പുഴയാണ്, ജീവനാണ് കൊല്ലരുത്; പഴയങ്ങാടിയിൽ പുഴ മണ്ണിട്ടുനികത്തൽ തകൃതി

പ​ഴ​യ​ങ്ങാ​ടി: ടൂ​റി​സം വി​ക​സ​ന​ത്തി​ന്റെ പേ​രി​ൽ പ​ഴ​യ​ങ്ങാ​ടി മു​ട്ടു​ക​ണ്ടി പു​ഴ മ​ണ്ണി​ട്ടുനി​ക​ത്തു​ന്ന​തി​നെ​തി​രെ നാ​ട്ടു​കാ​രു​ടെ വ്യാ​പ​ക പ്ര​തി​ഷേ​ധം. വ​ള്ളം​ക​ളി കാ​ഴ്ച​ക്കാ​യി ഗാ​ല​റി നി​ർ​മാ​ണ​ത്തി​നും ടൂ​റി​സം വി​ക​സ​നം ല​ക്ഷ്യ​മി​ട്ടും 2.87 കോ​ടി രൂ​പ ചെ​ല​വ​ഴി​ച്ചാ​ണ് ഇ​വി​ടെ പ​ദ്ധ​തി ന​ട​പ്പാ​ക്കു​ന്ന​ത്.

ക​ഴി​ഞ്ഞ​യാ​ഴ്ച രാ​ത്രി ടി​പ്പ​ർ ലോ​റി​യി​ൽ മ​ണ്ണ് ക​ട​ത്തി പു​ഴ നി​ക​ത്തു​ന്ന​ത് നാ​ട്ടു​കാ​ർ സം​ഘ​ടി​ച്ച് ത​ട​ഞ്ഞി​രു​ന്നു. തു​ട​ർ​ന്ന് മ​ണ്ണി​ട്ടു നി​ക​ത്തു​ന്ന​ത് താ​ൽ​ക്കാ​ലി​ക​മാ​യി നി​ർ​ത്തി​യി​രു​ന്നു. മ​ല​ബാ​ർ റി​വ​ർ ക്രൂ​സ് ടൂ​റി​സം പ​ദ്ധ​തി മേ​ഖ​ല​കൂ​ടി​യാ​ണി​ത്. എ​ന്നാ​ൽ, ചൊ​വ്വാ​ഴ്ച രാ​വി​ലെ വീ​ണ്ടും മ​ണ്ണി​ട്ട് തു​ട​ങ്ങി​യ​തോ​ടെ നാ​ട്ടു​കാ​ർ രം​ഗ​ത്തെ​ത്തി പ്ര​തി​ഷേ​ധിച്ചു. എ​ന്നാ​ൽ, ചൊ​വ്വാ​ഴ്ച രാ​ത്രി​യി​ലും നി​ക​ത്ത​ൽ തു​ട​ർ​ന്നു.

പ​ഴ​യ​ങ്ങാ​ടി പു​ഴ മ​ണ്ണിട്ടുനിക​ത്തി ദ​ലി​ത​രു​ടെ ചെ​മ്മീ​ൻ ത​പ്പി​പ്പി​ടി​ച്ചു​ള്ള ഉ​പ​ജീ​വ​ന​വും മ​റ്റി​ത​ര മ​ത്സ്യ​ത്തൊ​ഴി​ലാ​ളി​ക​ളു​ടെ തൊ​ഴി​ലി​ട​ങ്ങ​ളും ഇ​ല്ലാ​താ​ക്കി​യും പ​രി​സ്ഥി​തി പ്രാ​ധാ​ന്യ​മു​ള്ള ക​ണ്ട​ൽ​ക്കാ​ടു​ക​ൾ വെ​ട്ടി​ന​ശി​പ്പി​ച്ചു​മു​ള്ള ടൂ​റി​സം പ​ദ്ധ​തി ഉ​പേ​ക്ഷി​ക്ക​ണ​മെ​ന്ന് ആ​ദി​വാ​സി ദ​ലി​ത് മു​ന്നേ​റ്റ സ​മി​തി സം​സ്ഥാ​ന പ്ര​സി​ഡ​ന്റ് ശ്രീ​രാ​മ​ൻ കൊ​യ്യോ​ൻ ആ​വ​ശ്യ​പ്പെ​ട്ടു. പു​ഴ നി​ക​ത്തു​ന്ന​തി​നെ​തി​രെ ഏ​ഴോം ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​ക്ക് പ​രാ​തി ന​ൽ​കി​യ​താ​യി അ​ദ്ദേ​ഹം പ​റ​ഞ്ഞു. പ്ര​ശ്ന​ത്തി​ലി​ട​പെ​ടാ​ൻ ക​ണ്ണൂ​ർ ജി​ല്ല ക​ല​ക്ട​ർ​ക്ക് പ​രി​സ്ഥി​തി​പ്ര​വ​ർ​ത്ത​ക​രും പ​രാ​തി ന​ൽ​കു​മെ​ന്ന​റി​യി​ച്ചു.