റോഡ് പ്രവൃത്തികൾക്ക് ഭരണാനുമതി

ശ്രീകണ്ഠപുരം: ഇരിക്കൂർ പഞ്ചായത്ത്, ശ്രീകണ്ഠപുരം നഗരസഭ എന്നിവിടങ്ങളിൽ രണ്ട് റോഡുകളുടെ പ്രവൃത്തികൾക്ക് ഭരണാനുമതി ലഭിച്ചതായി സജീവ് ജോസഫ് എം.എൽ.എ അറിയിച്ചു. മുൻ എം.എൽ.എ കെ.സി. ജോസഫിന്റെ 2019-20 വർഷത്തെ എം.എൽ.എ ഫണ്ടിൽ ഉൾപ്പെടുത്തി നിർമിക്കുന്ന റോഡുകൾക്കാണ് ഭരണാനുമതിയായത്. ഇരിക്കൂർ പഞ്ചായത്തിലെ ആശുപത്രിക്കടവ്-പമ്പ് ഹൗസ് -ടാക്സി സ്റ്റാൻഡ് (25 ലക്ഷം), ശ്രീകണ്ഠപുരം നഗരസഭയിലെ മാപ്പിനി-വല്ലിടം കൈവെട്ടിച്ചാൽ-മടമ്പം (15 ലക്ഷം) എന്നീ റോഡുകളാണ് നവീകരിക്കുന്നത്.