ഉദ്യോഗസ്ഥർക്ക് ആഴ്ചപ്പടി; ആർ.ടി ഓഫിസിൽ പിടിമുറുക്കി ഏജന്റുമാർ

ക​ണ്ണൂ​ർ: കൈ​ക്കൂ​ലി ത​ട​യു​മെ​ന്ന് സ​ർ​ക്കാ​ർ ക​ർ​ശ​ന​മാ​യി പ​റ​യു​മ്പോ​ഴും അ​തൊ​ന്നും ബാ​ധ​ക​മ​ല്ലെ​ന്ന് തെ​ളി​യി​ച്ച് വീ​ണ്ടും ആ​ർ.​ടി ഓ​ഫി​സു​ക​ൾ. ജി​ല്ല​യി​ലെ വി​വി​ധ ആ​ർ.​ടി ഓ​ഫി​സു​ക​ളി​ൽ മു​ഴു​വ​ൻ പ്ര​വ​ർ​ത്ത​ന​ങ്ങ​ളും നി​യ​ന്ത്രി​ക്കു​ന്ന​ത് ഇ​പ്പോ​ഴും ഏ​ജ​ന്റു​മാ​രാ​ണ്. ജി​ല്ല​യി​ൽ ക​ണ്ണൂ​ർ, ത​ല​ശ്ശേ​രി, ത​ളി​പ്പ​റ​മ്പ്, പ​യ്യ​ന്നൂ​ർ, ഇ​രി​ട്ടി എ​ന്നി​വി​ട​ങ്ങ​ളി​ലാ​ണ് ആ​ർ.​ടി ഓ​ഫി​സു​ക​ളു​ള്ള​ത്. ഇ​തി​ൽ​ത​ന്നെ ക​ണ്ണൂ​ർ, ത​ല​ശ്ശേ​രി, ഇ​രി​ട്ടി ഓ​ഫി​സു​ക​ളി​ലെ ചി​ല ഉ​ദ്യോ​ഗ​സ്ഥ​ർ​ക്കെ​തി​രെയാ​ണ് വ്യാ​പ​ക പ​രാ​തി​ക​ൾ വി​ജി​ല​ൻ​സി​ന് ല​ഭി​ച്ച​ത്.

വാ​ഹ​ന സം​ബ​ന്ധ​മാ​യ വി​വി​ധ ആ​വ​ശ്യ​ങ്ങ​ൾ​ക്കാ​യി ദി​നം പ്ര​തി എ​ത്തു​ന്ന ആ​ളു​ക​ളെ മോ​ട്ടോ​ർ വാ​ഹ​ന വ​കു​പ്പി​നു വേ​ണ്ടി വ​ര​വേ​ൽ​ക്കു​ന്ന​ത് ഏ​ജ​ന്റു​മാ​രാ​ണെ​ന്ന് വി​ജി​ല​ൻ​സ് ക​ണ്ടെ​ത്തി​യി​ട്ടു​മു​ണ്ട്. കോ​ഴി​ക്കോ​ട് വി​ജി​ല​ൻ​സ് സ്പെ​ഷ​ൽ സെ​ൽ എ​സ്.​പി ടി. ​അ​ബ്ദു​ൽ റ​സാ​ഖി​ന്റെ നി​ർ​ദേ​ശ​പ്ര​കാ​രം ഡി​വൈ.​എ​സ്.​പി ഗ​ണേ​ഷ് കു​മാ​ർ ശ​നി​യാ​ഴ്ച ക​ണ്ണൂ​ർ ആ​ർ.​ടി ഓ​ഫി​സി​ൽ പ​രി​ശോ​ധ​ന​ക്കെ​ത്തി​യ​പ്പോ​ൾ ആ​റു​ ഏ​ജ​ന്റു​മാ​രെ​യാ​ണ് കൈ​ക്കൂ​ലി ന​ൽ​കാ​നു​ള്ള പ​ണ​വു​മാ​യി പി​ടി​കൂ​ടി​യ​ത്.

