ഫിഫ ലോകകപ്പ്: നാടെങ്ങും ടീമുകള​ുടെ കൊടിതോരണങ്ങൾ

ത​ല​ശ്ശേ​രി: ഖ​ത്ത​റി​ൽ 20ന് ​ആ​രം​ഭി​ക്കു​ന്ന ഫി​ഫ ലോ​ക​ക​പ്പ് ഫു​ട്‌​ബാ​ളി​ന്റെ ആ​വേ​ശ​ത്തി​മി​ർ​പ്പി​ൽ നാ​ടും ന​ഗ​ര​വും. ഓ​രോ ടീ​മി​ന്റെ​യും കൊ​ടി​തോ​ര​ണ​ങ്ങ​ളു​മാ​യി ലോ​ക​ക​പ്പി​നെ വ​ര​വേ​ൽ​ക്കാ​ൻ ആ​രാ​ധ​ക​ർ ഒ​രു​ങ്ങി​ക്ക​ഴി​ഞ്ഞു. ന​ഗ​ര-​ഗ്രാ​മ വ്യ​ത്യാ​സ​മി​ല്ലാ​തെ മ​ത്സ​ര​രം​ഗ​ത്തു​ള്ള രാ​ജ്യ​ങ്ങ​ളു​ടെ കൊ​ടി​ക​ളും തോ​ര​ണ​ങ്ങ​ളും കെ​ട്ടി അ​ല​ങ്ക​രി​ക്കു​ന്ന തി​ര​ക്കാ​ണ് നാ​ടെ​ങ്ങും. ഫാ​ന്‍സു​കാ​ര്‍ ത​മ്മി​ലു​ള്ള വാ​ശി ഓ​രോ പ്ര​ദേ​ശ​ത്തെ​യും അ​ല​ങ്കാ​ര​ത്തി​ൽ പ്ര​ക​ട​മാ​ണ്. അ​ടു​ത്ത​ടു​ത്താ​ണ് ഓ​രോ ടീ​മി​ന്റെ​യും തോ​ര​ണ​ങ്ങ​ൾ.

ലോ​ക​ക​പ്പി​ന്റെ കൊ​ടി​തോ​ര​ണ​ങ്ങ​ൾ ആ​രാ​ധ​ക​രി​ലെ​ത്തി​ക്കാ​ൻ ന​ഗ​ര​ത്തി​ലെ കടകളും സജീവമായി. ലോ​ക​ക​പ്പി​ൽ മാ​റ്റു​ര​ക്കു​ന്ന ബ്ര​സീ​ല്‍, അ​ര്‍ജ​ന്റീ​ന, പോ​ർ​ചു​ഗ​ല്‍, ഫ്രാ​ൻ​സ്, ജ​ർ​മ​നി, സ്പെ​യി​ൻ, ബെ​ൽ​ജി​യം, ഇം​ഗ്ല​ണ്ട്, സ്വി​റ്റ്സ​ർ​ല​ൻ​ഡ്, ഇ​റ്റ​ലി, ഉ​റു​ഗ്വാ​യ് തു​ട​ങ്ങി​യ രാ​ജ്യ​ങ്ങ​ളു​ടെ കൊ​ടി​ക​ളും തോ​ര​ണ​ങ്ങ​ളു​മാ​ണ് വിൽപ്പനക്കുള്ളത്. ബ്ര​സീ​ല്‍, അ​ര്‍ജ​ന്റീ​ന, പോ​ർ​ചു​ഗ​ല്‍ ടീ​മു​ക​ളു​ടെ കൊ​ടി​ക​ൾ​ക്കാ​ണ് ആ​വ​ശ്യ​ക്കാ​രേ​റെ. ലോകകപ്പ് അടുക്കുംതോറും കൊടിതോരങ്ങൾക്കായി ഏറെപ്പേർ എത്തുന്നുണ്ടെന്ന് വ്യാപാരികളിലൊരാളായ ഇ.​കെ. ജ​ലാ​ലു​ദ്ദീൻ പറയുന്നു. വി​ദ്യാ​ർ​ഥി​ക​ളാ​ണ് ആ​വ​ശ്യ​ക്കാ​രി​ൽ ഏ​റെ​യും.

