ഹജ്ജ് ക്യാമ്പ് പതിനൊന്നിന്

പയ്യന്നൂർ: പെരുമ്പ മുസ്‍ലിം ജമാഅത്ത് റിലീഫ് കമ്മിറ്റി സംഘടിപ്പിക്കുന്ന ഈ വർഷത്തെ ഹജ്ജ് ക്യാമ്പ് 11ന് പെരുമ്പ ലത്തീഫിയ ഓഡിറ്റോറിയത്തിൽ നടക്കുമെന്ന് ഭാരവാഹികൾ വാർത്തസമ്മേളനത്തിൽ പറഞ്ഞു. രാവിലെ 8.30 മുതൽ ആരംഭിക്കുന്ന ക്ലാസുകൾക്ക് അബ്ദുസ്സമദ് പൂക്കോട്ടൂർ, ചുഴലി മുഹ്‍യിദ്ദീൻ മൗലവി, സി.ടി. അബ്ദുൽ ഖാദർ ഹാജി എന്നിവർ നേതൃത്വം നൽകും. വൈകീട്ട് നാലിന് പാണക്കാട് റഷീദലി തങ്ങളുടെ നേതൃത്വത്തിൽ കൂട്ടുപ്രാർഥന നടക്കും. ഫോൺ: 9947656615. വാർത്തസമ്മേളനത്തിൽ കെ.ടി. സഹദുല്ല, എസ്. അഷ്റഫ്, കെ. ജമാൽ, കെ. ഖലീൽ, സി.പി. അബ്ദുല്ല, കെ.പി. അഷ്റഫ്, കാട്ടൂർ ഹംസ, വി.കെ.പി. ഹനീഫ തുടങ്ങിയവർ സംബന്ധിച്ചു.