ഓ​ൺ​ലൈ​ൻ സേ​വ​നം വ​ന്നി​ട്ടും ഏ​ജ​ന്റു​മാ​ർ ആ​ളു​ക​ളെ വ​ട്ടം ക​റ​ക്കി വ​ൻ തു​ക വാ​ങ്ങി​യെ​ടു​ത്താ​ണ് ഒ​രു വി​ഹി​തം ആ​ഴ്ച​യി​ൽ ഒ​രു ത​വ​ണ ഉ​ദ്യോ​ഗ​സ്ഥ​ർ​ക്ക് ന​ൽ​കു​ന്ന​തെ​ന്ന് വി​ജി​ല​ൻ​സ് ക​ണ്ടെ​ത്തി​യി​ട്ടു​ണ്ട്. ശ​നി​യാ​ഴ്ച​ക​ളി​ലാ​ണ് കൈ​ക്കൂ​ലി പ​ണം കൈ​മാ​റു​ന്ന​ത്. ഉ​ദ്യോ​ഗ​സ്ഥ​ന്റെ പു​റ​മെ വെച്ചി​ട്ടു​ള്ള വ​ണ്ടി​യി​ലും ഗൂ​ഗ്​ൾ പേ ​വ​ഴി​യും മ​റ്റ് രീ​തി​ക​ളി​ലു​മെ​ല്ലാം കൈ​ക്കൂ​ലി വാ​ങ്ങു​ന്നു​ണ്ട്. ക​ഴി​ഞ്ഞ മാ​സം ക​ണ്ണൂ​ർ ഓ​ഫി​സി​ലെ സു​പ്ര​ണ്ടി​നെ ദേ​ശീ​യ പാ​ത​യി​ൽ കാ​ർ ത​ട​ഞ്ഞാ​ണ് വി​ജി​ല​ൻ​സ് കൈ​ക്കൂ​ലി പ​ണ​വു​മാ​യി പി​ടി കൂ​ടി​യ​ത്.

ജോ​ലി സ​മ​യം ക​ഴി​ഞ്ഞ ശേ​ഷ​വും ഓ​ഫി​സി​ലി​രു​ന്ന് ഏ​ജ​ന്റു​മാ​രെ വി​ളി​ച്ച് പ​ണം കൈ​പ്പറ്റി പോ​കു​മ്പോ​ഴാ​ണ് അ​ന്ന് ഇ​യാ​ൾ പി​ടി​യി​ലാ​യ​ത്. പ​രി​ശോ​ധ​ന തു​ട​രു​മ്പോ​ഴും കൈ​ക്കൂ​ലി​ക്ക് ഒ​ട്ടും കു​റ​വി​ല്ലെ​ന്ന​താ​ണ് സ്ഥി​തി. നി​യ​മ​പ്ര​കാ​ര​മ​ല്ലാ​തെ പ്ര​വ​ർ​ത്തി​ക്കു​ന്ന ഡ്രൈ​വി​ങ് സ്കൂ​ളു​ക​ൾ​ക്കും മ​റ്റും ചി​ല ഉ​ദ്യോ​ഗ​സ്ഥ​ർ കൂ​ട്ടു​നി​ർ​ക്കു​ന്ന​താ​യും വി​ജി​ല​ൻ​സി​ന് വി​വ​രം ല​ഭി​ച്ചി​ട്ടു​ണ്ട്.

ബ​സു​ക​ളു​ടെ പെ​ർ​മി​റ്റി​നും മ​റ്റും വ​ൻ തു​ക​യാ​ണ് ഏ​ജ​ൻ​റു​മാ​ർ വാ​ങ്ങു​ന്ന​ത്. ഏ​ത് വാ​ഹ​നം പ​രി​ശോ​ധി​ക്ക​ണ​മെ​ന്നും ഏ​തൊ​ക്കെ പ​രി​ശോ​ധി​ക്കേ​ണ്ടാ​യെ​ന്നും തീ​രു​മാ​നി​ക്കു​ന്ന​ത് ഏ​ജ​ന്റു​മാ​രാ​ണ്. 650 രൂ​പ ഉ​ള്ള ടി.​പി എ​ടു​ക്കാ​ൻ ഏ​ജ​ന്റു​മാ​ർ വാ​ങ്ങു​ന്ന​ത് 2000 രൂ​പ​വ​രെ​യാ​ണ്. 5000 രൂ​പയു​ള്ള പു​തി​യ പെ​ർ​മി​റ്റ്‌ ഉ​ണ്ടാ​ക്കാ​ൻ വാ​ങ്ങു​ന്ന​ത് 25.000 മു​ത​ൽ 50000 വ​രെ​യാ​ണ്. മാ​ന്യ​മാ​യി പ്ര​വ​ർ​ത്തി​ക്കു​ന്ന ചി​ല ഏ​ജ​ന്റു​മാ​രു​ണ്ടെ​ങ്കി​ലും ഉ​ദ്യോ​ഗ​സ്ഥ​ർ അ​വ​രെ പ​രി​ഗ​ണി​ക്കാ​റു​മി​ല്ല.