ചെ​റു​പു​ഴയിലെ പെണ്‍കുട്ടിയുടെ മരണം: പ്രതി മുമ്പും പീ​ഡ​ന കേ​സി​ല്‍ ശിക്ഷിക്കപ്പെട്ടയാൾ

ചെ​റു​പു​ഴ: പ്രാ​യ​പൂ​ര്‍ത്തി​യാ​കാ​ത്ത പെ​ണ്‍കു​ട്ടി വീ​ട്ടി​നു​ള്ളി​ല്‍ തൂ​ങ്ങി​മ​രി​ച്ച സം​ഭ​വ​ത്തി​ല്‍ ക​ഴി​ഞ്ഞ​ദി​വ​സം അ​റ​സ്​​റ്റി​ലാ​യ യു​വാ​വ് മു​മ്പും പീ​ഡ​ന​കേ​സി​ല്‍ പ്ര​തി​യാ​യി​ട്ടു​ണ്ടെ​ന്ന് പൊ​ലീ​സ്.

പ്ല​സ് ടു ​വി​ദ്യാ​ര്‍ഥി​യാ​യ പെ​ണ്‍കു​ട്ടി ആ​ത്മ​ഹ​ത്യ ചെ​യ്ത സം​ഭ​വ​ത്തി​ല്‍ പോ​ക്സോ വ​കു​പ്പു​ക​ള്‍ ചു​മ​ത്തി ചെ​റു​പു​ഴ പൊ​ലീ​സ് അ​റ​സ്​​റ്റ്​​ചെ​യ്ത കൂ​ത്തു​പ​റ​മ്പ മാ​ങ്ങാ​ട്ടി​ടം സ്വ​ദേ​ശി ജി​തി​ന്‍ (29) മു​മ്പും കേ​സി​ലു​ള്‍പ്പെ​ട്ടി​ട്ടു​ണ്ടെ​ന്ന്​ പൊ​ലീ​സ് വെ​ളി​പ്പെ​ടു​ത്തി​യ​ത്.

2015ല്‍ ​ക​ണ്ണൂ​ര്‍ ടൗ​ണ്‍ പൊ​ലീ​സ് ര​ജി​സ്​​റ്റ​ര്‍ ചെ​യ്ത മ​റ്റൊ​രു പീ​ഡ​ന കേ​സി​ല്‍ ഇ​യാ​ള്‍ ര​ണ്ടു​മാ​സം ജ​യി​ല്‍ശി​ക്ഷ അ​നു​ഭ​വി​ച്ചി​ട്ടു​ണ്ട്. ഇ​ക്ക​ഴി​ഞ്ഞ ഒ​മ്പ​തി​ന് ചെ​റു​പു​ഴ​യി​ല്‍ ആ​ത്മ​ഹ​ത്യ ചെ​യ്ത പെ​ണ്‍കു​ട്ടി​യെ ബ​സ് ജീ​വ​ന​ക്കാ​രു​ള്‍പ്പെ​ട്ട ന​വ​മാ​ധ്യ​മ ഗ്രൂ​പ് മു​ഖേ​ന​യാ​ണ് ഇ​യാ​ള്‍ പ​രി​ച​യ​പ്പെ​ട്ട​ത്.

ഒ​രു​വ​ര്‍ഷ​ത്തോ​ളം തു​ട​ര്‍ന്ന ബ​ന്ധം മു​ത​ലെ​ടു​ത്ത് ആ​ല​ക്കോ​ട് പൊ​ലീ​സ് സ്‌​റ്റേ​ഷ​ന്‍ പ​രി​ധി​യി​ലെ ബ​ന്ധു​വീ​ട്ടി​ല്‍ ക​ഴി​യു​ക​യാ​യി​രു​ന്ന പെ​ണ്‍കു​ട്ടി​യെ അ​വി​ടെ​യെ​ത്തി പീ​ഡി​പ്പി​ക്കു​ക​യാ​യി​രു​ന്നു. യു​വാ​വ് ഈ ​വീ​ട്ടി​ലെ​ത്തി​യ​തി​ന് മൊ​ബൈ​ല്‍ ഫോ​ണ്‍ ട​വ​ര്‍ ലൊ​ക്കേ​ഷ​ന്‍ ഉ​ള്‍പ്പെ​ടു​ന്ന തെ​ളി​വു​ക​ളും പൊ​ലീ​സ് ശേ​ഖ​രി​ച്ചി​ട്ടു​ണ്ട്.

ബ​ന്ധം അ​വ​സാ​നി​പ്പി​ക്കു​ന്ന​താ​യി യു​വാ​വ് പ​റ​ഞ്ഞ​താ​ണ് പെ​ണ്‍കു​ട്ടി ജീ​വ​നൊ​ടു​ക്കാ​ന്‍ ഇ​ട​യാ​ക്കി​യ​തെ​ന്നും പൊ​ലീ​സ് പ​റ​യു​ന്നു. പോ​സ്​​റ്റ്​​മോ​ര്‍ട്ടം റി​പ്പോ​ര്‍ട്ടി​ലെ പ​രാ​മ​ര്‍ശ​ത്തി​െൻറ അ​ടി​സ്ഥാ​ന​ത്തി​ലാ​ണ് പ്ര​തി​യെ അ​റ​സ്​​റ്റ്​​ചെ​യ്ത​ത്. ബ​സ് ജീ​വ​ന​ക്കാ​ര​നാ​യ പ്ര​തി അ​ടു​ത്തി​ടെ ലോ​റി​യി​ല്‍ ക്ലീ​ന​റാ​യി ഗു​ജ​റാ​ത്തി​ലേ​ക്ക് ക​ട​ന്നി​രു​ന്നു. അ​വി​ടെ നി​ന്നും ത​ന്ത്ര​പൂ​ര്‍വം നാ​ട്ടി​ലെ​ത്തി​ച്ചാ​ണ് അ​റ​സ്​​റ്റ്​​ചെ​യ്ത​ത്.