വ്യ​ത്യ​സ്ത വ​ലു​പ്പ​ത്തി​ലു​ള്ള കൊ​ടി​ക​ൾ വി​പ​ണി​യി​ലു​ണ്ട്. ഒ​രു മീ​റ്റ​ർ വ​ലു​പ്പ​മു​ള്ള കൊ​ടി​ക്ക് 200 രൂ​പ​യാ​ണ് വി​ല. വ​ലു​പ്പ​മ​നു​സ​രി​ച്ച് 2000 രൂ​പ വ​രെ വി​ല​യു​ള്ള കൊ​ടി​ക​ൾലഭ്യമാണ്. ന​ഗ​ര-​ഗ്രാ​മ​ങ്ങ​ൾ അ​ല​ങ്ക​രി​ക്കാ​ന്‍ തോ​ര​ണ​ങ്ങ​ൾ​ക്കാ​ണ് കൂ​ടു​ത​ല്‍ ചെ​ല​വ്. ചൂ​ട​പ്പം പോ​ലെ​യാ​ണ് ഇ​വ വി​റ്റ​ഴി​യു​ന്ന​ത്. ഒ​രു മീ​റ്റ​റി​ന് ഏ​ഴു രൂ​പ നി​ര​ക്കി​ലാ​ണ് ഇ​ത് വി​ൽ​ക്കു​ന്ന​ത്. വി​വി​ധ ടീ​മു​ക​ളു​ടെ പതാക, ജഴ്സി, കീ​ചെ​യി​ൻ എ​ന്നി​വ​യും വി​ൽ​പ​ന​ക്കു​ണ്ട്. കൊ​ടി​​ക്ക് ഒ​ന്നി​ന് 100 രൂ​പ​യാ​ണ് വി​ല. ജഴ്സിക്ക് 200 ഉം ​കീ​ചെ​യി​നി​ന് 25 ഉം ​രൂ​പ​യാ​ണ് വില.

ടീമുകളുടെ ജഴ​്സികൾക്ക് വൻ ഡിമാൻഡാണ്. ചെ​റി​യ കു​ട്ടി​ക​ള്‍ മു​ത​ല്‍ വ​യോ​ധി​ക​ര്‍ വ​രെ ഇഷ്ടടീമിന്റെ ജഴ്സിക​ള്‍ ധ​രി​ച്ച് ലോ​ക​ക​പ്പ് വ​ലി​യ സ്‌​ക്രീ​നു​ക​ളി​ല്‍ കാ​ണാ​ന്‍ ത​യാ​റാ​യി നി​ല്‍ക്കു​ക​യാ​ണ്. വ​രും ദി​വ​സ​ങ്ങ​ളി​ല്‍ ജഴ്സികൾക്ക് ക്ഷാ​മ​മു​ണ്ടാ​കു​മോ എ​ന്ന ആ​ശ​ങ്ക ക​ട ഉ​ട​മ​ക​ളെ​ല്ലാം പ​ങ്കു​വെ​ക്കു​ന്നു​ണ്ട്. ഇ​പ്പോ​ള്‍ ത​ന്നെ ഇവയുടെ സ്റ്റോ​ക്ക് പ​ല​ക​ട​ക​ളി​ലും തീ​ര്‍ന്നി​രി​ക്കു​ക​യാ​ണ്. ഉ​ട​ന്‍ സ്റ്റോ​ക്കു​ക​ള്‍ ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണി​വ​ര്‍.

അ​ര്‍ജ​ന്റീ​ന താ​രം ല​യ​ണ​ല്‍ മെ​സി​യു​ടെ ന​മ്പ​റി​ലു​ള്ള ജ​ഴ്‌​സി​ക്കാ​ണ് ആ​വ​ശ്യ​ക്കാ​രേ​റെ.

വ​രും​ദി​വ​സ​ങ്ങ​ളി​ല്‍ കാ​യി​ക ഉ​ല്‍പ​ന്ന​ങ്ങ​ള്‍ വാ​ങ്ങാ​ന്‍ കൂ​ടു​ത​ൽ ആ​ളു​ക​ളെ​ത്തു​മെ​ന്നാ​ണ് ക​ച്ച​വ​ട​ക്കാ​രു​ടെ പ്ര​തീ​ക്ഷ. നാ​ദാ​പു​രം, ക​ട​വ​ത്തൂ​ർ, മാ​ഹി, ധ​ർ​മ​ടം, കൊ​ട്ടി​യൂ​ർ, ചൊ​ക്ലി, ഒ​ള​വി​ലം, കൂ​ത്തു​പ​റ​മ്പ് തു​ട​ങ്ങി​യ സ്ഥ​ല​ങ്ങ​ളി​ൽ നി​ന്നാ​ണ് ലോ​ക​ക​പ്പ് അ​ല​ങ്കാ​ര​ങ്ങ​ൾ വാ​ങ്ങാ​ൻ ആ​ളു​ക​ൾ ഏ​റെ​യും തലശ്ശേരിയിൽ എ​ത്തു​ന്ന​ത്.