കടൽ കടന്നെത്തിയ ശല്യക്കാർ; ആഫ്രിക്കൻ ഒച്ചുകളാൽ പൊറുതിമുട്ടി പ്രദേശവാസികൾ

ഇ​രി​ട്ടി: ആ​ഫ്രി​ക്ക​ൻ ഒ​ച്ചി​ന്റെ ശ​ല്യ​ത്തി​ൽ പൊ​റു​തി​മു​ട്ടി​യി​രി​ക്കു​ക​യാ​ണ് ഇ​രി​ട്ടി ന​ഗ​ര​ത്തോ​ട് ചേ​ർ​ന്ന് ജീ​വി​ക്കു​ന്ന പ​ത്തോ​ളം കു​ടും​ബ​ങ്ങ​ൾ. പ​ഴ​ഞ്ചേ​രി മു​ക്കി​ൽ പ​ഴ​ശ്ശി ജ​ല​സം​ഭ​ര​ണി​യു​ടെ ഭാ​ഗ​മാ​യ പ്ര​ദേ​ശ​ത്തു​നി​ന്നാ​ണ് ഒ​ച്ച് വീ​ടു​ക​ളി​ലും പ​റ​മ്പു​ക​ളും എ​ത്തു​ന്ന​ത്. മൂ​ന്ന് വ​ർ​ഷം മു​മ്പാ​ണ് മേ​ഖ​ല​യി​ൽ ആ​ഫ്രി​ക്ക​ൻ ഒ​ച്ചി​നെ ക​ണ്ടു​തു​ട​ങ്ങി​യ​ത്.

ഇ​തി​നെ ഉ​ന്മൂ​ല​നം ചെ​യ്യാ​നു​ള്ള ന​ട​പ​ടി​ക​ൾ ആ​രോ​ഗ്യ വ​കു​പ്പി​ന്റെ​യും മ​റ്റ് ബ​ന്ധ​പ്പെ​ട്ട​വ​രു​ടെ​യും ഭാ​ഗ​ത്തു​നി​ന്നും ഉ​ണ്ടാ​യി​ല്ല. ഇ​തോ​ടെ ര​ണ്ടു വ​ർ​ഷ​മാ​യി ഇ​വ​യു​ടെ ശ​ല്യം രൂ​ക്ഷ​മാ​യി. ഒ​ച്ച് ശ​ല്യം ക​ഴി​ഞ്ഞ വ​ർ​ഷ​ത്തേ​ക്ക​ൾ കൂ​ടു​ത​ലാ​ണെ​ന്നാ​ണ് പ്ര​ദേ​ശ​വാ​സി​ക​ൾ പ​റ​യു​ന്ന​ത്. ചെ​ളി​യും വെ​ള്ള​വും മാ​ലി​ന്യ​വും അ​ടി​ഞ്ഞ പ​ദ്ധ​തി പ്ര​ദേ​ശ​ത്തു നി​ന്നും വീ​ടു​ക​ളി​ലും പ​റ​മ്പു​ക​ളി​ലും എ​ത്തി​യ ഇ​വ വ്യാ​പ​ക​മാ​യി കൃ​ഷി​നാ​ശ​വും മ​റ്റും വ​രു​ത്തു​ക​യാ​ണ്.

ക​ണ്ണി​യ​ത്ത് സു​ശീ​ല​ൻ, പു​തി​യ പ​റ​മ്പി​ൽ മാ​യ​ൻ, ക​ലീ​ഫ, റോ​ഷ​ൻ, സി. ​സു​നി​ൽ​കു​മാ​ർ, രാ​ജീ​വ​ൻ, മ​നോ​ജ് എ​ന്നി​വ​രു​ടെ വീ​ടു​ക​ളി​ലാ​ണ് ശ​ല്യം രൂ​ക്ഷ​മാ​യ​ത്. പ​ദ്ധ​തി പ്ര​ദേ​ശ​ത്തോ​ട് ചേ​ർ​ന്നു​ള്ള ടൗ​ണി​ലെ വ്യാ​പാ​ര​സ്ഥാ​പ​ന​ങ്ങ​ളി​ലും ഒ​ച്ച് ശ​ല്യ​ക്കാ​രാ​യി മാ​റി​യി​ട്ടു​ണ്ട്. ഉ​പ്പും കു​മ്മാ​യ​വും ഉ​പ​യോ​ഗി​ച്ചാ​ണ് പ്ര​ദേ​ശ​വാ​സി​ക​ൾ ഇ​തി​നെ പ്ര​തി​രോ​ധി​ക്കു​ന്ന​ത്. ആ​ഫ്രി​ക്ക​ൻ ഒ​ച്ചി​നെ ന​ശി​പ്പി​ക്കാ​നാ​യി മാ​ത്രം പു​തി​യ പ​റ​മ്പി​ൽ മാ​യ​ൻ ഒ​രു ചാ​ക്ക് ഉ​പ്പാ​ണ് വീ​ട്ടി​ൽ ക​രു​തി​യ​ത്.

സ​മീ​പ​ത്തെ സു​നി​ൽ​കു​മാ​റി​ന്റെ വീ​ട്ടി​ൽ ഒ​രു ചാ​ക്ക് കു​മ്മാ​യ​വും ക​രു​തി​വ​ച്ചി​ട്ടു​ണ്ട്. സ​ന്ധ്യ​യോ​ടെ​യാ​ണ് ഇ​വ വ്യാ​പ​ക​മാ​യി വീ​ടു​ക​ളി​ലേ​ക്ക് എ​ത്തു​ന്ന​ത്. വീ​ടി​ന്റെ അ​ക​ത്ത് ഉ​ൾ​പ്പെ​ടെ ക​യ​റു​ന്ന സ്ഥി​തി​യാ​ണ്. സ​ഞ്ചി​യി​ലും ബ​ക്ക​റ്റി​ലു​മാ​യി ഇ​വ​യെ ശേ​ഖ​രി​ച്ച ശേ​ഷം കു​മ്മാ​യ​വും ഉ​പ്പും ഇ​ട്ട് ന​ശി​പ്പി​ക്കു​ക​യാ​ണ് ഇ​പ്പോ​ൾ ചെ​യ്യു​ന്ന​തെ​ന്ന് പ്ര​ദേ​ശ​വാ​സി​ക​ൾ പ​റ​ഞ്ഞു. നി​ര​വ​ധി ത​വ​ണ പ​രാ​തി ന​ൽ​കി​യി​ട്ടും ഒ​രു ന​ട​പ​ടി​യും ഉ​ണ്ടാ​യി​ല്ല.