പതിനാല്​ മാസം; 1000 കോവിഡ്​ മരണങ്ങൾ

പതിനാല്​ മാസം; 1000 കോവിഡ്​ മരണങ്ങൾ68 ദിവസത്തിനുള്ളിൽ 500 മരണംമരണനിരക്കിൽ സംസ്ഥാനത്ത്​ ഒമ്പതാം സ്ഥാനം​ കണ്ണൂരിന്​കണ്ണൂർ: കോവിഡ്​ മഹാമാരിയുടെ ഭീതി ഇരട്ടിപ്പിച്ച്​ ജില്ലയിലെ മരണക്കണക്കുകൾ. രോഗബാധയിൽ ജീവൻ നഷ്​ടപ്പെട്ടവരുടെ എണ്ണം 1000 കടന്നു. ആദ്യ മരണം റിപ്പോർട്ട്​ ചെയ്​ത് 423 ദിവസങ്ങൾ പിന്നിട്ടശേഷമാണ്​ കണക്കുകൾ ആയിരത്തിലെത്തിയത്​. 2020 മാർച്ച്​ ഒമ്പതിന്​ ആദ്യ കോവിഡ്​ കേസ്​ റിപ്പോർട്ട്​ ചെയ്​ത്​ 78 ദിവസങ്ങൾക്ക്​ ശേഷമാണ്​ ആദ്യമരണം. മേയ്​ 26ന്​ ആദ്യ മരണം റിപ്പോർട്ട്​ ചെയ്യു​േമ്പാൾ 75 സജീവ കേസുകളാണ്​ ജില്ലയിൽ ഉണ്ടായിരുന്നത്​. ഏകദേശം ഒരുവർഷത്തിന്​ ശേഷം കഴിഞ്ഞ മേയ്​ 16നാണ്​ മരണം 500 കടന്നത്​. പിന്നീട്​, രണ്ടാംതരംഗത്തി​ൻെറ വ്യാപനത്തിൽ വെറും 68 ദിവസങ്ങൾകൊണ്ട്​ മരണക്കണക്ക്​ ആയിരത്തിലെത്തി. 173 പേരാണ്​ ഈ മാസം കോവിഡ്​ ബാധിച്ച്​ മരിച്ചത്​. ജൂൺ ഒമ്പതിനാണ്​ ജില്ലയിൽ ഏറ്റവും കൂടുതൽപേരെ കോവിഡ്​ കൊണ്ടുപോയത്​. 21 ജീവനുകളാണ്​ ഒറ്റദിവസം നഷ്​ടമായത്​. 1017 പേരാണ്​ ഇതുവരെ കോവിഡ് ബാധിച്ച്​ മരിച്ചത്​. ആരോഗ്യവകുപ്പ്​ നൽകുന്ന കണക്കുകളെക്കാൾ എത്രയോ വലുതാണ്​ യഥാർഥകണക്കുകൾ. ഏകദേശം മൂന്നിരട്ടിയോളംപേർ കോവിഡ്​ ബാധിച്ച്​ മരിച്ചിട്ടുണ്ടാകുമെന്നാണ്​ കരുതുന്നത്​. മറ്റ്​ രോഗങ്ങൾക്ക്​ ചികിത്സയിലിരിക്കെ കോവിഡ്​ ബാധിച്ച്​ മരിക്കുന്നവരെ കണക്കിൽ ഉൾപ്പെടുത്തിയിരുന്നില്ല. മരണനിരക്കിൽ സംസ്ഥാനത്ത്​ ഒമ്പതാം സ്ഥാനത്താണ്​ കണ്ണൂർ.