കണ്ണൂരിൽ പ്ലൈവുഡ് കമ്പനിയിൽ വൻ തീപിടുത്തം; ല‍ക്ഷങ്ങളുടെ നഷ്ടം

കണ്ണൂർ: തളിപ്പറമ്പ് ധർമ്മശാലയിൽ പ്ലൈവുഡ് നിർമാണ ശാലയിൽ വൻ തീപിടുത്തം. ധർമ്മശാല ഇൻഡസ്ട്രിയൽ ഏരിയയിലെ അഫ്ര പ്ലൈവുഡ് കമ്പനിയിൽ വെള്ളിയാഴ്ച അർധരാത്രിയാണ് തീപിടിച്ചത്. കണ്ണൂർ, പയ്യനൂർ, പെരിങ്ങോം എന്നിവിടങ്ങളിൽ നിന്നായി 16 യൂനിറ്റിലധികം അഗ്നിരക്ഷാ സേനകൾ ചേർന്നാണ് തീയണച്ചത്. ലക്ഷക്കണക്കിന് രൂപയുടെ നഷ്ടമുണ്ടായി.