ക്രിമിനൽ സംഘങ്ങൾ വിലസുന്നു

ക​ണ്ണൂ​ർ: രാ​വും പ​ക​ലും വ്യ​ത്യാ​സ​മി​ല്ലാ​തെ ന​ഗ​ര​ത്തി​ൽ ക്രി​മി​ന​ൽ സം​ഘ​ങ്ങ​ൾ വി​ല​സു​ന്നു. ക​ണ്ണൂ​രി​ന്റെ ഹൃ​ദ​യ​ഭാ​ഗ​മാ​യ പ​ഴ​യ സ്റ്റാ​ൻഡിൽ സ്റ്റേ​ഡി​യം പ​രി​സ​ര​ത്ത് മോ​ഷ​ണ​ശ്ര​മം ത​ട​യു​ന്ന​തി​നി​ടെ ലോ​റി ഡ്രൈ​വ​ർ ക​ണി​ച്ചാ​ര്‍ പൂ​ള​ക്കു​റ്റി സ്വ​ദേ​ശി വി.​ഡി. ജി​ന്‍റോ (39) കൊ​ല്ല​പ്പെ​ട്ട വാ​ർ​ത്ത ഞെ​ട്ട​ലോ​ടെ​യാ​ണ് നാ​ട​റി​ഞ്ഞ​ത്.

സം​ഭ​വ​ത്തി​ൽ പൊ​ലീ​സ് അ​റ​സ്റ്റ് ചെ​യ്ത പ്ര​തി​ക​ൾ കു​റ്റ്യാ​ടി സ്വ​ദേ​ശി അ​ൽ​ത്താ​ഫും ക​തി​രൂ​ർ വേ​റ്റു​മ്മ​ൽ സ്വ​ദേ​ശി ഷ​ബീ​റും സ്ഥി​രം കു​റ്റ​വാ​ളി​ക​ളാ​ണ്. എ​ട്ടി​ല​ധി​കം കേ​സു​ക​ളി​ൽ പ്ര​തി​യാ​യ അ​ൽ​ത്താ​ഫ് നാ​ലു​മാ​സം മു​മ്പാ​ണ് ക​ണ്ണൂ​ർ സെ​ൻ​ട്ര​ൽ ജ​യി​ലി​ൽ​നി​ന്ന് ഇ​റ​ങ്ങി​യ​ത്. ഞാ​യ​റാ​ഴ്ച ക​ണ്ണൂ​രി​ലെ​ത്തി​യ പ്ര​തി​ക​ൾ പി​ടി​ച്ചു​പ​റി ആ​സൂ​ത്ര​ണം ചെ​യ്താ​ണ് സ്റ്റേ​ഡി​യ​ത്തി​ന് സ​മീ​പം നി​ർ​ത്തി​യി​ട്ട ലോ​റി​യി​ലെ​ത്തി​യ​ത്.

വാ​തി​ൽ തു​റ​ന്ന് ക​വ​ർ​ച്ച ന​ട​ത്തു​ന്ന​തി​നി​ടെ പ്ര​തി​രോ​ധി​ച്ച ജി​ന്റോ​യെ കാ​ലി​ൽ ക​ത്തി​കൊ​ണ്ട് കു​ത്തി വീ​ഴ്ത്തു​ക​യാ​യി​രു​ന്നു. രാ​ത്രി​യി​ൽ ന​ഗ​രം ക്രി​മി​ന​ലു​ക​ളു​ടെ പി​ടി​യി​ലാ​ണെ​ന്ന ആ​രോ​പ​ണം ശ​ക്ത​മാ​വു​ക​യാ​ണ്.​ റെ​യി​ൽ​വേ സ്റ്റേ​ഷ​നി​ൽ നി​ർ​ത്തി​യി​ട്ട ക​ണ്ണൂ​ർ -ആ​ല​പ്പു​ഴ എ​ക്സി​ക്യൂ​ട്ടിവ് എ​ക്സ്പ്ര​സി​ന്റെ കോ​ച്ച് ക​ത്തി​ച്ച​ത് ജൂ​ൺ ഒ​ന്നി​ന് പു​ല​ർ​ച്ച​യാ​ണ്.

വി​വി​ധ കേ​സു​ക​ളി​ൽ പ്ര​തി​ക​ളാ​യ ക്രി​മി​ന​ലു​ക​ൾ രാ​ത്രി സം​ഘ​ടി​ച്ചെ​ത്തി മോ​ഷ​ണ​വും പി​ടി​ച്ചു​പ​റി​യും അ​ട​ക്ക​മു​ള്ള കു​റ്റ​കൃ​ത്യ​ങ്ങ​ളി​ൽ ഏ​ർ​പ്പെ​ടു​ക​യാ​ണ്. പൊ​ലീ​സ് പ​രി​ശോ​ധ​ന കാ​ര്യ​ക്ഷ​മ​മ​ല്ലെ​ന്ന് പ​രാ​തി​യു​ണ്ട്. നാ​ല് മാ​സ​ത്തി​നി​ടെ യാ​ത്ര​ക്കാ​രെ​യും വ്യാ​പാ​രി​ക​ളെ​യും ആ​ക്ര​മി​ക്കു​ക​യും മോ​ഷ​ണം ന​ട​ത്തു​ക​യും ചെ​യ്ത നി​ര​വ​ധി സം​ഭ​വ​ങ്ങ​ളു​ണ്ടാ​യി.

