പാരലൽ കോളജുകൾ ഊർധ്വൻ വലിക്കുന്നു

ക​ണ്ണൂ​ർ: വി​ദ്യാ​ഭ്യാ​സ രം​ഗ​ത്ത് സാ​ധാ​ര​ണ​ക്കാ​ർ​ക്ക് ​ആ​ശ്ര​യ​മാ​യി​രു​ന്ന പാ​ര​ല​ൽ കോ​ള​ജു​ക​ൾ ഊ​ർ​ധ്വൻ വ​ലി​ക്കു​ന്നു. നാ​ലു വ​ർ​ഷം കൊ​ണ്ട് ജി​ല്ല​യി​ൽ മാ​ത്രം നൂ​റോ​ളം പാ​ര​ല​ൽ കോ​ള​ജു​ക​ൾ പൂ​ട്ടി. സ​മാ​ന്ത​ര വി​ദ്യാ​ഭ്യാ​സ മേ​ഖ​ല എ​ന്ന​റി​യ​പ്പെ​ട്ടി​രു​ന്ന പാ​ര​ല​ൽ കോ​ള​ജു​ക​ൾ ത​ല​ശ്ശേ​രി പോ​ലു​ള്ള ന​ഗ​ര​ങ്ങ​ളി​ലും നാ​ട്ടി​ൻ​പു​റ​ങ്ങ​ളി​ലും സാം​സ്കാ​രി​ക കേ​ന്ദ്ര​ങ്ങ​ൾ കൂ​ടി​യാ​യി​രു​ന്നു.

പാ​വ​പ്പെ​ട്ട​വ​ർ​ക്ക് കു​റ​ഞ്ഞ ചെ​ല​വി​ൽ വി​ദ്യാ​ഭ്യാ​സം ന​ൽ​കി​യ​തോ​ടൊ​പ്പം ഒ​ട്ടേ​റെ പേ​ർ​ക്ക് തൊ​ഴി​ൽ ന​ൽ​കി​യ മേ​ഖ​ല കൂ​ടി​യാ​ണി​ത്.

ജി​ല്ല​യി​ൽ കോ​വി​ഡി​ന് മു​മ്പ് 150 പാ​ര​ല​ൽ കോ​ള​ജു​ക​ൾ പ്ര​വ​ർ​ത്തി​ച്ച​തി​ൽ ഇ​പ്പോ​ൾ ബാ​ക്കി​യു​ള്ള​ത് 50 എ​ണ്ണം മാ​ത്ര​മാ​ണെ​ന്ന് പാ​ര​ല​ൽ കോ​ള​ജ് അ​സോ​സി​യേ​ഷ​ൻ ഭാ​ര​വാ​ഹി​ക​ൾ പ​റ​യു​ന്നു. 2020ൽ ​ശ്രീ​നാ​രാ​യ​ണ ഓ​പ​ൺ യൂ​നി​വേ​ഴ്സി​റ്റി നി​ല​വി​ൽ വ​ന്ന​തോ​ടെ കേ​ര​ള​ത്തി​ലെ മ​റ്റൊ​രു സ​ർ​വ​ക​ലാ​ശാ​ലയി​ലും പ്രൈ​വ​റ്റ് ര​ജി​സ്ട്രേ​ഷ​നും വി​ദൂ​ര വി​ഭാ​ഗം കോ​ഴ്സു​ക​ളും തു​ട​ങ്ങാ​ൻ പാ​ടി​ല്ലെ​ന്ന ച​ട്ടം വ​ന്ന​താ​ണ് പാ​ര​ല​ൽ കോ​ള​ജു​ക​ൾ​ക്ക് പൂ​ട്ടു വീ​ഴാ​ൻ പ്ര​ധാ​ന കാ​ര​ണം.

സാ​ധാ​ര​ണ​ക്കാ​രു​ടെ മ​ക്ക​ൾ​ക്ക് വി​ദ്യാ​ഭ്യാ​സ​വും അ​ഭ്യ​സ്ത​വി​ദ്യ​ർ​ക്ക് തൊ​ഴി​ലും ന​ൽ​കി ഏ​ഴു പ​തി​റ്റാ​ണ്ടാ​യി പ്ര​വ​ർ​ത്തി​ച്ചി​രു​ന്ന വ​ലി​യൊ​രു പ്ര​സ്ഥാ​ന​മാ​ണ് ഇ​തോ​ടെ മ​ര​ണ​വ​ക്ര​ത്തി​ലാ​യ​ത്. ഓ​പ​ൺ യൂ​നി​വേ​ഴ്സി​റ്റി നി​യ​മ​ത്തി​ലെ 47 (2), 72 വ​കു​പ്പു​ക​ൾ പ്ര​കാ​ര​മാ​ണ് മ​റ്റു സ​ർ​വ​ക​ലാ​ശാ​ല​ക​ളി​ലെ പ്രൈ​വ​റ്റ് ര​ജി​സ്ട്രേ​ഷ​ന് ത​ട​യി​ട്ട​ത്.

