എ​ട​ക്കാ​ട്ടെ ഭൂ​ത​ത്താ​ൻകു​ന്ന് സു​ര​ക്ഷഭി​ത്തി​യു​ടെ നി​ർ​മാ​ണം പൂ​ർ​ത്തി​യാ​യി

എ​ട​ക്കാ​ട്: എ​ട​ക്കാ​ട്ടെ ഭൂ​ത​ത്താ​ൻ കു​ന്നി​ന്‍റെ സു​ര​ക്ഷ ഭി​ത്തി​യു​ടെ നി​ർ​മാ​ണം പൂ​ർ​ത്തി​യാ​യി. ഇ​തോ​ടെ ഇ​ത് വ​ഴി​യു​ള്ള സ​ർ​വി​സ് റോ​ഡി​ലെ ഗ​താ​ഗ​ത​വും പു​ന:​സ്ഥാ​പി​ച്ചു. കു​ന്നി​നോ​ട് ചേ​ർ​ന്ന് സു​ര​ക്ഷ ഭി​ത്തി​യു​ടെ നി​ർ​മാ​ണം ന​ട​ക്കു​ന്ന​തി​നാ​ൽ ക​ഴി​ഞ്ഞ ഒ​രു മാ​സ​മാ​യി സ​ർ​വി​സ് റോ​ഡും അ​ട​ച്ചി​രു​ന്നു. ക​ണ്ണൂ​രി​ൽ നി​ന്ന് ത​ല​ശ്ശേ​രി​യി​ലേ​ക്ക് പോ​കു​ന്ന കി​ഴ​ക്ക് ഭാ​ഗം സ​ർ​വി​സ് റോ​ഡാ​ണ് കു​ന്നി​ടി​ച്ചി​ൽ ഭീ​ഷ​ണി​യെ തു​ട​ർ​ന്ന് അ​ട​ച്ചി​ട്ട​ത്.

മ​ഴ​ക്കു മു​മ്പ് സു​ര​ക്ഷഭി​ത്തി കെ​ട്ടി​യ​ത് പാ​തി വ​ഴി​ക്ക് നി​ർ​ത്തി​വെ​ച്ച​തി​നാ​ൽ മ​ണ്ണി​ടി​ഞ്ഞ് റോ​ഡ് നി​റ​യെ ച​ളി വ​ന്ന് നി​റ​ഞ്ഞി​രു​ന്നു. നി​ല​വി​ൽ ക​മ്പി കെ​ട്ടി​യ ഭാ​ഗ​ത്തെ മു​ഴു​വ​ൻ പ​ണി​ക​ളും പൂ​ർ​ത്തി​യാ​ക്കി​യി​ട്ടു​ണ്ട്. മു​ഴ​പ്പി​ല​ങ്ങാ​ട് പ​ഞ്ചാ​യ​ത്ത് ഓ​ഫി​സി​ന് സ​മീ​പ​ത്തു​ള്ള ഭൂ​ത​ത്താ​ൻ കു​ന്നി​ന്‍റെ ഭി​ത്തി നി​ർ​മാ​ണം പാ​തി​വ​ഴി​യി​ൽ നി​ർ​ത്തി​വെ​ച്ച​തും ഇ​തി​ന്‍റെ ത​ക​ർ​ച്ചാ​ഭീ​ഷ​ണി​യെ കു​റി​ച്ചും മാ​ധ്യ​മം തു​ട​ർ​ച്ച​യാ​യി വാ​ർ​ത്ത​ക​ൾ ന​ൽ​കി​യി​രു​ന്നു. മു​മ്പു​ണ്ടാ​യ​തു പോ​ലെ നി​ല​വി​ൽ മ​ണ്ണും ച​ളി​യും റോ​ഡി​ലേ​ക്ക് ഒ​ലി​ക്കു​ന്നി​ല്ലെ​ന്നും ഭി​ത്തി കെ​ട്ട​യ​ത് പ​രി​ഹാ​ര​മാ​കു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും ക​മ്പ​നി അ​ധി​കൃ​ത​ർ പ​റ​ഞ്ഞു.