മു​ഖ്യ​മ​ന്ത്രി​യുടെ സു​ര​ക്ഷ​ക്ക് അ​ഞ്ഞൂ​റോ​ളം പൊ​ലീ​സു​കാർ; ക​രി​ങ്കൊ​ടി​യു​മാ​യി യൂ​ത്ത് കോ​ൺ​ഗ്ര​സ്

ക​ണ്ണൂ​ര്‍: ക​ന​ത്ത സു​ര​ക്ഷ വ​ല​യ​ത്തി​നി​ട​യി​ലും മു​ഖ്യ​മ​ന്ത്രി പി​ണ​റാ​യി വി​ജ​യ​നെ​തി​രെ ക​ണ്ണൂ​രി​ലും ക​രി​ങ്കൊ​ടി പ്ര​തി​ഷേ​ധം. ​തി​ങ്ക​ളാ​ഴ്ച രാ​വി​ലെ ക​ണ്ണൂ​ർ ജി​ല്ല​യി​ലെ ചു​ട​ല​യി​ലും പ​രി​യാ​ര​ത്തു​മാ​ണ് യൂ​ത്ത് കോ​ൺ​ഗ്ര​സ് പ്ര​വ‍ർ​ത്ത​ക​ർ ക​രി​ങ്കൊ​ടി കാ​ണി​ച്ച​ത്.

കുപ്പത്ത് രാത്രി യൂത്ത് ലീഗ് പ്രവർത്തകരും കരിങ്കൊടി കാണിച്ചു. മുഖ്യമന്ത്രി കണ്ണൂരിൽ നിന്ന് കാസർകോട്ടേക്ക് കാറിൽ റോഡ് മാർഗം വിവിധ പരിപാടികളിൽ പ​ങ്കെടുക്കാൻ പോകുമ്പോഴും തിരിച്ചു വരുമ്പോഴുമാണ് വിവിയിധടങ്ങളിൽ യൂത്ത്കോൺഗ്രസ് പ്രവർത്തകരുടെ പ്രതിഷേധം.

മു​ഖ്യ​മ​ന്ത്രി​യു​ടെ വാ​ഹ​ന​വ്യൂ​ഹം ക​ട​ന്നു​പോ​കു​ന്ന​യി​ട​ത്തെ​ല്ലാം ക​ന​ത്ത സു​ര​ക്ഷ​യാ​യി​രു​ന്നു പൊ​ലീ​സ് ഒ​രു​ക്കി​യി​രു​ന്ന​ത്. ഇ​തി​നി​ട​യി​ലാ​ണ് ക​രി​​ങ്കൊ​ടി​യു​മാ​യി പ്ര​വ​ർ​ത്ത​ക​ർ എ​ത്തി​യ​ത്. നി​കു​തി വ​ർ​ധ​ന​ക്കെ​തി​രെ​യും ഷു​ഹൈ​ബ് വ​ധ​ത്തി​ൽ ആ​കാ​ശ് തി​ല്ല​ങ്കേ​രി​യു​ടെ പ്ര​തി​ക​ര​ണ​ത്തി​ന്റെ​യും പ​ശ്ചാ​ത്ത​ല​ത്തി​ലാ​യി​രു​ന്നു പ്ര​തി​​ഷേ​ധം.

മു​ഖ്യ​മ​ന്ത്രി​ക്കെ​തി​രെ പ്ര​തി​ഷേ​ധി​ച്ച പ​ത്ത് യൂ​ത്ത് കോ​ൺ​ഗ്ര​സു​കാ​രെ പൊ​ലീ​സ് അ​റ​സ്റ്റ് ചെ​യ്തു. ചു​ഴ​ലി​യി​ൽ യൂ​ത്ത് കോ​ൺ​ഗ്ര​സ് ജി​ല്ല പ്ര​സി​ഡ​ന്റ് സു​ധീ​പ് ജ​യിം​സ്, വി. ​രാ​ഹു​ൽ, വ​രു​ൺ എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു പ്ര​തി​ഷേ​ധം. പ​രി​യാ​രം പൊ​ലീ​സ് സ്റ്റേ​ഷ​ന് മു​ന്നി​ൽ​വെ​ച്ച് ക​രി​​ങ്കൊ​ടി കാ​ണി​ച്ച സ​ന്ദീ​പ് പ​ണ​പ്പു​ഴ, മ​ഹി​ത മോ​ഹ​ൻ, സു​ധീ​ഷ് വെ​ള്ള​ച്ചാ​ല്‍, വി​ജേ​ഷ് മാ​ട്ടൂ​ർ, രാ​ഹു​ൽ പൂ​ങ്കാ​വ്, മ​നോ​ജ് കൈ​ത​പ്രം, ജ​യ്സ​ൺ മാ​ത്യു എ​ന്നി​വ​രെ​യും പൊ​ലീ​സ് അ​റ​സ്റ്റ് ചെ​യ്തു.