ക​ണ്ണൂ​ർ ന​ഗ​ര​ത്തി​ലെ വ്യ​വ​സാ​യി​യും ബി​ൽ​ഡ​റു​മാ​യ ഉ​മ്മ​ർ​ക്കു​ട്ടി​യെ ഓ​ഫി​സി​ൽ ക​യ​റി മു​ള​ക് പൊ​ടി ക​ണ്ണി​ലെ​റി​ഞ്ഞ് ആക്ര​മി​ച്ച് ഫോ​ൺ ക​വ​ർ​ന്ന​ത് ഈ ​മാ​സം ആ​റി​നാ​ണ്.

ത​മി​ഴ​നാ​ട് പൊ​ള്ളാ​ച്ചി മ​ഹാ​ലിം​ഗ​പു​ര​ത്ത് കൊ​ല​പാ​ത​ക കേ​സി​ൽ പ്ര​തി​ക​ളാ​യ ദ​മ്പ​തി​ക​ളെ ക​ണ്ണൂ​ർ ന​ഗ​ര​ത്തി​ൽ​വെ​ച്ച് പി​ടി​കൂ​ടി​യ​ത് ഈ ​മാ​സം നാ​ലി​ന്. സ​ദാ​ചാ​ര പൊ​ലീ​സ് ച​മ​ഞ്ഞും ഭീ​ഷ​ണി​പ്പെ​ടു​ത്തി​യും ഫോ​ണും പ​ണ​വും കൈ​ക്ക​ലാ​ക്കു​ന്ന സം​ഘ​വും സ​ജീ​വ​മാ​ണ്. ക​ണ്ണൂ​ർ പ​ള്ളി​ക്കു​ന്നി​ൽ സ​ദാ​ചാ​ര പൊ​ലീ​സ് ച​മ​ഞ്ഞ ക്രി​മി​ന​ൽ സം​ഘം അ​റ​സ്റ്റി​ലാ​യ​ത് ക​ഴി​ഞ്ഞ​മാ​സ​മാ​ണ്.

ന​ഗ​ര​ത്തി​ൽ തെ​രു​വു​വി​ള​ക്കു​ക​ൾ ഇ​ല്ലാ​ത്ത മേ​ഖ​ല​ക​ൾ കേ​ന്ദ്രീ​ക​രി​ച്ചാ​ണ് ക്രി​മി​ന​ൽ സം​ഘ​ത്തി​ന്റെ പ്ര​വ​ർ​ത്ത​നം. മ​യ​ക്കു​മ​രു​ന്ന് മാ​ഫി​യ​യും സ​ജീ​വ​മാ​ണ്. എ​തി​ർ​ക്കു​ന്ന​വ​രെ​യും ചോ​ദ്യം ചെ​യ്യു​ന്ന​വ​രെ​യും അ​ക്ര​മി​ക്കു​ന്ന​താ​ണ് രീ​തി. ക​ഴി​ഞ്ഞ​വ​ർ​ഷം ക​ണ്ണൂ​രി​ല്‍ ഹോ​ട്ട​ല്‍ ഉ​ട​മ കു​ത്തേ​റ്റ് മ​രി​ച്ച​തി​ൽ അ​റ​സ്റ്റി​ലാ​യ​ത് മ​യ​ക്കു​മ​രു​ന്ന് മാ​ഫി​യ​യു​മാ​യി ബ​ന്ധ​മു​ള്ള​വ​രാ​ണ്.

നി​ര​വ​ധി കേ​സു​ക​ളി​ൽ പ്ര​തി​ക​ളാ​യ​വ​രും ശി​ക്ഷ അ​നു​ഭ​വി​ച്ച​വ​രു​മാ​ണ് ക്രി​മി​ന​ൽ, മ​യ​ക്കു​മ​രു​ന്ന് സം​ഘ​ങ്ങ​ളെ ന​യി​ക്കു​ന്ന​ത്. ലോ​റി ഡ്രൈ​വ​ർ ജി​ന്റോ​യെ കൊ​ല​പ്പെ​ടു​ത്തി​യ കേ​സി​ൽ അ​റ​സ്റ്റി​ലാ​യ​വ​ർ കോ​ഴി​ക്കോ​ട്, ക​ണ്ണൂ​ർ, കാ​സ​ർ​കോ​ട് ജി​ല്ല​ക​ളി​ൽ വ​ധ​ശ്ര​മം, മോ​ഷ​ണം അ​ട​ക്കം വി​വി​ധ കേ​സു​ക​ളി​ൽ പ്ര​തി​ക​ളാ​ണ്.