മാലിന്യക്കുഴിയെടുക്കുമ്പോള്‍ ഗര്‍ത്തം; വീട്​ അപകടഭീഷണിയിൽ

ചെറുപുഴ: പെരിങ്ങോം പൊന്നമ്പാറയിലെ പാവൂര്‍ ശ്രീധര​െൻറ വീടിനോട് ചേര്‍ന്നു മാലിന്യക്കുഴിയെടുക്കുമ്പോള്‍ ഗർത്തം രൂപപ്പെട്ടു. കുഴിയെടുത്തുകൊണ്ടിരുന്ന രണ്ടുപേര്‍ മണ്ണിനടിയില്‍പെടാതെ അത്ഭുതകരമായി രക്ഷപ്പെട്ടു. ഗര്‍ത്തത്തി​െൻറ എല്ലാ ഭാഗത്തേക്കും വലിയ ഗുഹ രൂപത്തില്‍ വിസ്താരവുമുണ്ട്. വീട്ടില്‍നിന്ന്​ രണ്ടു മീറ്റര്‍ മാത്രം അകലെയാണ് ഗര്‍ത്തം രൂപപ്പെട്ടത്.

വിവരമറിഞ്ഞ് പയ്യന്നൂര്‍ ബ്ലോക്ക് പഞ്ചായത്ത് സ്ഥിരം സമിതി ചെയര്‍മാന്‍ രജനി മോഹനും മറ്റു ജനപ്രതിനിധികളും സ്ഥലം സന്ദര്‍ശിച്ചു. പെരിങ്ങോം വില്ലേജ് ഓഫിസറെത്തി പരിശോധന നടത്തി തഹസില്‍ദാര്‍ക്ക് റിപ്പോര്‍ട്ട് നല്‍കി.