ജില്ലയിൽ 145 പേർക്കുകൂടി കോവിഡ്; 124 പേർക്ക് സമ്പർക്കത്തിലൂടെ

കണ്ണൂർ: ജില്ലയിൽ തിങ്കളാഴ്ച 145 പേര്‍ക്കുകൂടി കോവിഡ് പോസിറ്റിവ് ആയി. സമ്പര്‍ക്കത്തിലൂടെ 124 പേര്‍ക്കും ഇതരസംസ്ഥാനത്ത് നിന്നെത്തിയ അഞ്ച് പേര്‍ക്കും വിദേശത്തു നിന്നെത്തിയ 10 പേര്‍ക്കും ആറ് ആരോഗ്യ പ്രവര്‍ത്തകര്‍ക്കുമാണ് കോവിഡ് സ്ഥിരീകരിച്ചത്. ജില്ലയില്‍ ഇതുവരെ റിപ്പോര്‍ട്ട് ചെയ്യപ്പെട്ട കോവിഡ് പോസിറ്റിവ് കേസുകള്‍ 49,327 ആയി. ഇവരില്‍ 202 പേര്‍ തിങ്കളാഴ്ച രോഗമുക്തി നേടി. അതോടെ ഇതിനകം രോഗം ഭേദമായവരുടെ എണ്ണം 45,101 ആയി. 264 പേര്‍ കോവിഡ് മൂലം മരിച്ചു. 3,497 പേര്‍ ചികിത്സയിലാണ്. ജില്ലയില്‍ നിലവിലുള്ള കോവിഡ് പോസിറ്റിവ് കേസുകളില്‍ 3,206 പേര്‍ വീടുകളിലും ബാക്കി 291 പേര്‍ വിവിധ ആശുപത്രികളിലും സി.എഫ്.എൽ.ടി.സികളിലുമായാണ് ചികിത്സയില്‍ കഴിയുന്നത്. കോവിഡ് -19മായി ബന്ധപ്പെട്ട് ജില്ലയില്‍ നിലവില്‍ നിരീക്ഷണത്തിലുള്ളത് 13,662 പേരാണ്. ഇതില്‍ 13,136 പേര്‍ വീടുകളിലും 526 പേര്‍ ആശുപത്രികളിലുമാണ് നിരീക്ഷണത്തില്‍ കഴിയുന്നത്. ജില്ലയില്‍ നിന്ന് ഇതുവരെ 5,07,061 സാമ്പിളുകള്‍ പരിശോധനക്ക്​ അയച്ചതില്‍ 5,06,931 എണ്ണത്തി​ൻെറ ഫലം വന്നു. 130 എണ്ണത്തി​ൻെറ ഫലം ലഭിക്കാനുണ്ട്.