ജില്ല പൊലീസ് ആസ്ഥാനത്തെ പിറന്നാൾ ആഘോഷം: കാന്റീനിൽ ജനങ്ങൾക്ക് വിലക്ക്

ക​ണ്ണൂ​ർ: സി​റ്റി പൊ​ലീ​സ് ആ​സ്ഥാ​ന​ത്തു ക​യ​റി ഒ​രു സം​ഘം കേ​ക്ക് മു​റി​ച്ച് പി​റ​ന്നാ​ൾ ആ​ഘോ​ഷി​ച്ച സം​ഭ​വ​ത്തി​നു പി​ന്നാ​ലെ പൊ​ലീ​സ് കാ​ന്റീ​നി​ൽ പൊ​തുജ​ന​ങ്ങ​ൾ​ക്ക് വി​ല​ക്കേ​ർ​പ്പെ​ടു​ത്തി.

ഏ​റെ സു​ര​ക്ഷ​യു​ണ്ടാ​വേ​ണ്ട സ്ഥ​ല​ത്താ​ണ് പു​റ​മെ നി​ന്നെ​ത്തി​യ യു​വ​തി​യും സം​ഘ​വും കേ​ക്ക് മു​റി​ച്ച് പി​റ​ന്നാ​ൾ ആ​ഘോ​ഷി​ച്ച​ത്. ഇ​ത് വിഡി​യോ സ​ഹി​തം പ്ര​ച​രി​പ്പി​ക്കു​ക​യും ചെ​യ്തി​രു​ന്നു. ഇ​തി​നു ശേ​ഷ​മാ​ണ് അ​ധി​കൃ​ത​ർ സം​ഭ​വം അ​റി​ഞ്ഞ​ത്. നി​ര​വ​ധി ആ​യു​ധ​ങ്ങ​ള​ട​ക്കം സൂ​ക്ഷി​ച്ച മു​റി​ക്കു സ​മീ​പ​ത്താ​യാ​ണ് പ​ര​സ്യ​മാ​യി കേ​ക്കു മു​റിച്ച് ആ​ഘോ​ഷം ന​ട​ത്തി​യ​ത്.

സംഭവം വി​വാ​ദ​മാ​യ​തി​നു പി​ന്നാ​ലെ അ​ഞ്ചു​പേ​ർ​ക്കെ​തി​രെ കേ​സെ​ടു​ത്തി​രു​ന്നു. തു​ട​ർ​ന്ന് സി​റ്റി പൊ​ലീ​സ് ക​മീ​ഷ​ണ​ർ പി. ​നി​ധി​ൻ രാ​ജ് പ്ര​ത്യേ​ക യോ​ഗം വി​ളി​ച്ച് ന​ട​പ​ടി ക​ർ​ശ​ന​മാ​ക്കാ​ൻ നി​ർ​ദേ​ശം ന​ൽ​കു​ക​യാ​യി​രു​ന്നു.

ജി​ല്ല ആ​സ്ഥാ​ന​ത്തെ പ്ര​വേ​ശ​ന ക​വാ​ട​ത്തി​ൽ പ​രി​ശോ​ധ​ന​ക്കാ​യി പൊ​ലീ​സു​കാ​രെ നി​യോ​ഗി​ച്ചു. അ​നു​മ​തി​യി​ല്ലാ​തെ ആ​രെ​യും പ്ര​വേ​ശി​പ്പി​ക്കേ​ണ്ട​തി​ല്ലെ​ന്നാ​ണ് തീ​രു​മാ​നം. പി​ന്നാ​ലെ ക​ഴി​ഞ്ഞ ദി​വ​സം മു​ത​ൽ പൊ​ലീ​സ് കാ​ന്റീ​നി​ലേ​ക്ക് പു​റ​മെ നി​ന്നും ആ​ളു​ക​ൾ വ​രു​ന്ന​തും നി​ർ​ത്ത​ലാ​ക്കി ഉ​ത്ത​ര​വി​റ​ക്കി. ക​ണ്ണൂ​ർ എ.​സി.​പി പ്ര​ദീ​പ​ൻ ക​ണ്ണി​പ്പൊ​യി​ലി​നാ​ണ് ഇ​തി​ന്റെ ചു​മ​ത​ല. നേ​ര​ത്തെ കാ​ന്റീ​നി​ൽ പു​റ​മെ നി​ന്ന​ട​ക്കം നി​ര​വ​ധി​യാ​ളു​ക​ൾ ഭ​ക്ഷ​ണം ക​ഴി​ക്കാ​നാ​യി എ​ത്തി​യി​രു​ന്നു.

കു​റ​ഞ്ഞ വി​ല​യി​ലാ​ണ് ഇ​വി​ടെ ഭ​ക്ഷ​ണം ന​ൽ​കി​യി​രു​ന്ന​ത്. സു​ര​ക്ഷ വീ​ഴ്ച​യു​ണ്ടാ​യ സാ​ഹ​ച​ര്യ​ത്തി​ലാ​ണ് കാ​ന്റീ​നി​ൽ പു​റ​മെ നി​ന്നു​ള്ള​വ​രു​ടെ പ്ര​വേ​ശ​നം ത​ട​ഞ്ഞ​ത്. ക​ഴി​ഞ്ഞ 16നാ​ണ് പി​റ​ന്നാ​ൾ ദിനത്തിൽ കേക്ക് മുറിക്കുന്ന വീ​ഡി​യോ പു​റ​ത്താ​യ​ത്.