ഒരു എക്സിക്യൂട്ടിവ് വൈകൽ

ക​ണ്ണൂ​ർ: കോ​ഴി​ക്കോ​ടു​നി​ന്ന് രാ​ത്രി എ​ക്സി​ക്യൂ​ട്ടി​വ് എ​ക്സ്പ്ര​സി​ൽ ക​ണ്ണൂ​രി​ലേ​ക്ക് വ​രു​ന്ന​വ​രു​ടെ ക്ഷ​മ അ​പാ​ര​മാ​ണ്. ഒ​ന്നും ര​ണ്ടും മ​ണി​ക്കൂ​ർ വൈ​കി​യാ​ണ് എ​ന്നും ട്രെ​യി​ൻ ക​ണ്ണൂ​രി​ൽ യാ​ത്ര അ​വ​സാ​നി​പ്പി​ക്കു​ക. അ​തു​വ​രെ കൊ​തു​കു​ക​ടി​യും​കൊ​ണ്ട് സ്റ്റേ​ഷ​നു​ക​ളി​ൽ കാ​ത്തി​രി​പ്പ് ത​ന്നെ ര​ക്ഷ. ഏ​റെ​നേ​രം വൈ​കി ജി​ല്ല​യി​ലെ​ത്തു​മ്പോ​ഴേ​ക്കും ഉ​ൾ​നാ​ടു​ക​ളി​ലേ​ക്കു​ള്ള ബ​സു​ക​ളെ​ല്ലാം പോ​യി​ട്ടു​ണ്ടാ​വും. സ്റ്റേ​ഷ​നി​ൽ ട്രെ​യി​നെ​ത്തി​യാ​ൽ പി​ന്നെ ബ​സും ഓ​ട്ടോ​യും പി​ടി​ക്കാ​നു​ള്ള യാ​ത്ര​ക്കാ​രു​ടെ നെ​ട്ടോ​ട്ട​മാ​ണ്. ഓ​ടി​ക്കി​ത​ച്ച് റോ​ഡി​ലെ​ത്തു​മ്പോ​ഴേ​ക്കും ലൈ​ൻ ബ​സൊ​ക്കെ പോ​യി​ട്ടു​ണ്ടാ​വും. പി​ന്നെ കി​ട്ടു​ന്ന വ​ണ്ടി​ക്ക് വ​ലി​യ തു​ക ന​ൽ​കി വീ​ട​ണ​യ​ണം. കു​റ​ച്ചു​കാ​ല​മാ​യി രാ​ത്രി കോ​ഴി​ക്കോ​ട് ഭാ​ഗ​ത്തു​നി​ന്നും എ​ക്സി​ക്യൂ​ട്ടി​വ് എ​ക്സ്പ്ര​സി​ന് വ​രു​ന്ന​വ​രു​ടെ അ​വ​സ്ഥ​യാ​ണി​ത്.

വി​വി​ധ​യി​ട​ങ്ങ​ളി​ൽ ജോ​ലി​ചെ​യ്യു​ന്ന​വ​രും വി​ദ്യാ​ർ​ഥി​ക​ളും വ്യാ​പാ​രി​ക​ളും അ​ട​ക്കം നി​ര​വ​ധി പേ​രാ​ണ് ഈ ട്രെ​യി​നി​നെ ആ​ശ്ര​യി​ക്കു​ന്ന​ത്. 6.15ന് ​കോ​യ​മ്പ​ത്തൂ​ർ-​ക​ണ്ണൂ​ർ എ​ക്സ്പ്ര​സ് പോ​യാ​ൽപ്പി​ന്നെ വ​ട​ക്കോ​ട്ടേ​ക്കു​ള്ള യാ​ത്ര​ക്ക് എ​ക്സി​ക്യൂ​ട്ടി​വ് മാ​ത്ര​മാ​ണ് ആ​ശ്ര​യം. 12.50ന് ​ക​ണ്ണൂ​രി​ലെ​ത്തു​ന്ന ജ​ന​ശ​താ​ബ്ദി​യി​ൽ ജ​ന​റ​ൽ ടി​ക്ക​റ്റു​ക​ൾ ല​ഭ്യ​മ​ല്ല.

