ക​ണ്ണൂ​ർ കോ​ർ​പ​റേ​ഷ​ൻ; മേയറൊഴിഞ്ഞിട്ടും ഒഴിയാതെ വിവാദങ്ങൾ

ക​ണ്ണൂ​ർ: കോ​ർ​പ​റേ​ഷ​നി​ൽ മേ​യ​ർ സ്ഥാ​ന കൈ​മാ​റ്റ​ത്തി​നി​ടെ​യും ആ​രോ​പ​ണ പ്ര​ത്യാ​രോ​പ​ണ​ങ്ങ​ളു​മാ​യി മു​ന്ന​ണി​ക​ൾ. സ്ഥാ​ന​മൊ​ഴി​ഞ്ഞ മേ​യ​ർ​ക്കെ​തി​രെ അ​ഴി​മ​തി ആ​രോ​പ​ണ​വു​മാ​യി സി.​പി.​എം ജി​ല്ല സെ​ക്ര​ട്ട​റി എം.​വി. ജ​യ​രാ​ജ​നും മ​റു​പ​ടി​യു​മാ​യി അ​ഡ്വ. ടി.​ഒ. മോ​ഹ​ന​നും രം​ഗ​ത്തെ​ത്തി. എ​ന്നാ​ൽ, കോ​ൺ​ഗ്ര​സി​ൽ വി​മ​ത​നാ​യി നി​ൽ​ക്കു​ന്ന വി​ക​സ​ന കാ​ര്യ സ്റ്റാ​ൻഡിങ് ക​മ്മി​റ്റി ചെ​യ​ർ​മാ​ൻ പി.​കെ. രാ​ഗേ​ഷി​ന്റെ ആ​രോ​പ​ണ​ങ്ങ​ൾ ഏ​റ്റു​പി​ടി​ക്കു​ക മാ​ത്ര​മാ​ണ് ജ​യ​രാ​ജ​ൻ ചെ​യ്ത​തെ​ന്ന് ടി.​ഒ. മോ​ഹ​ന​ൻ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.

55 കൗ​ൺ​സി​ല​ർ​മാ​രി​ൽ ഇ​ട​തു​പ​ക്ഷ​ത്തെ​യ​ട​ക്കം 54 പേ​രും ഒ​റ്റ​ക്കെ​ട്ടാ​യി എ​ടു​ക്കു​ന്ന തീ​രു​മാ​ന​ത്തെ ഏ​കാ​ധി​പ​ത്യ​മെ​ന്ന് വി​ളി​ക്കു​ന്ന വി​മ​ത​ന്റെ നാ​വാ​യി സി.​പി.​എം പോ​ലു​ള്ള പ്ര​സ്ഥാ​നം മാ​റു​ന്ന​ത് ശ​രി​യാ​ണോ​യെ​ന്ന് അ​വ​ർ ആ​ലോ​ചി​ക്ക​ണ​മെ​ന്നും ​മേ​യ​റു​ടെ ചു​മ​ത​ല വ​ഹി​ക്കു​ന്ന ഡെ​പ്യൂ​ട്ടി മേ​യ​ർ കെ. ​ഷ​ബീ​ന​ക്കൊ​പ്പം ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ൽ മോ​ഹ​ന​ൻ പ​റ​ഞ്ഞു.

എം.​വി. ജ​യ​രാ​ജ​ൻ ഉ​ന്ന​യി​ച്ച ആ​രോ​പ​ണ​ങ്ങ​ളും മു​ൻ മേ​യ​റു​ടെ മ​റു​പ​ടി​യും സ​ർ​ക്കാ​ർ ഫ​ണ്ടു​ക​ൾ ലാ​പ്സാ​ക്കി. പൂ​ർ​ത്തി​യാ​ക്കാ​ത്ത പ​ദ്ധ​തി​ക​ളു​ടെ ഉ​ദ്ഘാ​ട​ന​ങ്ങ​ൾ ന​ട​ത്തി.

