ഏ​ഴി​ലോ​ട് ടാങ്കർ ലോറി അപകടത്തിൽ ഡ്രൈവര്‍ അറസ്റ്റിൽ

പ​യ്യ​ന്നൂ​ർ: ഏ​ഴി​ലോ​ട് പാ​ച​ക​വാ​ത​ക ബു​ള്ള​റ്റ് ടാ​ങ്ക​ര്‍ മ​റി​ഞ്ഞ സം​ഭ​വ​ത്തി​ൽ ഡ്രൈ​വ​ര്‍ അ​റ​സ്റ്റി​ൽ. വ​ണ്ടി ഓ​ടി​ച്ച ത​മി​ഴ്‌​നാ​ട് നാ​മ​ക്ക​ലി​ലെ മ​നു​വേ​ലി​നെ (40) ആ​ണ് പ​രി​യാ​രം പൊ​ലീ​സ് അ​റ​സ്റ്റ് ചെ​യ്ത​ത്. ഇ​യാ​ൾ മ​ദ്യ​പി​ച്ച​താ​യി ക​ണ്ടെ​ത്തി​യ​തി​നെ തു​ട​ർ​ന്നാ​ണ് ന​ട​പ​ടി.

ചൊ​വ്വാ​ഴ്ച രാ​ത്രി 8.15നാ​ണ് ദേ​ശീ​യ​പാ​ത​യി​ല്‍ ഏ​ഴി​ലോ​ട് ച​ക്ലി​യ കോ​ള​നി സ്‌​റ്റോ​പ്പി​ല്‍ ഗ്യാ​സ് ടാ​ങ്ക​ര്‍ ലോ​റി കു​ഴി​യി​ലേ​ക്ക് മ​റി​ഞ്ഞ​ത്. ദേ​ശീ​യ​പാ​ത ഇ​ര​ട്ടി​പ്പി​ക്ക​ല്‍ പ്ര​വൃ​ത്തി​ക്കാ​യി കു​ഴി​ച്ച വ​ന്‍കു​ഴി​യി​ലേ​ക്കാ​ണ് ടാ​ങ്ക​ര്‍ തെ​ന്നി​വീ​ണ​ത്. മം​ഗ​ളൂ​രു​വി​ൽ​നി​ന്ന് കോ​ഴി​ക്കോ​ട്ടേ​ക്ക് ഇ​ന്ത്യ​ന്‍ എ​ല്‍.​പി ഗ്യാ​സു​മാ​യി പോ​കു​ക​യാ​യി​രു​ന്നു ടാ​ങ്ക​ര്‍ ലോ​റി. എ​തി​രെ​വ​ന്ന വാ​ഹ​ന​ത്തി​ന്റെ ഹെ​ഡ് ലൈ​റ്റ് കാ​ര​ണം മു​ന്‍വ​ശം തെ​ളി​യാ​തെ അ​രി​കി​ലേ​ക്ക് എ​ടു​ത്ത​പ്പോ​ള്‍ മ​റി​യു​ക​യാ​യി​രു​ന്നു​വെ​ന്നാ​ണ് അ​പ​ക​ട​ത്തി​ല്‍നി​ന്ന് ര​ക്ഷ​പ്പെ​ട്ട ലോ​റി ഡ്രൈ​വ​ര്‍ നാ​ട്ടു​കാ​രോ​ടും പൊ​ലീ​സി​നോ​ടും പ​റ​ഞ്ഞ​ത്. എ​ന്നാ​ല്‍, മ​ദ്യ​ത്തി​ന്റെ ഗ​ന്ധം അ​നു​ഭ​വ​പ്പെ​ട്ട​തി​നെ തു​ട​ര്‍ന്ന് നാ​ട്ടു​കാ​ര്‍ ആ​വ​ശ്യ​പ്പെ​ട്ട​പ്ര​കാ​ര​മാ​ണ് പൊ​ലീ​സ് ഡ്രൈ​വ​റെ ക​സ്റ്റ​ഡി​യി​ലെ​ടു​ത്ത​ത്. മെ​ഡി​ക്ക​ല്‍ പ​രി​ശോ​ധ​ന​യി​ല്‍ ഇ​യാ​ള്‍ മ​ദ്യ​പി​ച്ച​താ​യി തെ​ളി​യു​ക​യും ചെ​യ്തു.

മ​ദ്യ​പി​ച്ച് മം​ഗ​ളൂ​രു​വി​ൽ​നി​ന്ന് ദേ​ശീ​യ​പാ​ത​യി​ലൂ​ടെ ഏ​ഴി​ലോ​ട് വ​രെ ഇ​യാ​ള്‍ ലോ​റി ഓ​ടി​ച്ചെ​ത്തി​യെ​ങ്കി​ലും എ​വി​ടെ​യും ഒ​രു​വി​ധ പ​രി​ശോ​ധ​ന​യും ഉ​ണ്ടാ​യി​ല്ല. മ​ണി​ക്കൂ​റു​ക​ളോ​ളം ഒ​രു പ്ര​ദേ​ശ​ത്തെ ജ​ന​ജീ​വി​ത​ത്തെ ബാ​ധി​ക്കു​ന്ന വി​ധ​ത്തി​ല്‍ അ​പ​ക​ടം സൃ​ഷ്ടി​ക്കാ​ന്‍ കാ​ര​ണ​ക്കാ​ര​നാ​യ ഇ​യാ​ള്‍ക്കെ​തി​രെ കൂ​ടു​ത​ല്‍ ക​ര്‍ശ​ന​മാ​യ വ​കു​പ്പു​ക​ള്‍ ചേ​ര്‍ത്ത് കേ​സെ​ടു​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ടു​ന്നു.