വ​​ന്ദേ​ഭാ​ര​തി​നാ​യി പി​ടി​ച്ചി​ട​ൽ

തി​രു​വ​ന​ന്ത​പു​രം-​കാ​സ​ർ​കോ​ട് വ​ന്ദേ​ഭാ​ര​ത് എ​ക്സ്പ്ര​സ് സ​ർ​വി​സ് തു​ട​ങ്ങി​യ​തോ​ടെ​യാ​ണ് ആ​ല​പ്പു​ഴ-​ക​ണ്ണൂ​ർ എ​ക്സി​ക്യൂ​ട്ടി​വ് എ​ക്സ്പ്ര​സി​ന് പി​ടി​വീ​ഴാ​ൻ തു​ട​ങ്ങി​യ​ത്. രാ​ത്രി 9.25നാ​ണ് വ​ന്ദേ​ഭാ​ര​ത് കോ​ഴി​ക്കോ​ട് എ​ത്തു​ക. ഇ​ത് വൈ​കു​ന്ന​തി​ന് അ​നു​സ​രി​ച്ച് എ​ക്സി​ക്യൂ​ട്ടി​വും വൈ​കും. ഈ ​വ​ണ്ടി ക​ട​ത്തി​വി​ടാ​നാ​യി എ​ക്സി​ക്യൂ​ട്ടി​വ് വി​വി​ധ സ്റ്റേ​ഷ​നു​ക​ളി​ൽ പി​ടി​ച്ചി​ടു​ക​യാ​ണ് പ​തി​വ്. വ​ന്ദേ​ഭാ​ര​ത് രാ​ത്രി 10.24ന് ​ക​ണ്ണൂ​രി​ലെ​ത്തി യാ​ത്ര​ക്കാ​ർ വീ​ട​ണ​ഞ്ഞാ​ലും എ​ക്സി​ക്യൂ​ട്ടി​വു​കാ​ർ സ്റ്റേ​ഷ​നി​ലും ട്രെ​യി​നി​ലും കാ​ത്തി​രി​പ്പ് തു​ട​രു​ക​യാ​വും. തി​ങ്ക​ൾ, ബു​ധ​ൻ ദി​വ​സ​ങ്ങ​ളി​ൽ ഓ​ടു​ന്ന പ്ര​ത്യേ​ക വ​ണ്ടി​ക​ൾ​ക്കുവേ​ണ്ടി​യും എ​ക്സി​ക്യൂ​ട്ടി​വ് എ​ക്സ്പ്ര​സി​നെ പി​ടി​ച്ചി​ടും. ചി​ല ദി​വ​സ​ങ്ങ​ളി​ൽ ര​ണ്ടും മൂ​ന്നും വ​ണ്ടി​ക​ൾ​ക്കാ​യി പി​ടി​ച്ചി​ട്ട് വ​ല​ഞ്ഞ യാ​ത്ര​ക്കാ​ർ വീ​ട്ടി​ലെ​ത്തു​മ്പോ​ഴേ​ക്കും മ​ണി​ക്കൂ​റു​ക​ൾ ക​ഴി​ഞ്ഞി​ട്ടു​ണ്ടാ​വും. ബു​ധ​നാ​ഴ്ച ഒ​ന്ന​ര​മ​ണി​ക്കൂ​റി​ലേ​റെ വൈ​കി​യാ​ണ് ക​ണ്ണൂ​ർ എ​ക്സി​ക്യൂ​ട്ടി​വ് കോ​ഴി​ക്കോ​ട് എ​ത്തി​യ​ത്. ഇ​തി​നി​ട​യി​ൽ വ​ന്ദേ​ഭാ​ര​ത് എ​ക്സ്പ്ര​സും ഹ​സ്ര​ത്ത് നി​സാ​മു​ദ്ദീ​ൻ സൂ​പ്പ​ർ​ഫാ​സ്റ്റും ക​ട​ന്നു​പോ​യി. വ​​ന്ദേ​ഭാ​ര​തി​നാ​യി ​ട്രെ​യി​നു​ക​ൾ അ​ന്യാ​യ​മാ​യി പി​ടി​ച്ചി​ടു​ന്നി​ല്ലെ​ന്നാ​ണ് റെ​യി​ൽ​വേ​യു​ടെ വാ​ദ​മെ​ങ്കി​ലും ഇ​ക്കാ​ര​ണ​ത്താ​ൽ മ​ണി​ക്കൂ​റു​ക​ളാ​ണ് ഓ​രോ വ​ണ്ടി​യും വൈ​കു​ന്ന​ത്.

ആ​ന​വ​ണ്ടി​യും പെ​ട്ടു

ക​ണ്ണൂ​രി​ൽ​നി​ന്ന് കാ​സ​ർ​കോ​ട് ഭാ​ഗ​ത്തേ​ക്ക് രാ​ത്രി 7.35ന് ​നേ​ത്രാ​വ​തി പോ​യാ​ൽ പി​ന്നെ വ​ണ്ടി​യി​ല്ല. സ്​​പെ​ഷ​ൽ ട്രെ​യി​നു​ക​ളെ​യും വ​ന്ദേ​ഭാ​ര​തി​നെ​യും എ​ല്ലാ വി​ഭാ​ഗം യാ​ത്ര​ക്കാ​ർ​ക്കും ആ​ശ്ര​യി​ക്കാ​നാ​വി​ല്ല. ക​ണ്ണൂ​ർ എ​ക്സി​ക്യൂ​ട്ടി​വ് എ​ക്സ്പ്ര​സ് ക​ണ്ണൂ​രി​ലെ​ത്തി​യാ​ൽ കാ​സ​ർ​കോ​ട് ഭാ​ഗ​ത്തേ​ക്കു​ള്ള യാ​ത്ര​ക്കാ​ർ​ക്കാ​യി കെ.​എ​സ്.​ആ​ർ.​ടി.​സി ബ​സ് സ​ർ​വി​സ് ന​ട​ത്തു​ന്നു​ണ്ട്. മു​മ്പ് 11നാ​യി​രു​ന്നു ഈ ​ബ​സ് പു​റ​പ്പെ​ട്ടി​രു​ന്ന​ത്. എ​ക്സി​ക്യൂ​ട്ടി​വ് വൈ​കാ​ൻ തു​ട​ങ്ങി​യ​തോ​ടെ കെ.​എ​സ്.​ആ​ർ.​ടി.​സി ബ​സും സ​മ​യ​ക്ര​മം മാ​റ്റി ഓ​ടു​ക​യാ​ണ്. മി​ക്ക​ദി​വ​സ​ങ്ങ​ളി​ലും ന​ല്ല​തി​ര​ക്കാ​വും ബ​സി​ൽ. ഇ​തി​ന് പു​റ​മെ 11.15നും ​പു​ല​ർ​ച്ച 1.15നു​മാ​ണ് കാ​സ​ർ​കോ​ട് ഭാ​ഗ​ത്തേ​ക്ക് കെ.​എ​സ്.​ആ​ർ.​ടി.​സി ബ​സ് സ​ർ​വി​സു​ള്ള​ത്.