മ​റു​പ​ടി: കു​റ്റ​പ്പെ​ടു​ത്തേ​ണ്ട​ത് സം​സ്ഥാ​ന സ​ർ​ക്കാ​റി​നെ​യാ​ണ്. ഭ​വ​ന നി​ർ​മാ​ണം, പൊ​തു​മ​രാ​മ​ത്ത് പ്ര​വ​ൃത്തി​ക​ൾ, ക്ഷേ​മ പ്ര​വ​ർ​ത്ത​ന​ങ്ങ​ൾ തു​ട​ങ്ങി കോ​ർ​പ​റേ​ഷ​ന്റെ കോ​ടി​ക്ക​ണ​ക്കി​ന് രൂ​പ​യു​ടെ ബി​ല്ലു​ക​ളാ​ണ് ട്ര​ഷ​റി​യി​ൽ മാ​റാ​തെ കി​ട​ക്കു​ന്ന​ത്. മ​ഞ്ച​പ്പാ​ലം മ​ലി​ന​ജ​ല ശു​ദ്ധീ​ക​ര​ണ പ്ലാ​ന്റി​ലേ​ക്ക് 10 വ​ൻ​കി​ട സ്ഥാ​പ​ന​ങ്ങ​ളി​ലേ​ക്ക് മാ​ത്ര​മാ​ണ് പൈ​പ്പ് ക​ണ​ക്ഷ​ൻ ന​ൽ​കി​യ​ത്.

മ​റു​പ​ടി: വ്യാ​പാ​ര സ്ഥാ​പ​ന​ങ്ങ​ൾ അ​വ​രു​ടെ സ്വ​ന്തം ചെ​ല​വി​ലാ​ണ് ക​ണ​ക്ഷ​നെ​ടു​ത്ത്. വീ​ടു​ക​ൾ​ക്ക് സൗ​ജ​ന്യ ക​ണ​ക്ഷ​ൻ ന​ൽ​കു​ന്ന​തി​ന് മൂ​ന്ന​രക്കോ​ടി രൂ​പ​യു​ടെ പ​ദ്ധ​തി​ക്ക് അം​ഗീ​കാ​രം ല​ഭി​ച്ചി​ട്ടു​ണ്ട്. ഉ​ട​ൻ ഇ​ത് ന​ൽ​കും. ചേ​ലോ​റ ഖ​ര​മാ​ലി​ന്യ പ്ലാ​ന്റി​ൽ മാ​ലി​ന്യം നീ​ക്കം ചെ​യ്യു​ന്ന​തി​ന് 600 കോ​ടി രൂ​പ​യാ​ണ് മൊ​ത്തം ചെ​ല​വ്. ആ​ദ്യ ക​രാ​റു​കാ​ര​നെ നീ​ക്കി കോ​ർ​പ​റേ​ഷ​നാ​ണ് ര​ണ്ടാ​മ​ത്തെ ക​രാ​റു​കാ​ര​നെ നി​യ​മി​ച്ച​ത്. മാ​ലി​ന്യ​നീ​ക്കം ന​ട​ക്കു​ന്നി​ല്ല. പ്ലാ​സ്റ്റി​ക് അ​ട​ക്കം കൂ​മ്പാ​ര​മാ​വു​ന്നു.

മ​റു​പ​ടി: സി.​പി.​എം നേ​താ​വ് വൈ​ക്കം വി​ശ്വ​ന്റെ മ​രു​മ​ക​ൻ നേ​തൃ​ത്വം ന​ൽ​കു​ന്ന ക​മ്പ​നി​യു​ടെ കൊ​ള്ള​ക്ക് കൂ​ട്ടു​നി​ൽ​ക്കാ​ത്ത​താ​ണ് ആ​രോ​പ​ണ​ത്തി​ന് കാ​ര​ണം. സോ​ണ്ട ക​മ്പ​നി 21 കോ​ടി ആ​വ​ശ്യ​പ്പെ​ട്ടി​ട​ത്ത് ഏ​ഴു കോ​ടി രൂ​പ​ക്കാ​ണ് കോ​ർ​പ​റേ​ഷ​ൻ മ​റ്റൊ​രു ക​മ്പ​നി​ക്ക് ക​രാ​ർ ന​ൽ​കി​യ​ത്. 60 വ​ർ​ഷ​മാ​യി ത​ള്ളി​യ മാ​ലി​ന്യ​ത്തി​ന്റെ 60 ശ​ത​മാ​ന​ത്തോ​ളം നീ​ക്കം ചെ​യ്തു. 600 കോ​ടി​യു​ടെ പ​ദ്ധ​തി​യെ​ക്കു​റി​ച്ച് കോ​ർ​പ​റേ​ഷ​ന് അ​റി​വി​ല്ല. ബ​ന്ധു​ക്ക​ളു​ടെ സ്വ​കാ​ര്യ റോ​ഡ് പൊ​തു റോ​ഡാ​ക്കി ഫ​ണ്ട് ധൂ​ർ​ത്ത​ടി​ച്ചു. മ​റു​പ​ടി: സ്വ​കാ​ര്യ റോ​ഡ് കോ​ർ​​പ​റേ​ഷ​ന്റെ സ്വ​ത്താ​ക്കി മാ​റ്റു​ക​യാ​ണ് ചെ​യ്ത​ത്.