മത്സരയോട്ടം: 1500 രൂപ പിഴയീടാക്കി

കണ്ണൂർ: അമിതവേഗതയിലും അശ്രദ്ധമായും ബസ് ഓടിച്ചതിനു യാത്രക്കാരന്റെ പരാതിയിൽ സ്വകാര്യ ബസുടമയിൽനിന്ന് 1500 രൂപ പിഴയീടാക്കി. തലശ്ശേരി-കണ്ണൂർ റൂട്ടിലോടുന്ന കൈരളി ബസിനെതിരെയാണ് കണ്ണൂർ ട്രാഫിക് പൊലീസ് നടപടിയെടുത്തത്. ഏപ്രിൽ 23നാണ് പരാതിക്കാസ്പദമായ സംഭവം. യാത്രക്കാർക്ക് ഇറങ്ങാനോ സീറ്റിൽനിന്ന് എഴുന്നേൽക്കാനോ സാധിക്കാത്തവിധമായിരുന്നു ബസിന്റെ സ്പീഡെന്നും ബസിൽ വീണെന്നും പരാതിയിൽ പറയുന്നു. ആർട്ടിസ്റ്റ് ശശികല നൽകിയ പരാതിയിലാണ് നടപടി.