ഐ.എൻ.എൽ ഇഫ്താർ സംഗമം

കണ്ണൂർ: ഐ.എൻ.എൽ കാസിം ഇരിക്കൂർ വിഭാഗം കണ്ണൂരിൽ ഇഫ്താർ വിരുന്ന് സംഘടിപ്പിച്ചു.​ എൽ.ഡി.എഫ്​ കൺവീനർ ഇ.പി. ജയരാജൻ പ​ങ്കെടുത്തു​. ഐ.എൻ.എൽ ഭിന്നത സംബന്ധിച്ച ചോദ്യത്തിന്​ പ്രസക്​തിയില്ലെന്നും ഇടതുമുന്നണിയിൽ അങ്ങനെയൊരു പ്രശ്​നമി​ല്ലെന്നും ഇതുസംബന്ധിച്ച ചോദ്യത്തിന്​ മറുപടിയായി ഇ.പി. ജയരാജൻ പറഞ്ഞു. ഇഫ്താർ വിരുന്നിൽ സാധാരണ പ​ങ്കെടുക്കാറുള്ളതാണെന്നും അദ്ദേഹം തുടർന്നു. ഘടകകക്ഷിയെന്ന നിലയിൽ ഐ.എൻ.എൽ പരിപാടിയിൽ സി.പി.എം നേതാക്കളും എൽ.ഡി.എഫ്​ പരിപാടികളിൽ ഐ.എൻ.എൽ നേതാക്കളും പ​ങ്കെടുക്കാറുണ്ടെന്നും അതിൽ അസ്വാഭാവികത ഇല്ലെന്നും കാസിം ഇരിക്കൂർ പറഞ്ഞു. കാസിം വിഭാഗത്തിന്‍റെ ഇഫ്താർ വിരുന്നിൽ എൽ.ഡി.എഫ്​ കൺവീനർ പ​ങ്കെടുത്തത്​ ഒരു വിഭാഗത്തിനുള്ള ഇടതുമുന്നണിയുടെ അംഗീകാരമായി കാണുന്നില്ലെന്ന്​ എ.പി. അബ്​ദുൽ വഹാബ്​ പറഞ്ഞു.