​ദ പ​ദ്ധ​തി റി​പ്പോ​ര്‍ട്ട് ത​യാ​റാ​ക്കു​ന്ന​തി​ന്റെ ഭാ​ഗ​മാ​യി സാ​ങ്കേ​തി​ക തി​ക​വാ​ര്‍ന്ന ഡി​സൈ​ന്‍ ത​യാ​റാ​ക്കും. ഇ​തി​നാ​യി ചെ​ന്നൈ ഐ.​ഐ.​ടി​യെ ചു​മ​ത​ല​പ്പെ​ടു​ത്തി​യ​താ​യി തു​റ​മു​ഖ മ​ന്ത്രി അ​ഹ​മ്മ​ദ് ദേ​വ​ര്‍കോ​വി​ല്‍ നി​യ​മ​സ​ഭ​യി​ല്‍ അ​റി​യി​ച്ചു.

കെ.​വി. സു​മേ​ഷ് എം.​എ​ൽ.​എ​യു​ടെ ചോ​ദ്യ​ത്തി​നു​ള്ള മ​റു​പ​ടി​യാ​യാ​ണ് മ​ന്ത്രി ഇ​ക്കാ​ര്യം പ​റ​ഞ്ഞ​ത്. അ​ഴീ​ക്ക​ലി​ല്‍ 14.2 മീ​റ്റ​ര്‍ വ​രെ ആ​ഴ​ത്തി​ൽ, ക​പ്പ​ലു​ക​ള്‍ക്ക് എ​ത്തി​ച്ചേ​രാ​ന്‍ സാ​ധി​ക്കു​ന്ന ഗ്രീ​ന്‍ഫീ​ല്‍ഡ് തു​റ​മു​ഖ നി​ര്‍മാ​ണ​ത്തി​ന് മു​ഖ്യ​മ​ന്ത്രി ചെ​യ​ര്‍മാ​നാ​യി മ​ല​ബാ​ര്‍ ഇ​ന്റ​ര്‍നാ​ഷ​ന​ല്‍ പോ​ര്‍ട്ട് ആ​ൻ​ഡ് സെ​സ് ലി​മി​റ്റ​ഡ് എ​ന്ന പ്ര​ത്യേ​ക ക​മ്പ​നി രൂ​പ​വ​ത്​​ക​രി​ച്ച് പ്ര​വ​ര്‍ത്ത​നം ന​ട​ത്തി​വ​രു​ക​യാ​ണ്. ഡി.​പി.​ആ​ര്‍ ത​യാ​റാ​ക്കു​ന്ന​തി​ന്റെ ഭാ​ഗ​മാ​യു​ള്ള ജി​യോ സാ​​ങ്കേ​തി​ക അ​ന്വേ​ഷ​ണ റി​പ്പോ​ര്‍ട്ട് ല​ഭി​ച്ചി​ട്ടു​ണ്ട്.

ഇ​തേ​ത്തു​ട​ര്‍ന്നാ​ണ് കൂ​ടു​ത​ല്‍ പ​ഠ​നം ന​ട​ത്തി സാ​ങ്കേ​തി​ക തി​ക​വാ​ര്‍ന്ന ഡി​സൈ​ന്‍ ത​യാ​റാ​ക്കാ​ന്‍ ചെ​ന്നൈ ഐ.​ഐ.​ടി​യോ​ട് നി​ര്‍ദേ​ശി​ച്ച​ത്. ഇ​തി​ന് സ​മാ​ന്ത​ര​മാ​യി റോ​ഡ്, റെ​യി​ല്‍ വി​ക​സ​ന​ത്തി​നാ​വ​ശ്യ​മാ​യ ഭൂ​മി സ​ർ​വേ ചെ​യ്ത് അ​തി​ര​ട​യാ​ളം നി​ശ്ച​യി​ക്കു​ന്ന​തി​നും ന​ട​പ​ടി സ്വ​കീ​രി​ച്ചു​വ​രു​ന്ന​താ​യി മ​ന്ത്രി പ​റ​ഞ്ഞു. ഗ്രീ​ന്‍ഫീ​ല്‍ഡ് തു​റ​മു​ഖം ഉ​ത്ത​ര മ​ല​ബാ​റി​ലെ ജ​ന​ങ്ങ​ളും വ്യ​വ​സാ​യ സ​മൂ​ഹ​വും ഏ​റെ പ്ര​തീ​ക്ഷ​യോ​ടെ കാ​ത്തി​രി​ക്കു​ന്ന പ​ദ്ധ​തി​യാ​ണ്.

പ​ദ്ധ​തി പ്ര​വൃ​ത്തി ഉ​ട​ൻ ആ​രം​ഭി​ക്കു​ന്ന​തി​നു​ള്ള ന​ട​പ​ടി ഉ​ണ്ടാ​ക​ണ​മെ​ന്നും പ്ര​വ​ര്‍ത്ത​നം ഏ​കോ​പി​പ്പി​ക്കു​ന്ന​തി​ന് ലെ​യ്‌​സ​ണ്‍ ഓ​ഫി​സ് ആ​രം​ഭി​ക്കു​ന്ന​ത് ഗു​ണ​ക​ര​മാ​യി​രി​ക്കു​മെ​ന്നും എം.​എ​ല്‍.​എ പ​റ​ഞ്ഞു.