എടക്കാട് ലിറ്റററി ഫെസ്റ്റ് നാളെ

കണ്ണൂർ: എടക്കാട് സാഹിത്യവേദി നാലാം വാർഷിക പരിപാടിയായ ലിറ്റററി ഫെസ്റ്റ് ഞായറാഴ്ച ടൗണിൽ നടക്കുമെന്ന് സംഘാടകർ വാർത്തസമ്മേളനത്തിൽ അറിയിച്ചു. വൈകീട്ട് നാലിന് തമിഴ് എഴുത്തുകാരൻ പെരുമാൾ മുരുകൻ ഉദ്ഘാടനം ചെയ്യും. അശ്റഫ് ആഡൂർ സാഹിത്യ പുരസ്കാരം നോവലിസ്റ്റ് രാജശ്രീക്ക് അദ്ദേഹം സമ്മാനിക്കും. വി.എസ്. അനിൽകുമാർ പ്രഭാഷണം നടത്തും. സംഗീത നാടക അക്കാദമി ഗുരുപൂജ പുരസ്കാരം നേടിയ ടി.കെ.ഡി. മുഴപ്പിലങ്ങാടിനെ ചടങ്ങിൽ ആദരിക്കും. വാർത്തസമ്മേളനത്തിൽ ഡോ. എ. വൽസലൻ, ടി.കെ.ഡി. മുഴപ്പിലങ്ങാട്, സതീശൻ മോറായി, കെ. ശിവദാസൻ എന്നിവർ പങ്കെടുത്തു.