ഡബിൾ ഡെക്കറെത്തി, ഇനി ഓളങ്ങളിൽ സുഖയാത്ര

അ​ഴീ​ക്ക​ൽ: ഏ​റെ പ്ര​തീ​ക്ഷ​യോ​ടെ കാ​ത്തി​രു​ന്ന ഡ​ബി​ൾ ഡെ​ക്ക​ർ ബോ​ട്ട് അ​ഴീ​ക്ക​ലി​ലെ ബോ​ട്ടു പാ​ല​ത്തെ​ത്തി. ക​ട​ലി​ലെ ഓ​ള​ങ്ങ​ളും വേ​ലി​യേ​റ്റ​വും ക​ണ​ക്കി​ലെ​ടു​ത്ത് പ​രീ​ക്ഷ​ണ യാ​ത്ര ന​ട​ത്തി​യ​തി​നു​ശേ​ഷ​മാ​ണ് ബോ​ട്ട് പു​റ​പ്പെ​ട്ട​ത്. തി​ങ്ക​ളാ​ഴ്ച ട്ര​യ​ല്‍ റ​ണ്‍ ന​ട​ത്തും. ഇ​തോ​ടെ ബോ​ട്ടു ത​ക​രാ​ർ കാ​ര​ണം മു​ട​ങ്ങി​പ്പോ​യ പ​റ​ശ്ശി​നി​ക്ക​ട​വ്-​മാ​ട്ടൂ​ൽ ബോ​ട്ട് സ​ർ​വി​സ് പു​ന​രാ​രം​ഭി​ക്കാ​ൻ ന​ട​പ​ടി​യാ​യി.

2022 ഡി​സം​ബ​റി​ലാ​ണ് ഈ ​റൂ​ട്ടി​ൽ ബോ​ട്ട് സ​ർ​വി​സ് നി​ർ​ത്തി​യ​ത്. ആ​ല​പ്പു​ഴ​യി​ൽ നി​ന്നും ല​ക്ഷ​ക്ക​ണ​ക്കി​ന് രൂ​പ വി​ല​മ​തി​ക്കു​ന്ന പു​തി​യ എ​ൻ​ജി​നെ​ത്തി​ച്ച് പ​ഴ​യ​തി​ൽ സ്ഥാ​പി​ച്ചെ​ങ്കി​ലും ഉ​പ്പു​വെ​ള്ള​ത്തി​ൽ ഓ​ടു​ന്ന ബോ​ട്ടാ​യ​തി​നാ​ൽ അ​ടി​ഭാ​ഗ​ത്തും കേ​ടു​പാ​ടു​ക​ൾ വ​ന്നു. അ​വ ന​വീ​ക​രി​ച്ച് പ്ര​വ​ർ​ത്ത​ന​യോ​ഗ്യ​മാ​ക്ക​ണ​മെ​ങ്കി​ൽ വ​ൻ​തു​ക വീ​ണ്ടും ചെ​ല​വാ​ക്കേ​ണ്ടി​വ​രും. കൂ​ടാ​തെ സാ​ങ്കേ​തി​ക കാ​ര​ണ​ങ്ങ​ളാ​ല​ട​ക്കം മാ​സ​ങ്ങ​ളു​ടെ സ​മ​യ​മെ​ടു​ക്കും.

നി​ല​വി​ലു​ള്ള സ​ർ​വി​സ് അ​ധി​കം വൈ​കി​ക്കാ​തെ കൊ​ണ്ടു​പോ​ക​ണ​മെ​ന്നു​ള്ള താ​ൽ​പ​ര്യം ക​ണ​ക്കി​ലെ​ടു​ത്താ​ണ് ജ​ല​ഗ​താ​ഗ​ത​വ​കു​പ്പ് പു​തി​യ ബോ​ട്ട് ആ​ല​പ്പു​ഴ​യി​ൽ നി​ന്നും എ​ത്തി​ച്ച​ത്. ക​ട​ലി​ലെ ഓ​ള​ങ്ങ​ൾ കാ​ര​ണം ശ​നി​യാ​ഴ്ച ബേ​പ്പൂ​ർ ക​ട​പ്പു​റ​ത്ത് നി​ർ​ത്തി​യി​ടേ​ണ്ടി വ​ന്ന ബോ​ട്ട് ഞാ​യ​റാ​ഴ്ച രാ​വി​ലെ​യാ​ണ് അ​ഴീ​ക്കലിലേക്ക് പു​റ​പ്പെ​ട്ട​ത്.

