കാറിലെത്തിയ സംഘം സ്കൂട്ടർ ഇടിച്ചിട്ട് യുവാവിനെ തട്ടിക്കൊണ്ടുപോയി

ച​ക്ക​ര​ക്ക​ല്ല്: കാ​റി​ലെ​ത്തി​യ സം​ഘം സ്കൂ​ട്ട​ർ ഇ​ടി​ച്ചി​ട്ട് യു​വാ​വി​നെ ത​ട്ടി​ക്കൊ​ണ്ടു​പോ​യി. ക​ണ്ണൂ​ർ മു​ണ്ടേ​രി സ്വ​ദേ​ശി സു​റൂ​റി​നെ​യാ​ണ് ത​ട്ടി​ക്കൊ​ണ്ടു​പോ​യ​ത്. മു​ണ്ടേ​രി കൈ​പ്പ​ക്ക​മൊ​ട്ട​യി​ൽ ചൊ​വ്വാ​ഴ്ച രാ​വി​ലെ 10 ഓ​ടെ​യാ​ണ് സം​ഭ​വം. ക​ട​യി​ൽ​നി​ന്ന് വീ​ട്ടി​ലേ​ക്ക് സാ​ധ​ന​ങ്ങ​ളു​മാ​യി പോ​വു​ക​യാ​യി​രു​ന്ന സു​റൂ​റി​നെ പി​ന്നാ​ലെ കാ​റി​ലെ​ത്തി​യ സം​ഘം ഇ​ടി​ച്ചി​ട്ട ശേ​ഷം ത​ട്ടി​ക്കൊ​ണ്ടു​പോ​വു​ക​യാ​യി​രു​ന്നു.

വ​ണ്ടി​ക്ക​ച്ച​വ​ട​വും സ്ഥ​ല​ക്ക​ച്ച​വ​ട​വു​മാ​ണ് സു​റൂ​റി​ന്റെ വ​രു​മാ​ന മാ​ര്‍ഗം. വ​ണ്ടി​ക്ക​ച്ച​വ​ട​വു​മാ​യി ബ​ന്ധ​പ്പെ​ട്ട പ​ണ​മി​ട​പാ​ട് ത​ർ​ക്ക​ത്തെ തു​ട​ർ​ന്ന് കാ​സ​ര്‍കോ​ട് ജി​ല്ല​യി​ലെ പാ​ണ​ത്തൂ​രി​ൽ നി​ന്നു​ള്ള സം​ഘ​മാ​ണ് ഇ​യാ​ളെ ത​ട്ടി​ക്കൊ​ണ്ടു​പോ​യ​തെ​ന്നാ​ണ് സൂ​ച​ന. ഉ​ട​ൻ സു​റൂ​റി​ന്റെ സു​ഹൃ​ത്തു​ക്ക​ൾ ച​ക്ക​ര​ക്ക​ല്ല്​ പൊ​ലീ​സ് സ്റ്റേ​ഷ​നി​ൽ വി​വ​ര​മ​റി​യി​ക്കു​ക​യാ​യി​രു​ന്നു.

സം​ഭ​വ​സ്ഥ​ല​ത്തെ​ത്തി​യ പൊ​ലീ​സ് സം​ഘം സു​ഹൃ​ത്തു​ക്ക​ൾ വ​ഴി വി​വ​ര​ങ്ങ​ൾ അ​റി​ഞ്ഞ​തി​ന്റെ അ​ടി​സ്ഥാ​ന​ത്തി​ലാ​ണ് പാ​ണ​ത്തൂ​രി​ലു​ള്ള സം​ഘ​മാ​ണ് പി​ന്നി​ലെ​ന്ന് മ​ന​സ്സി​ലാ​യ​ത്. വാ​ഹ​ന ഇ​ട​പാ​ടു​മാ​യി ബ​ന്ധ​പ്പെ​ട്ട സാ​മ്പ​ത്തി​ക വി​ഷ​യ​മാ​ണ് ത​ട്ടി​ക്കൊ​ണ്ടു​പോ​കലി​ന് കാ​ര​ണം.

വൈ​കീ​ട്ടോ​ടെ ചി​റ്റാ​രി​ക്കാ​ൽ പൊ​ലീ​സി​ന്റെ സ​ഹാ​യ​ത്തോ​ടെ ച​ക്ക​ര​ക്ക​ല്ല്​ പൊ​ലീ​സ് സു​റൂ​റി​നെ ക​ണ്ടെ​ത്തി. ത​ട്ടി​ക്കൊ​ണ്ടു​പോ​യ സം​ഘം സു​റൂ​റി​നെ ഉ​പേ​ക്ഷി​ച്ച് ക​ട​ന്നു​ക​ള​യു​ക​യാ​യി​രു​ന്നു.