കല്യാണ വീട്ടിലെ ബോംബേറ്: ബോംബ് ഫലിച്ചില്ലെങ്കിൽ 'പ്ലാൻ ബി'

ക​ണ്ണൂ​ർ: ക​ല്യാ​ണ വീ​ട്ടി​ലെ ബോം​ബേ​റ്​ ആ​സൂ​ത്രി​ത​വും ല​ക്ഷ്യം കൊ​ല​ത​ന്നെ​യെ​ന്നും എ.​സി.​പി പി.​പി. സ​ദാ​ന​ന്ദ​ൻ മാ​ധ്യ​മ​ങ്ങ​ളെ അ​റി​യി​ച്ചു. ബോം​ബാ​ക്ര​മ​ണം പ​രാ​ജ​യ​പ്പെ​ടു​ക​യാ​ണെ​ങ്കി​ൽ ആ​യു​ധം കൊ​ണ്ട് ആ​ക്ര​മി​ക്കാ​നു​ള്ള 'പ്ലാ​ൻ ബി' ​അ​ട​ക്കം ആ​സൂ​ത്ര​ണം ചെ​യ്താ​​ണ്​ പ്ര​തി​ക​ൾ എ​ത്തി​യ​ത്. അ​റ​സ്റ്റി​ലാ​യ സ​നാ​ദാ​ണ് ആ​യു​ധം എ​ത്തി​ച്ച​ത്.

ഇ​വ​ർ എ​ത്തി​യ കാ​ർ പൊ​ലീ​സ് ക​സ്റ്റ​ഡി​യി​ലെ​ടു​ത്തി​ട്ടു​ണ്ട്. സ​നാ​ദി​​ന്‍റെ കൈ​യി​ൽ നി​ന്നും മി​ഥു​ൻ വ​ടി​വാ​ൾ വാ​ങ്ങി, തോ​ട്ട​ട സ്വ​ദേ​ശി​ക​ളാ​യ യു​വാ​ക്ക​ളെ ആ​ക്ര​മി​ക്കാ​ൻ ശ്ര​മി​ച്ച​താ​യും പൊ​ലീ​സ് പ​റ​ഞ്ഞു. അ​തേ​സ​മ​യം, ബോം​ബ് സ്ഫോ​ട​നം ന​ട​ന്ന സ്ഥ​ല​ത്തി​നു സ​മീ​പ​ത്താ​യി ഒ​രു സ്കൂ​ട്ട​ർ വ​ഴി​യ​രി​കി​ൽ ഉ​പേ​ക്ഷി​ച്ച നി​ല​യി​ൽ പൊ​ലീ​സ് ക​ണ്ടെ​ത്തി​യി​ട്ടു​ണ്ട്. ശ​നി​യാ​ഴ്ച രാ​ത്രി മു​ത​ൽ ഈ ​സ്കൂ​ട്ട​ർ പ​രി​സ​ര​ത്തു​ണ്ടാ​യി​രു​ന്ന​താ​യി നാ​ട്ടു​കാ​ർ പൊ​ലീ​സി​നോ​ട് പ​റ​ഞ്ഞു.

'ബോം​ബ് കൊ​ണ്ടു​വ​ന്ന​ത് കൊ​ല്ലാ​ൻ ത​ന്നെ'

ഏ​ച്ചൂ​ർ സം​ഘം ബോം​ബ് കൊ​ണ്ടു​വ​ന്ന​ത് കൊ​ല്ലാ​ൻ ത​ന്നെ​യാ​ണെ​ന്ന് പൊ​ലീ​സ്. എ​ട​ക്കാ​ട് പൊ​ലീ​സ് ത​ല​ശ്ശേ​രി എ.​സി.​ജെ.​എം കോ​ട​തി​യി​ൽ സ​മ​ർ​പ്പി​ച്ച റി​മാ​ൻ​ഡ് റി​പ്പോ​ർ​ട്ടി​ലാ​ണ് പ്ര​തി​ക​ളു​ടെ ല​ക്ഷ്യം വ്യ​ക്ത​മാ​യി സൂ​ചി​പ്പി​ക്കു​ന്ന​ത്. തോ​ട്ട​ട​യി​ലെ വി​വാ​ഹ വീ​ട്ടി​ൽ ശ​നി​യാ​ഴ്ച രാ​ത്രി ഏ​ച്ചൂ​രി​ൽ നി​ന്നെ​ത്തി​യ സം​ഘ​വും വ​ര​ന്‍റെ വീ​ടാ​യ തോ​ട്ട​ട​യി​ലെ സം​ഘ​വും ത​മ്മി​ൽ പാ​ട്ടു​വെ​ക്കു​ന്ന​തി​നെ ചൊ​ല്ലി​യു​ണ്ടാ​യ വാ​ക്കു​ത​ർ​ക്കം ബോം​ബേ​റി​ൽ ക​ലാ​ശി​ക്കു​ക​യാ​യി​രു​ന്നു​വെ​ന്നാ​ണ് റി​മാ​ൻ​ഡ് റി​പ്പോ​ർ​ട്ട്.

