എടക്കാട്ട് പൊലീസിനുനേ​രെ കുപ്പിയേറ്, ആക്രമണം

ക​ണ്ണൂ​ർ: രാ​ത്രി പ​രി​ശോ​ധ​ന​ക്കി​റ​ങ്ങി​യ എ​ട​ക്കാ​ട് പൊ​ലീ​സി​നു നേ​രെ അ​ജ്ഞാ​ത സം​ഘ​ത്തി​ന്റെ ആ​ക്ര​മ​ണം. ക​ർ​ണാ​ട​ക ര​ജി​സ്ട്രേ​ഷ​ൻ കാ​റി​ലെ​ത്തി​യ നാ​ലം​ഗ സം​ഘം പൊ​ലീ​സ് വാ​ഹ​ന​ത്തി​നു​നേ​രെ ബി​യ​ർ കു​പ്പി​യെ​റി​ഞ്ഞു. തു​ട​ർ​ന്ന് വ​ടി​വാ​ളി​നു സ​മാ​ന​മാ​യ വ​സ്തു ഉ​പ​യോ​ഗി​ച്ച് പൊ​ലീ​സ് ജീ​പ്പി​ന്റെ ഗ്ലാ​സ് ത​ക​ർ​ത്തു. തി​ങ്ക​ളാ​ഴ്ച പു​ല​ർ​ച്ച ഒ​രു​മ​ണി​യോ​ടെ​യാ​ണ് സം​ഭ​വം. ആ​ക്ര​മ​ണ​ത്തി​ൽ പൊ​ലീ​സ് ഉ​ദ്യോ​ഗ​സ്ഥ​ന് പ​രി​ക്കേ​റ്റു. എ​ട​ക്കാ​ട് പൊ​ലീ​സ് സ്റ്റേ​ഷ​നി​ലെ അ​നി​ൽ കു​മാ​റി​നാ​ണ് പ​രി​ക്കേ​റ്റ​ത്. ഇ​ദ്ദേ​ഹ​ത്തി​ന് ജി​ല്ല ആ​ശു​പ​ത്രി​യി​ൽ ചി​കി​ത്സ ന​ൽ​കി വി​ട്ട​യ​ച്ചു.

എ​ട​ക്കാ​ട് പൊ​തു​വാ​ച്ചേ​രി ഭാ​സ്ക​ര​ൻ പീ​ടി​ക​ക്ക് സ​മീ​പ​ത്ത് എ​ത്തി​യ​പ്പോ​ഴാ​ണ് ക​ർ​ണാ​ട​ക ര​ജി​സ്ട്ര​ഷ​ൻ കാ​ർ പൊ​ലീ​സ് വാ​ഹ​ന​ത്തെ മ​റി​ക​ട​ന്ന് പോ​വാ​ൻ ശ്ര​മി​ച്ച​ത്. പൊ​ലീ​സ് വാ​ഹ​ന​മെ​ന്ന് അ​റി​ഞ്ഞി​ട്ടും മ​റി​ക​ട​ക്കാ​ൻ ആ​വ​ശ്യ​മാ​യ സ്ഥ​ലമില്ലാ​തി​രു​ന്നി​ട്ടും ക​ഷ്ടി​ച്ച് കാ​ർ മു​ന്നോ​ട്ട് പോ​യ​തി​ൽ പൊ​ലീ​സി​ന് സം​ശ​യം തോ​ന്നി. അ​ൽ​പം മു​ന്നോ​ട്ടു​പോ​യ കാ​ർ പി​ന്നീ​ട് തി​രി​ച്ചു​വ​ന്നാ​ണ് ആ​ക്ര​മ​ണം ന​ട​ത്തി​യ​ത്.

ആക്ര​മ​ണ​ത്തി​ൽ പൊ​ലീ​സ് വാ​ഹ​ന​ത്തി​ന്റെ ഡ്രൈ​വ​ർ സീ​റ്റി​ന്റെ പി​റ​കുവ​ശ​ത്തെ ഗ്ലാ​സാ​ണ് ത​ക​ർ​ന്ന​ത്. നാ​ലം​ഗ സം​ഘ​മാ​ണ് ആ​ക്ര​മ​ണം ന​ട​ത്തി​യ​തെ​ന്നാ​ണ് സൂ​ച​ന. ആ​ക്ര​മ​ണം ന​ട​ത്തി​യ സം​ഘം ഉ​ട​ൻ ര​ക്ഷ​പ്പെ​ടു​ക​യും ചെ​യ്തു. ലഹരിമ​രു​ന്ന് കേ​സി​ൽ പ്ര​തി​യാ​ക്ക​പ്പെ​ട്ട​യാ​ളു​ടെ സം​ഘ​മാ​ണ് ആ​ക്ര​മം ന​ട​ത്തി​യ​തെ​ന്നാണ് പൊ​ലീ​സ് നി​ഗ​മ​നം. അ​ന്വേ​ഷ​ണം ഊ​ർ​ജി​ത​മാ​ക്കി​യ​താ​യി എ​ട​ക്കാ​ട് പൊ​ലീ​സ് അ​റി​യി​ച്ചു.