'അംഗൻവാടി ജീവനക്കാരെ സർക്കാർജീവനക്കാരായി അംഗീകരിക്കണം'

പടം -സന്ദീപ്​ കണ്ണൂർ: അംഗൻവാടി ജീവനക്കാരെ സർക്കാർ ജീവനക്കാരായി അംഗീകരിക്കണമെന്ന്​ അംഗൻവാടി വർക്കേഴ്സ് ആൻഡ് ഹെൽപേഴ്​സ് അസോസിയേഷൻ (സി.ഐ.ടി.യു) ജില്ല സമ്മേളനം ആവശ്യ​പ്പെട്ടു. ചേംബർ ഓഫ് കോമേഴ്​സ് ഹാളിൽ നടന്ന സമ്മേളനം മുൻ ആരോഗ്യമന്ത്രി കെ.കെ. ശൈലജ ഉദ്ഘാടനം ചെയ്തു. ജില്ല പ്രസിഡന്‍റ്​ കെ.വി. ഭവാനി പതാക ഉയർത്തി. കെ.വി. ഓമന രക്തസാക്ഷിപ്രമേയം അവതരിപ്പിച്ചു. പ്രൈമറി വിദ്യാഭ്യാസം അംഗൻവാടിയിലൂടെതന്നെ നടപ്പാക്കുക, പെട്രോൾ-ഡീസൽ- പാചകവാതക വിലവർധന കേന്ദ്രം പിൻവലിക്കുക തുടങ്ങിയ പ്രമേയങ്ങളും സമ്മേളനം അംഗീകരിച്ചു. സി.ഐ.ടി.യു സംസ്ഥാന സെക്രട്ടറി കെ.പി. സഹദേവൻ, സി.ഐ.ടി.യു ജില്ല പ്രസിഡന്‍റ്​ സി. കൃഷ്ണൻ, സംസ്ഥാന സെക്രട്ടറി ഒ.സി. ബിന്ദു എന്നിവർ സംസാരിച്ചു. കെ. അശോകൻ സ്വാഗതം പറഞ്ഞു. ഭാരവാഹികൾ: ശ്രീജകുമാരി (ജില്ല പ്രസി), കെ.വി. ഭവാനി (സെക്ര).