ക​ല്യാ​ണ ദി​വ​സം ഏ​ച്ചൂ​ർ സം​ഘം ക​ണ​ക്കു​തീ​ർ​ക്കാ​ൻ ആ​സൂ​ത്ര​ണം ചെ​യ്ത​താ​യി പൊ​ലീ​സ് പ​റ​യു​ന്നു. അ​റ​സ്റ്റി​ലാ​യ പ്ര​തി​ക​ളും തോ​ട്ട​ട​യി​ലെ ചി​ല​രു​മാ​യി വി​വാ​ഹ ദി​വ​സം ഉ​ച്ച​ക്ക്​ വീ​ണ്ടും വാ​ക്കു​ത​ർ​ക്ക​മു​ണ്ടാ​യി. കൊ​ല്ല​ണ​മെ​ന്ന ഉ​ദ്ദേ​ശ്യ​ത്തോ​ടെ ബോം​ബെ​റി​ഞ്ഞു. ബോം​ബ്, മു​ന്നി​ൽ പോ​വു​ക​യാ​യി​രു​ന്ന സ്വ​ന്തം സം​ഘ​ത്തി​ലെ ജി​ഷ്ണു​വി​ന്‍റെ ത​ല​യി​ൽ വീ​ണ് സ്ഫോ​ട​ന​മു​ണ്ടാ​യി കൊ​ല്ല​പ്പെ​ട്ടു​വെ​ന്നാ​ണ് റി​മാ​ൻ​ഡ് റി​പ്പോ​ർ​ട്ടി​ൽ പ​റ​യു​ന്ന​ത്. താ​ഴെ​ചൊ​വ്വ​യി​ലു​ള്ള ക​ട​യി​ല്‍ നി​ന്നും പ​ട​ക്കം വാ​ങ്ങി​യ​ത് ക​ല്യാ​ണ വീ​ട്ടി​ല്‍ പ​ട​ക്കം പൊ​ട്ടി​ക്കാ​നാ​ണ്. 4000 രൂ​പ​ക്ക്​ പ​ട​ക്കം വാ​ങ്ങു​ക​യും ചെ​യ്തി​രു​ന്നു.

അ​ത് സാ​ധാ​ര​ണ പ​ട​ക്കം മാ​ത്ര​മാ​ണ്. ബോം​ബ് നി​ര്‍മാ​ണ​ത്തി​ന് ഉ​പ​യോ​ഗി​ച്ച​ത് അ​വി​ടെ നി​ന്നു​ള്ള പ​ട​ക്ക​മ​ല്ല. അ​തേ​ക്കു​റി​ച്ചു​ള്ള വി​വ​രം ല​ഭി​ച്ചി​ട്ടു​ണ്ട്. എ​ന്നാ​ല്‍, അ​ന്വേ​ഷ​ണ​ത്തെ ബാ​ധി​ക്കു​ന്ന​തി​നാ​ല്‍ ഇ​ക്കാ​ര്യം വെ​ളി​പ്പെ​ടു​ത്താ​നാ​വി​ല്ലെ​ന്നും എ.​സി.​പി പ​റ​ഞ്ഞു. മൂ​ന്നു ബോം​ബു​ക​ളാ​ണ് സം​ഘം കൈ​വ​ശം ക​രു​തി​യ​ത്. ആ​ദ്യ​ത്തേ​ത് എ​റി​ഞ്ഞു. ര​ണ്ടാ​മ​ത്തേ​ത് ജി​ഷ്ണു​വി​ന്‍റെ ത​ല​ക്കു​കൊ​ണ്ടു. മൂ​ന്നാ​മ​ത്തെ ബോം​ബ് സം​ഭ​വ​സ്ഥ​ല​ത്തു​നി​ന്നും പൊ​ലീ​സ് ക​ണ്ടെ​ടു​ത്തു​വെ​ന്നും എ.​സി.​പി പ​റ​ഞ്ഞു.

ബോം​ബ് എ​റി​യു​ന്ന​തി​നു​മു​മ്പ് സം​ഭ​വ​സ്ഥ​ല​ത്ത് സം​ഘ​ര്‍ഷ​മു​ണ്ടാ​യി​രു​ന്നു. സം​ഘ​ര്‍ഷ​ത്തി​ൽ മി​ഥു​ന് അ​ടി​യേ​റ്റു. തു​ട​ര്‍ന്ന് മി​ഥു​ന്‍ വ​ടി​വാ​ള്‍ വീ​ശി. ഇ​തി​നു​പി​ന്നാ​ലെ​യാ​ണ് അ​ക്ഷ​യ് ബോം​ബെ​റി​ഞ്ഞ​തെ​ന്നും എ.​സി.​പി പ​റ​ഞ്ഞു. ഞാ​യ​റാ​ഴ്​​ച​യാ​ണ്​ ക​ണ്ണൂ​ര്‍ തോ​ട്ട​ട​യി​ൽ നാ​ടി​നെ ന​ടു​ക്കി​യ സം​ഭ​വം ഉ​ണ്ടാ​യ​ത്. ഏ​ച്ചൂ​ര്‍ സ്വ​ദേ​ശി ജി​ഷ്ണു​വാ​ണ് (26) ​ ത​ല​യോ​ട്ടി പൊ​ട്ടി​ച്ചി​ത​റി ദാ​രു​ണ​മാ​യി കൊ​ല്ല​പ്പെ​ട്ട​ത്. പ​ട്ടാ​പ്പ​ക​ല്‍ ക​ല്യാ​ണ വീ​ട്ടി​ല്‍ ആ​ളു​ക​ള്‍ കൂ​ടി​നി​ല്‍ക്കു​മ്പോ​ള്‍, വാ​നി​ലെ​ത്തി​യ സം​ഘം ഭീ​ക​രാ​ന്ത​രീ​ക്ഷം സൃ​ഷ്ടി​ച്ച് ആ​ക്ര​മ​ണം ന​ട​ത്തു​ക​യാ​യി​രു​ന്നു.