ചോദ്യപേപ്പർ ആവർത്തനം: എം.എസ്.എഫ് പ്രതിഷേധിച്ചു

photo sandeep ----------------- കണ്ണൂർ: കണ്ണൂർ സർവകലാശാല ബിരുദ പരീക്ഷയിൽ ചോദ്യപേപ്പർ ആവർത്തിച്ചതിൽ പ്രതിഷേധിച്ച് എം.എസ്.എഫ് ജില്ല കമ്മിറ്റിയുടെ നേതൃത്വത്തിൽ സമരം സംഘടിപ്പിച്ചു. ജില്ല പ്രസിഡന്റ്‌ നസീർ പുറത്തീൽ ഉദ്​ഘാടനം ചെയ്തു. ജില്ല ജനറൽ സെക്രട്ടറി ഒ.കെ. ജാസിർ അധ്യക്ഷത വഹിച്ചു. ചോദ്യപേപ്പറുകൾ നിസ്സാരമായി കൈകാര്യം ചെയ്തവർക്കെതിരെ ഉടൻ നടപടി കൈക്കൊള്ളണമെന്ന്​ എം.എസ്.എഫ് ആവശ്യപ്പെട്ടു. ജില്ല നേതാക്കളായ ഷകീബ് നീർചാൽ, തസ്‌ലീം അടിപ്പാലം, ഹരിത ജില്ല ജനറൽ സെക്രട്ടറി ഫർഹാന എന്നിവർ സംസാരിച്ചു. സർവകലാശാല അധികൃതരുമായി നടന്ന ചർച്ചയിൽ കുറ്റക്കാർക്കെതിരെ കർശന നടപടി സ്വീകരിക്കുമെന്ന് നേതാക്കൾക്ക് ഉറപ്പ് നൽകി.