ക​ണ്ണൂ​ർ യൂ​നി​വേ​ഴ്സി​റ്റി മാ​ത്ര​മാ​ണ് ഇ​തി​നെ മ​റി​ക​ട​ന്ന് കോ​ഴ്സു​ക​ൾ തു​ട​ങ്ങി​യ​ത്. പ​ക്ഷേ, ആ​ദ്യ​ഘ​ട്ട​ത്തി​ൽ ശ്രീ ​നാ​രാ​യ​ണ​യി​ൽ ഇ​ല്ലാ​ത്ത കോ​ഴ്സു​ക​ൾ മാ​ത്ര​മാ​ണ് ക​ണ്ണൂ​രി​ൽ തു​ട​ങ്ങി​യ​ത്. മ​റ്റു കോ​ഴ്സു​ക​ൾ ആ​രം​ഭി​ക്കാ​ൻ വൈ​കി.

ഇ​തോ​ടെ, വി​ദ്യാ​ർ​ഥി​ക​ൾ പ​ല​രും ഇ​ത​ര സം​സ്ഥാ​ന​ങ്ങ​ളി​ലേ​ക്കും മ​റ്റും പ​ഠ​ന​ത്തി​നാ​യി പോ​യി. സ്വാ​ശ്ര​യ കോ​ള​ജു​ക​ളി​ൽ പ​ഠി​ക്കാ​ൻ പ​ണ​മി​ല്ലാ​ത്ത, മാ​ർ​ക്ക് കു​റ​ഞ്ഞ വി​ദ്യാ​ർ​ഥി​ക​ളു​ടെ ആ​ശ്ര​യ​മാ​ണ് ഇ​തോ​ടെ ഇ​ല്ലാ​താ​വു​ന്ന​ത്.

അ​ഫ്ദലുൽ ഉ​ല​മ കോ​ഴ്സു​ക​ളി​ലൂ​ടെ ബി​രു​ദ​വും ബി​രു​ദാ​ന​ന്ത​ര ബി​രു​ദ​വും പ​ഠി​ച്ചി​രു​ന്ന പ​തി​നാ​യി​ര​ക്ക​ണ​ക്കി​ന് കു​ട്ടി​ക​ളും സ്ഥാ​പ​ന​ങ്ങ​ളും ഇ​തോ​ടെ പ്ര​തി​സ​ന്ധി​യി​ലാ​ണ്.

ഈ ​മേ​ഖ​ല​യെ ആ​ശ്ര​യി​ച്ചു ക​ഴി​യു​ന്ന നൂ​റു​ക്ക​ണ​ക്കി​ന് അ​ധ്യാ​പ​ക​രെ​യും അ​ന​ധ്യാ​പ​ക​രെ​യും അ​വ​രു​ടെ കു​ടും​ബ​ങ്ങ​ളും പ​ട്ടി​ണി​യി​ലാ​വു​മെ​ന്ന ആ​ശ​ങ്ക​യു​മു​ണ്ട്. ജോ​ലി ചെ​യ്തി​രു​ന്ന​വ​രി​ൽ ഭൂ​രി​ഭാ​ഗ​വും 40 വ​യ​സ്സ് ക​ഴി​ഞ്ഞ​വ​രാ​യ​തി​നാ​ൽ മ​റ്റു തൊ​ഴി​ലു​ക​ൾ ക​ണ്ടെ​ത്തു​ന്ന​തും ബു​ദ്ധി​മു​ട്ടാ​വും.

വി​ഷ​യ​ത്തി​ൽ ഇ​ട​പെ​ട​ണ​മെ​ന്ന് ആ​വ​ശ്യ​പ്പെ​ട്ട് പാ​ര​ല​ൽ കോ​ള​ജ് അ​സോ​സി​യേ​ഷ​ൻ ഭാ​ര​വാ​ഹി​ക​ൾ സം​സ്ഥാ​ന​ത്തെ 140 എം.​എ​ൽ.​എ​മാ​ർ​ക്കും മ​ന്ത്രി​മാ​ർ​ക്കും നി​വേ​ദ​നം ന​ൽ​കി​യി​രു​ന്നു.

ഇ​ന്ന് സ​മാ​ന്ത​ര വി​ദ്യാ​ഭ്യാ​സ സം​ര​ക്ഷ​ണ റാ​ലി

ക​ണ്ണൂ​ർ: സ​മാ​ന്ത​ര വി​ദ്യാ​ഭ്യാ​സ സം​ര​ക്ഷ​ണ സ​മി​തി​യു​ടെ നേ​തൃ​ത്വ​ത്തി​ൽ ഇ​ന്ന് സ​മാ​ന്ത​ര വി​ദ്യാ​ഭ്യാ​സ സം​ര​ക്ഷ​ണ റാ​ലി​യും സം​ഗ​മ​വും സം​ഘ​ടി​പ്പി​ക്കും. പാ​ര​ല​ൽ കോ​ള​ജു​ക​ളി​ലേ​യും അ​റ​ബി​ക് കോ​ള​ജു​ക​ളി​ലേ​യും സ​ഹ​ക​ര​ണ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലേ​യും വി​ദ്യാ​ർ​ഥി​ക​ളും അ​ധ്യാ​പ​ക​രും ര​ക്ഷി​താ​ക്ക​ളും ചേ​ർ​ന്നാ​ണ് റാ​ലി ന​ട​ത്തു​ന്ന​ത്. പ​ഴ​യ ബ​സ് സ്റ്റാ​ൻ​ഡ് പ​രി​സ​ര​ത്ത് നി​ന്ന് ആ​രം​ഭി​ച്ച് ചേം​ബ​ർ ഹാ​ളി​ന് മു​മ്പി​ൽ റാ​ലി സ​മാ​പി​ക്കും.