കൂട്ടുപുഴയിൽ വൻ കഞ്ചാവ്​വേട്ട

കൂട്ടുപുഴ: ആന്ധ്രയിൽ നിന്നും കൂട്ടുപുഴ വഴി കടത്താൻ ശ്രമിച്ച 227.505 കിലോ ഗ്രാം കഞ്ചാവ്​ സ്റ്റേറ്റ് എക്സൈസ് എൻഫോഴ്സ്മെൻറ് സംഘം പിടി കൂടി.

ആന്ധ്രയിൽ നിന്നും ഒമ്പത്​ ബാഗുകളിലായി 99 പാർസലായി പിക്കപ്പ് വാനിൽ ബാംഗ്ലൂരിൽ എത്തിച്ച്​ തുടർന്ന്​ ലോറിയിൽ കൊണ്ടുവരും വഴിയാണ് എക്സൈസ് സംഘം കൂട്ടുപുഴയിൽ വണ്ടി തടഞ്ഞത്.

പ്രതികളായ ഇരിട്ടി സ്വദേശി ഷംസീർ,മട്ടന്നൂർ സ്വദേശി അബ്ദുൾ മജീദ് ,തലശ്ശേരി കീഴല്ലൂർ സ്വദേശി സാജിർ എന്നിവരെ അറസ്റ്റ് ചെയ്തു. വടകരയിൽ ഉള്ള മറ്റൊരാൾക്ക് വേണ്ടിയാണ് കഞ്ചാവ്​ കൊണ്ടുവന്നത് എന്ന് പ്രതികൾ പറഞ്ഞു കേസ് ഇരിട്ടി എക്സൈസിന് കൈമാറി അന്തർ സംസ്ഥാന കഞ്ചാവ് ലോബികളുടെ ബന്ധം അന്വേഷിക്കും എന്ന് എക്സൈസ് ഇൻസ്പെക്ടർ പറഞ്ഞു.