കൂ​ടാ​തെ ക​രി​​ങ്കൊ​ടി കാ​ട്ടാ​നു​ള്ള സാ​ധ്യ​ത​യെ തു​ട​ർ​ന്ന് ത​ളി​പ്പറ​മ്പി​ലും പ​യ്യ​ന്നൂ​രി​ലു​മാ​യി ഏ​ഴു​പേ​രെ ക​രു​ത​ൽ ക​സ്റ്റ​ഡി​യി​​ലു​മെ​ടു​ത്തു. യൂ​ത്ത് കോ​ൺ​ഗ്ര​സ് സം​സ്ഥാ​ന ക​മ്മി​റ്റി​യം​ഗം രാ​ഹു​ൽ ദാ​മോ​ദ​ര​ൻ, പ്ര​വ​ർ​ത്ത​ക​രാ​യ സി.​കെ. സൂ​രാ​ജ്, എ​സ്. ഇ​ർ​ഷാ​ദ്, കെ.​വി. സു​രാ​ഗ്, മു​ര​ളി പൂ​ക്കോ​ത്ത് എ​ന്നി​വ​രെ​യാ​ണ് ത​ളി​പ്പറ​മ്പി​ൽ ക​രു​ത​ൽ ത​ട​ങ്ക​ലി​ലാ​ക്കി​യ​ത്.

ആ​കാ​ശ്, ഭ​ര​ത് എ​ന്നി​വ​രെ​യാ​ണ് പ​യ്യ​ന്നൂ​രി​ൽ ത​ട​ങ്കിലി​ലാ​ക്കി​യ​ത്. മു​ഖ്യ​മ​ന്ത്രി​യു​ടെ സു​ര​ക്ഷ​ക്കാ​യി ര​ണ്ട് ഡി​​വൈ.​എ​സ്.​പി​മാ​രു​ടെ നേ​തൃ​ത്വ​ത്തി​ൽ ജി​ല്ല​യി​ൽ അ​ഞ്ഞൂ​റോ​ളം പൊ​ലീ​സു​കാ​രെ​യാ​ണ് വി​വി​ധ​യി​ട​ങ്ങി​ൽ വി​ന്യ​സി​ച്ച​ത്.

ശ​നി​യാ​ഴ്ച ക​ണ്ണൂ​രി​ലെ​ത്തി​യ മു​ഖ്യ​മ​ന്ത്രി​ക്ക് നേ​രെ ത​ല​ശ്ശേ​രി​യി​ലും ക​രി​​ങ്കൊ​ടി കാ​ണി​ച്ചി​രു​ന്നു. ഇ​തേ​തു​ട​ർ​ന്ന് തി​ങ്ക​ളാ​ഴ്ച ക​ന​ത്ത സു​ര​ക്ഷ​​യാ​യി​രു​ന്നു പൊ​ലീ​സ് ഒ​രു​ക്കി​യ​ത്.

‘പ്ര​തി​ഷേ​ധ​ക്കാ​രെ കൊ​ല്ലാ​ൻ ശ്ര​മം’

ക​ണ്ണൂ​ർ: മു​ഖ്യ​മ​ന്ത്രി​ക്കെ​തി​രെ ക​രി​​ങ്കൊ​ടി കാ​ണി​ച്ച പ്ര​വ​ർ​ത്ത​ക​രെ വാ​ഹ​ന​മി​ടി​ച്ച് കൊ​ല​പ്പെ​ടു​ത്താ​ൻ പൊ​ലീ​സ് ശ്ര​മ​മെ​ന്ന് യൂ​ത്ത് കോ​ൺ​ഗ്ര​സ് ജി​ല്ല പ്ര​സി​ഡ​ന്റ് സു​ദീ​പ് ജയിം​സ്. മു​ഖ്യ​മ​ന്ത്രി​യെ പ്രീ​തി​പ്പെ​ടു​ത്താ​ൻ ക​ണ്ണൂ​രി​ലെ പൊ​ലീ​സ് ന​ട​ത്തു​ന്ന ഈ ​കി​രാ​ത ന​ട​പ​ടി​ക​ളെ നി​യ​മ​പ​ര​മാ​യും രാ​ഷ്ട്രീ​യ​പ​ര​മാ​യും നേ​രി​ടും. രാ​ജാ​വി​നെ​ക്കാ​ൾ വ​ലി​യ രാ​ജ​ഭ​ക്തി കാ​ണി​ക്കു​ന്ന ചി​ല ഉ​ദ്യോ​ഗ​സ്ഥ​രാ​ണ് ഇ​പ്പോ​ൾ പൊ​ലീ​സ് ത​ല​പ്പ​ത്തു​ള്ള​ത്.

അ​ത്ത​ര​ക്കാ​രെ അ​വ​ർ അ​ർ​ഹി​ക്കു​ന്ന രീ​തി​യി​ൽ ത​ന്നെ നേ​രി​ടാ​ൻ യൂ​ത്ത് കോ​ൺ​ഗ്ര​സ് ത​യാ​റാ​കും. ഭീ​രു​വി​നെ​പ്പോ​ലെ സ​ഞ്ച​രി​ക്കു​ന്ന പി​ണ​റാ​യി വി​ജ​യ​നെ​തി​രെ​യു​ള്ള പ്ര​തി​ഷേ​ധ സ​മ​ര​ങ്ങ​ളി​ൽ നി​ന്ന് ഒ​രി​ഞ്ചു​പോ​ലും പിറ​കോ​ട്ട് പോ​കി​ല്ലെ​ന്ന് യൂ​ത്ത് കോ​ൺ​ഗ്ര​സ് പ്ര​സി​ഡ​ന്റ്‌ സു​ദീ​പ് ജെ​യിം​സ് പ്ര​സ്താ​വ​ന​യി​ൽ. പ​റ​ഞ്ഞു.