കോഫി ഹൗസിൽ തീപിടിത്തം

കണ്ണൂർ: തെക്കി ബസാറിലെ കോഫി ഹൗസിൽ തീപിടിത്തം. അടുക്കളയിലെ വാൾഫാനിനാണ് തീപിടിച്ചത്. ബുധനാഴ്ച രാവിലെ പത്തരയോടെയാണ് സംഭവം. ഷോർട്ട് സർക്യൂട്ടാണ് അപകടകാരണം. അഗ്നിബാധയിൽ ഫാൻ കത്തിനശിച്ചു. തീയും പുകയും പടർന്നത് ഏറെനേരം ആശങ്ക പടർത്തി.

ഫയർഫോഴ്സെത്തി തീയണച്ചു. സംഭവസമയം നിരവധിയാളുകൾ ഭക്ഷണം കഴിക്കാനുണ്ടായിരുന്നു. പുക പടരുന്നതുകണ്ട് എല്ലാവരും ഇറങ്ങിയോടി. അരമണിക്കൂറോളമെടുത്താണ് ഫയർഫോഴ്സ് തീയണച്ചത്. ടൗൺ പൊലീസും സ്ഥലത്തെത്തി.