എ​ത്തി​ച്ച​ത് എസ്. 26 അ​പ്പ​ർ ഡെ​ക്ക് ബോ​ട്ട്

കൂ​ടു​ത​ൽ സൗ​ക​ര്യ​ങ്ങ​ളു​ള്ള എസ്. 26 അ​പ്പ​ർ ഡെ​ക്ക് ബോ​ട്ടാ​ണ് അ​ഴീ​ക്ക​ലി​ലെ​ത്തി​ച്ച​ത്. പ​റ​ശ്ശി​നി​ക്ക​ട​വ്-​മാ​ട്ടൂ​ൽ റൂ​ട്ടി​ലെ വി​നോ​ദസ​ഞ്ചാ​ര സാ​ധ്യ​ത​ക​ൾകൂ​ടി​ ക​ണ​ക്കി​ലെ​ടു​ത്ത് ഉ​ൾ​ഭാ​ഗ​ത്തും മു​ക​ൾ​ത്ത​ട്ടി​ലും യാ​ത്ര ചെ​യ്യാ​ൻ സാ​ധി​ക്കു​ന്ന ഡെക്ക​ർ ബോ​ട്ടാ​ണ് എ​ത്തി​യി​രി​ക്കു​ന്ന​ത്‌. ജ​ല​ഗ​താ​ഗ​ത വ​കു​പ്പി​ന്റെ ന​ട​പ​ടി​ക്ര​മ​ങ്ങ​ളെ​ല്ലാം പൂ​ർ​ത്തി​യാ​ക്കി. മു​ക​ൾ ത​ട്ടി​ൽ 18 പേ​ർ​ക്കും ഉ​ൾ​ഭാ​ഗ​ത്ത് 60 പേ​ർ​ക്കും യാ​ത്ര ചെ​യ്യാ​ൻ സൗ​ക​ര്യ​മു​ണ്ട്. ഏ​പ്രി​ൽ അ​ഞ്ചി​ന് സ​ർ​വി​സ് പു​ന​രാ​രം​ഭി​ക്കാ​നു​ള്ള ഒ​രു​ക്ക​ത്തി​ലാ​ണ്. സ​ർ​വി​സ് പു​ന​രാ​രം​ഭി​ച്ചാ​ൽ രാ​വി​ലെ 9.30ന് ​പ​റ​ശ്ശി​നി​ക്ക​ട​വി​ൽ നി​ന്ന് പു​റ​പ്പെ​ട്ട് പാ​മ്പു​രു​ത്തി, നാ​റാ​ത്ത്, പാ​പ്പി​നി​ശ്ശേ​രി, പാ​റ​ക്ക​ൽ, മാ​ങ്ക​ട​വ് വ​ള​പ​ട്ട​ണം, അ​ഴീ​ക്ക​ൽ എ​ന്നി​വി​ട​ങ്ങ​ളി​ലെ ബോ​ട്ട് ജെ​ട്ടി​ക​ളു​മാ​യി ബ​ന്ധി​ച്ച് ഒ​ന്ന​ര മ​ണി​ക്കൂ​റി​ന​കം മാ​ട്ടൂ​ൽ സൗ​ത്ത് ബോ​ട്ട് ജെ​ട്ടി​യി​ലെ​ത്തും. തി​രി​കെ​യു​ള്ള യാ​ത്ര 11.45നാ​ണ്. 1.15 ന് ​പ​റ​ശ്ശി​നി​ക്ക​ട​വി​ലെ​ത്തു​ന്ന ബോ​ട്ട് തി​രി​കെ വ​ള​പ​ട്ട​ണ​ത്തേ​ക്കാ​ണ് പോ​വു​ക.

മാ​ട്ടൂ​ൽ-​പ​റ​ശ്ശി​നി​ക്ക​ട​വ് യാ​ത്ര​ക്ക് പു​റ​മെ ഇ​തേ ബോ​ട്ടി​ൽ രാ​വി​ലെ 6.30 മു​ത​ൽ 9.30 വ​രെ​യും വൈ​കീ​ട്ട് നാ​ലു മു​ത​ൽ ഏ​ഴു വ​രെ​യും പ​റ​ശ്ശി​നി​ക്ക​ട​വ് കേ​ന്ദ്രീ​ക​രി​ച്ച് ഉ​ല്ലാ​സ​യാ​ത്ര​യും ന​ട​ത്താ​നു​ള്ള ഒ​രു​ക്ക​ത്തി​ലാ​ണ്. അ​രമ​ണി​ക്കൂ​ർ ഇ​ട​വേ​ള​ക​ളി​ലാ​ണ് സ​ർ​വി​സ് ന​ട​ത്തു​ക. അ​വ​ധി​ക്കാ​ല​മാ​യ​തി​നാ​ൽ ഇ​ത്ത​രം ഉ​ല്ലാ​സ​യാ​ത്ര വി​ജ​യ​ക​ര​മാ​യി​രി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. 20 രൂ​പ​ക്ക് അ​ര മ​ണി​ക്കൂ​ർ ഉ​ല്ലാ​സ​യാ​ത്ര ചെ​യ്യാ​നു​ള്ള സൗ​ക​ര്യ​മൊ​രു​ക്കും. വ​ള​പ​ട്ട​ണം റെ​യി​ൽ​വേ പാ​ല​ത്തി​ന് ഉ​യ​രം കു​റ​വാ​യ​തി​നാ​ലാ​ണ് മേ​ൽ​ക്കൂ​ര​യി​ല്ലാ​ത്ത ബോ​ട്ട് ത​യാ​റാ​ക്കി​യ​തെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. പ​റ​ശ്ശിനി​ക്ക​ട​വ്-​വ​ള​പ​ട്ട​ണം റൂ​ട്ടി​ൽ സ​ർ​വി​സ് ന​ട​ത്തു​ന്ന​തി​ന് ജ​ല​ഗ​താ​ഗ​ത​വ​കു​പ്പി​ന്റെ വേ​ഗ സീ​രീ​സി​ലു​ള്ള ബോ​ട്ടി​ന്റെ നി​ർ​മാ​ണം സ​ർ​ക്കാ​റി​ന്റെ അ​നു​മ​തി ല​ഭി​ച്ചാ​ൽ ഉ​ട​ൻ ആ​രം​ഭി​ക്കും.

120 പേ​ർ​ക്ക് യാ​ത്ര ചെ​യ്യാ​ൻ പാ​ക​ത്തി​ലാ​ണ് നി​ർ​മി​ക്കു​ക. ഇ​തി​ൽ 40 പേ​ർ​ക്കി​രി​ക്കാ​നു​ള്ള ഭാ​ഗം ശീ​തി​ക​രി​ച്ച​താ​യി​രി​ക്കും. കൂ​ടാ​തെ 80 പേ​ർ​ക്കു​കൂ​ടി ഇ​രു​ന്ന് യാ​ത്ര ചെ​യ്യാ​നു​ള്ള സൗ​ക​ര്യ​വും ഒ​രു​ക്കും.