കുത്തിവെപ്പ്​: ആശുപത്രിയിൽ വാക്കേറ്റം

ച​ക്ക​ര​ക്ക​ല്ല്: കോ​വി​ഡ് കുത്തിവെപ്പുമാ​യി ബ​ന്ധ​പ്പെ​ട്ട്​ ഇ​രി​വേ​രി സാ​മൂ​ഹി​ക ആ​രോ​ഗ്യ കേ​ന്ദ്ര​ത്തി​ന്​ മു​ന്നി​ൽ വാ​ക്കേ​റ്റം. വാ​ക്​​സി​നെ​ടു​ക്കാ​ൻ നൂ​റു​ക​ണ​ക്കി​ന് പേ​രാ​ണ്​ കൂ​ട്ട​ത്തോ​ടെ​യെ​ത്തി​യ​ത്. ചെ​മ്പി​ലോ​ട് പ​ഞ്ചാ​യ​ത്തി​ലെ ആ​ശാ​വ​ർ​ക്ക​ർ​മാ​ർ വ​ഴി ര​ജി​സ്​​റ്റ​ർ ചെ​യ്തി​ട്ടു​ള്ള​വ​ർ​ക്കാ​യി​രു​ന്നു ചൊ​വ്വാ​ഴ്ച വാ​ക്സി​ൻ ന​ൽ​കാ​ൻ തീ​രു​മാ​നി​ച്ച​ത്. ഇ​തി​നു പു​റ​മെ മ​റ്റ് പ​ഞ്ചാ​യ​ത്തി​ൽ​നി​ന്നു​ള്ള ര​ണ്ടാ​മ​ത്തെ കു​ത്തി​വെ​പ്പി​ന് വ​രു​ന്ന​വ​ർ​ക്ക് മു​ൻ​ഗ​ണ​ന ന​ൽ​കു​മെ​ന്നും മെ​ഡി​ക്ക​ൽ ഓ​ഫി​സ​ർ അ​റി​യി​ച്ചി​രു​ന്നു. ഇ​ത​റി​ഞ്ഞാ​ണ് ആ​ളു​ക​ൾ രാ​വി​ലെ ആ​റു​ മു​ത​ൽ ആ​ശു​പ​ത്രി​യി​ലെ​ത്തി​യ​ത്. ഒ​മ്പ​തോ​ടെ ആ​ശു​പ​ത്രി അ​ധി​കൃ​ത​രെ​ത്തി ഒ​ന്നാം ഡോ​സ് എ​ടു​ത്ത് 52 ദി​വ​സം ക​ഴി​ഞ്ഞ​വ​ർ​ക്കേ ര​ണ്ടാ​മ​ത്തെ ഡോ​സ് ന​ൽ​കൂ എ​ന്ന് അ​റി​യി​ച്ച​തോ​ടെ​യാ​ണ് കു​ത്തി​െ​വ​പ്പി​നെ​ത്തി​യ​വ​രു​ടെ ഭാ​ഗ​ത്തു​നി​ന്ന് പ്ര​തി​ഷേ​ധം ഉ​യ​ർ​ന്ന​ത്.

മ​ണി​ക്കൂ​റു​ക​ളാ​യി കാ​ത്തി​രു​ന്ന​വ​ർ ടോ​ക്ക​ൺ ആ​വ​ശ്യ​പ്പെ​ട്ട് ഏ​റെ​നേ​രം പ്ര​തി​ഷേ​ധി​ച്ചു. തു​ട​ർ​ന്ന് ച​ക്ക​ര​ക്ക​ല്ല്​ സി.​ഐ സ​ജി​ത്തി​െൻറ നേ​തൃ​ത്വ​ത്തി​ൽ പൊ​ലീ​സും വാ​ർ​ഡ് മെം​ബ​ർ എം.​വി. അ​നി​ൽ​കു​മാ​റും സ്ഥ​ല​ത്തെ​ത്തി. വ​രി​നി​ന്ന ആ​ദ്യ​ത്തെ 300 പേ​ർ​ക്ക് ടോ​ക്ക​ൺ ന​ൽ​കാ​നും മ​റ്റു​ള്ള​വ​രെ തി​രി​ച്ച​യ​ക്കാ​നും തീ​രു​മാ​നി​ക്കു​ക​യാ​യി​രു​ന്നു.

കു​ത്തിെ​വ​പ്പി​നെ​ത്തി​യ​വ​രു​ടെ തി​ര​ക്ക് കാ​ര​ണം ഒ.​പി, അ​ത്യാ​ഹി​ത വി​ഭാ​ഗ​ത്തി​ൽ ചി​കി​ത്സ​തേ​ടി എ​ത്തി​യ​വ​ർ ഏ​റെ പ്ര​യാ​സ​പ്പെ​ട്ടു. വാ​ഹ​ന​ത്തി​ൽ വ​ന്ന പ​ല​ർ​ക്കും ആ​ശു​പ​ത്രി​യി​ൽ ക​യ​റാ​നാ​വാ​തെ തി​രി​കെ പോ​കേ​ണ്ടി​വ​ന്നു. നി​ശ്ച​യി​ച്ച സ​മ​യം പാ​ലി​ക്കാ​തെ ആ​ളു​ക​ളെ​ത്തി​യ​താ​ണ്​ വാ​ക്കേ​റ്റ​മ​ട​ക്ക​മു​ള്ള പ്ര​ശ്ന​ത്തി​ന് കാ​ര​ണ​മെ​ന്നാ​ണ് ആ​ശു​പ​ത്രി അ​ധി​കൃ​ത​ർ പ​റ​ഞ്ഞ​ത്.